མཚར་མཚར་གཞུང་ལུགས་འབུམ་སྡེའི་སྲོལ་འབྱེད་ཅིང་།།ལེགས་ལེགས་རྩོམ་འཆད་རྩོད་ལ་ཟླ་མེད་པ།།མང་མང་སྐར་ཚོགས་འགྲན་བཟོད་མཁས་དབང་གིས།།ཡང་ཡང་དྲིན་གྱིས་བསྐྱངས་པའི་བསིལ་ལྗོངས་འདིར།།བགྲང་བྱ་སྟོང་དང་སུམ་བརྒྱའི་གོང་རོལ་ནས།།མེས་དབོན་རྗེ་བློན་ཞི་དྲག་འཕྲིན་ལས་ཀྱིས།།མངའ་དབང་ཕྱོགས་ཀྱི་འཁོར་ལོར་སྤེལ་དང་ལྷན།།...

འདབ་དྲུགདངོས་མིང་ལ་གཡུ་སྒྲོན་འཚོ།མཚོ་ལྷོ་ཁུལ་བྲག་དཀར་རྫོང་གི་ཡིན།༢༠༡༩ལོར།མཚོ་སྔོན་མི་རིགས་སློབ་ཆེན་བོད་རིག་པའི་སློབ་གླིང་ནས་དངོས་གཞི་སློབ་མཐར་ཕྱིན།༢༠༢༢ལོར་ནུབ་བྱང་མི་རིགས་སློབ་གྲྭ་ཆེན་མོར་ཤེས་རམས་ཞིབ་འཇུག་སློབ་མའི་བསླབ་གནས་བླངས།རྩོམ་རིག་ལ་དགའ་མོས་ཡོད་པའི་དབང་གིས།རྩོམ་རིག་སྐོར་གྱི་དཔེ་ཀློག་ཐན་ཐུན་དང་།འབྲི་སྦྱོང་ཙག་ཙིག་ལ་འབད་མུས་ཡིན།སྔ་ཕྱིར«བོད་ཀྱི་རྩོམ་རིག་སྒྱུ་རྩལ»དང་།«སྦྲང་ཆར» «མཚོ་སྔོན་བོད་ཡིག་གསར་འགྱུར» «གངས་རྒྱན་མེ་ཏོག» «སྤང་རྒྱན་མེ་ཏོག» «གསེར་གྱི་ལྷ་དར»སོགས་སུ་སྒྲུང་གཏམ་དང་།ལྷུག་རྩོམ།སྙན་ངགཕྲན་དཔྱད་གཙོས་པའི་སྦྱང་རྩོམ་རེ་ཟུང་སྤེལ་མྱོང་།...

ཨ་མ་ཞེས་གླེང་ཡོང་དུས།གཞིས་བྱེས་གང་དུ་གནས་པ་ཐམས་ཅད་ཀྱིས་ཨ་མའི་དྲིན་ལན་མ་བགྲོས་གཅིག་མཐུན་གྱིས་བརྗོད་ཀྱིན་གདའ།དེ་ཡང་ཡིན་ཏེ། སེམས་ཅན་ལྟེ་ཐོག་ཀུན་མ་ལས་མ་སྐྱེས་པ་ཞིག་ཡོད་མིན་ཞིང་།དེ་ཡང་མ་དྲིན་མོ་ཆེས་ལུས་སྲོག་འབེན་ལ་བཞག་ནས་སྐྱེས་པ་དང་བྱམས་པ་ཕངས་མེད་ལ་བརྟེན་ནས་གཉོར་བ།བརྩེ་བ་གྲངས་མེད་ཀྱི་སྒོ་ནས་བསྐྱངས་པ་ནི་བྱིས་པ་རྣམས་ལ་འཇིག་རྟེན་སྟེང་ཆེས་འདྲ་མཉམ་གྱི་སྐལ་བ་འབའ་ཞིག་ཡིན་པས།དུས་དེ་རིང་དྲིན་མ་ལོའི་དུས་ཆེན་གྱི་ཉིན་མོར་དེ་ལྟར་ཁ་ཞེ་གཉིས་མེད་ཀྱིས་གླེང་བ་ནི་ཤིན་ཏུ་ལེགས་པོར་འཁུམས་ལ།རང་སེམས་ལ་ཉི་མ་འཆར་ནས་གླེང་རི་བའི་བརྗོད་བྱ་རྣལ་མ་འདི་དྲ་ངོས་སོགས་སུ་བརྒྱུད་བསྐུར་བྱེད་པའང་དྲ་བའི་དུས་རབས་ཀྱི་སྲོལ་ལུགས་སུ་གྲུབ་པས།དེར་མི་མོས་པ་དག་མཐོལ་ལོ་བཤགས་ཤིང་།དེས་གནང་བའི་དྲིན་ལན་དྲན་པའི་དྲན་སྐུལ་སོགས་པ་ནི་མངོན་པར་བསྟོད་དོ།།...

བྱིས་དུས་ནི་དྲན་པའི་གཏིང་རིམ་ན་ལྗིད་ཏིག་གེར་ཉལ་བའི་ཚོན་མདོག་གི་རྨི་ལམ་དེ་ཡིན་ལ།བྱིས་དུས་ནི་ཕ་མཐའི་སྨུག་སྤྲིན་ཁྲོད་གསལ་གྱི་ལེར་སྣང་བའི་ཉི་ཟེར་དྲོན་མོ་དེའང་ཡིན་ལགས།ང་ཚོས་ཉིན་གཅིག་གི་ངལ་དུབ་མཐའ་དག་ཇ་ཕོར་དུ་བཏེགས་ཏེ།ཁང་མིག་གྲུ་བཞིའི་གདན་སྟེང་ནས་བག་ཕེབས་ངང་བསམ་གཞིག་གི་གཤོག་ཟུང་རྐྱོང་དུས།བྱིས་དུས་ཀྱི་དྲན་པ་རབ་རིབ་ཆར་ཤུལ་གྱི་འཇའ་ཚོན་ནང་བཞིན་མཛེས་སྡུག་གིས་ཕུབ་ཡོང་བ་སྟེ།ས་རྡོ་དང་འདམ་བག་གིས་བསྒྲིགས་པའི་རྩེད་ར་ཆུང་ཆུང་དུ།མག་བསུ་དང་བག་བསུའི་གཉེན་སྟོན་དང་།ལྕི་འདམ་དང་རྩྭ་ལྡུམ་གྱི་བཟའ་བཏུང་།ད་དུང་བར་པ་རྒད་པོའི་གཏམ་བཤད་དང་མ་སྲི་རྒད་མོའི་ཇ་བཤད་སོགས་གསལ་ལྷང་ངེར་ཕྱིར་དྲན་གྱི་ཡོལ་བར་འཆར་ཡོང་ཨང་།...

ཁྱེད་རང་དེ་ལྟར་ལམ་ལ་ཆས་བཞགཁྱེད་དེ་ལྟར་རྡོག་ཁྲེས་ལྕི་མོ་ཞིག་ཁུར་ནས་ཁེར་རྐྱང་དུ་ལམ་ལ་ཆས་བཞགལམ་དེ་དེ་ལྟར་འགག་འཕྲང་དང་གཡང་གཟར་གྱིས་ཁེངས་ཡོད་ན་ཡང་།ལམ་དེ་དེ་ལྟར་གདོན་བགེགས་དང་བར་ཆད་ཀྱིས་གང་ཡོད་ན་ཡང་།ལམ་དེ་དེ་ལྟར་ཁ་ཆར་དང་བུ་ཡུག་འཚུབ་ཀྱི་ཡོད་ན་ཡང་།ཁྱེད་རང་དཔའ་མ་ཞུམ་པར་མུ་མཐུད་དུ་མདུན་ལ་བསྐྱོད་ཀྱིན་འདུགགློག་བརྙན་ནང་དུ་རྒོད་པོ་དེ་མཐོང་ཡངས་བའི་ནམ་མཁའི་དཀྱིལ་དུ་ཁེར་རྐྱང་ངང་བགྲོད་ཀྱིན་འདུགརྒོད་པོ་དེ་མཁའ་དབྱིངས་སུ་ཇེ་མཐོ་ནས་ཇེ་མཐོར་འགྲོ་བཞིན་འདུགདེ་ནི་བྱ་ཁྱུ་ཞིག་མ་རེད།དེ་ནི་བྱ་རྒྱལ་རྒོད་པོའི་ཚོགས་ཤིག་ཀྱང་མ་རེད།དེ་ནི་རྒོད་པོ་གཅིག་གིས་མཐའ་ཡས་པའི་ནམ་མཁའ་ལ་ཁ་གཏད་གཅོག་པའི་རྣམ་པ་རེད།...

དཔྱད་རྩོམ་འདིར་ཉེ་བའི་ལོ་ངོ་བཅུའི་རིང་གི་འཐུས་ཚབ་རང་བཞིན་ལྡན་པའི་རྩོམ་པ་པོ་ལྔ་བཅུའི་ལྷུག་རྩོམ་ལྔ་བཅུ་དཔྱད་གཞིར་དྲངས་ནས།བར་སྐབས་འདིའི་ལྷུག་རྩོམ་གྱི་སྒྱུ་རྩལ་མཚོན་ཐབས་ཀྱི་ཁྱད་ཆོས་ལ་དཔྱད་པ་གཏོང་ཁུལ་བྱས་མོད།འོན་ཀྱང་འདི་རུ་ད་དུང་ལྷུག་རྩོམ་ལེགས་པོ་གཞན་འདུས་མེད་པའི་གནས་ཚུལ་ཡོད་སྲིད་པ་དང་།དཔྱད་པའི་གོ་རིམ་ཁྲོད་ནས་བརྩམས་ཆོས་བྱེ་བྲག་པ་མང་པོ་སྡེབ་གཅིག་ཏུ་བཀོད་ནས་སྒྱུ་རྩལ་མཚོན་ཐབས་ལ་རིགས་དབྱེ་དང་སྤྱི་སྡོམ་བྱས་པ་གཙོ་བོར་བཟུང་བས་ན།བརྩམས་ཆོས་རེ་འགའི་དམིགས་བསལ་གྱི་ཁྱད་ཆོས་ལ་ལ་ཞིག་རྩལ་དུ་བཏོན་ནས་བརྗོད་མེད་པར་ཕལ་པར་བཞག་པའི་སྣང་ཚུལ་ཡང་མཆིས་སྲིད།དོན་དེ་གཉིས་ནི་རྩོམ་པ་པོ་དང་ཀློག་པ་པོ་ཀུན་ལ་དགོངས་འགལ་མེད་པའི་གསལ་བཤད་ཙམ་མོ།།...

ཁ་ཉིན་ཕྱི་དྲོར།བོད་ཀྱི་ན་གཞོན་འཁྲབ་ཁྲིད་པ་ཞིག་གི་འབྲས་བཟང་ལ་བསྟོད་བསྔགས་བྱས་ཏེ།བོད་ཀྱི་གློག་བརྙན་ལས་དོན་གྱི་ལམ་ཁ་སྔར་ལས་ཡངས་བར་རེ་སྐུལ་བྱེད་བཞིན་ཡོད།ཁ་སང་ཞོགས་པར།སྙིང་ལ་གཟན་པའི་གཏམ་ངན་དེ་ཐོག་མར་གོས་དུས།ང་རང་གཏན་ནས་ཡིད་མ་ཆེས་མོད།གོ་མི་འདོད་པའི་གཏམ་ལ་མི་བདེན་པ་གང་ཡོད།གྲོགས་ཚོམས་སུ་གཏམ་ངན་དེ་ཡང་ཡང་བསྒྲགས།ཡིད་མ་ཆེས་པའི་གཏམ་ངན་དེ་མི་འདོད་པའི་དོན་དངོས་སུ་གྱུར།ལ་ལས་མི་ཚེ་ནི་དཀལ་ཡོལ་ཞིག་དང་མཚུངས་ནམ་ཆག་ཆ་མི་འཚལ་ཟེར།...

“ཁ་བ་མར་མར་འབབ་དུས།ཕ་ཡུལ་ཡིད་ལ་དྲན་བྱུང……”གངས་ཀྱིས་གར་སྟེགས་སུ་གླུ་དབྱངས་ལེན་བཞིན་པའི་བུ་མོ་དེ་ལ་ཅེར་ནས་ཧད་འདུགསྙན་ཞིང་འཇེབས་པའི་གླུ་སྒྲས་ཁོའི་ཡིད་སེམས་དབང་མེད་དུ་བཀུག་ནས་མིག་མཐར་མཆི་མ་འཁོར།ཡུད་ཙམ་ནས་ཕྱོགས་བཞིར་ཐལ་མོ་རྡེབ་པའི་སྒྲ་གྲགས་པ་དང་།བུ་མོ་དེས་གླུ་དབྱངས་བླངས་ཚར་ནས་གར་སྟེགས་ལ་ཅེར་འདུག་པས།ཁོའི་འཁྲིས་སུ་བསྡད་པའི་སློབ་གྲོགས་དཔལ་འབྱོར་གྱིས་ཚུལ་དེ་མཐོང་ནས་ཅི་ཡིན་ཆ་མ་འཚལ་བར་སྐད་དམའ་མོས“གངས་ལགས།ཁྱོད་ལ་ཅི་བྱུང”ཞེས་དྲིས་པ་ན།གངས་ནི་ད་གཟོད་གཉིད་ལས་སད་པ་ཇི་བཞིན་ཅུང་དོགས་མི་བདེ་བའི་ངང་དཔལ་འབྱོར་ལ“ཅི་ཡང་མ་རེད།ད་སོ་མའི་གླུ་དབྱངས་དེས་ང་ནི་རྒྱང་རིང་གི་ཕ་ཡུལ་དུ་བསྐྱལ་སོང་།བུ་མོ་དེའི་མིང་ལ་ཅི་ཟེར”ཞེས་དྲིས།...

དོན་དག་ག་གེ་མོ་ཞིག་གིས།ང་རངAགཞུང་ལས་ཁང་དུ་འགྲོ་དགོས་བྱུང༌།ངས་སྒོ་བརྡུང་ནས་ཅུང་མ་འགོར་བར་སྐྱེས་པ་ཞིག་གིས་ནང་ནས“ཤོག”ཅེས་པའི་སྐད་གྲགས་འོང༌།སྒོ་ཕྱེ་ནས་ཡར་མར་ལ་བལྟས་པ་ན་ནང་དུ་གསར་བུ་ཞིག་དང་སྐྱེས་པ་དར་མ་ཞིག་མ་གཏོགས་མི་འདུགང་རང་འཚབ་འཚུབ་ངང་མདུན་དུ་བཅར་ནས་ཕོ་གསར་དེ་ལ་རང་གི་དོན་དག་དེ་བཤད་རྩིས་བྱས་དུས།ཕོ་གསར་དེ་མྱུར་བར་ཡར་ལངས་ནས་ཕ་གི་ན་ཡིག་ཆ་ཞིག་ཀློག་ཞོར་ཟིན་བྲིས་འགོད་བཞིན་པའི་སྐྱེས་པ་དར་མ་དེ་ལ་མཛུབ་གུས་སྟོན་ཏེ་བཤད་རྒྱུར།“ཁྱོད་ཀྱིས་རྡོ་རྗེ་ཁོའོ་ཀྲང་ལ་ཤོད།”ང་རང་སྐྱེས་པ་དར་མ་དེའི་གམ་དུ་སོང་ནས་སྐར་མ་གཉིས་གསུམ་ཙམ་ལ་བསྒུགས་ཁོ་རང་ཡིག་ཆའི་ནང་དུ་མགོ་འཁོར་ནས་ང་ལ་ལྟ་ཙམ་ཡང་མ་བྱས།...