དོན་དག་ག་གེ་མོ་ཞིག་གིས།ང་རངAགཞུང་ལས་ཁང་དུ་འགྲོ་དགོས་བྱུང༌།ངས་སྒོ་བརྡུང་ནས་ཅུང་མ་འགོར་བར་སྐྱེས་པ་ཞིག་གིས་ནང་ནས“ཤོག”ཅེས་པའི་སྐད་གྲགས་འོང༌།སྒོ་ཕྱེ་ནས་ཡར་མར་ལ་བལྟས་པ་ན་ནང་དུ་གསར་བུ་ཞིག་དང་སྐྱེས་པ་དར་མ་ཞིག་མ་གཏོགས་མི་འདུགང་རང་འཚབ་འཚུབ་ངང་མདུན་དུ་བཅར་ནས་ཕོ་གསར་དེ་ལ་རང་གི་དོན་དག་དེ་བཤད་རྩིས་བྱས་དུས།ཕོ་གསར་དེ་མྱུར་བར་ཡར་ལངས་ནས་ཕ་གི་ན་ཡིག་ཆ་ཞིག་ཀློག་ཞོར་ཟིན་བྲིས་འགོད་བཞིན་པའི་སྐྱེས་པ་དར་མ་དེ་ལ་མཛུབ་གུས་སྟོན་ཏེ་བཤད་རྒྱུར།“ཁྱོད་ཀྱིས་རྡོ་རྗེ་ཁོའོ་ཀྲང་ལ་ཤོད།”ང་རང་སྐྱེས་པ་དར་མ་དེའི་གམ་དུ་སོང་ནས་སྐར་མ་གཉིས་གསུམ་ཙམ་ལ་བསྒུགས་ཁོ་རང་ཡིག་ཆའི་ནང་དུ་མགོ་འཁོར་ནས་ང་ལ་ལྟ་ཙམ་ཡང་མ་བྱས།...

པདྨའི་རྫིང་ནས་ཟླ་བ་མཐོང་ཞེས་པའི་སྐུ་ངལ་གསོ་ས་ཞིག་ནས།ངས་གཞོན་ནུ་མ་ཞིག་གིས་ལྡིང་ཁང་ཆུང་ངུ་ཞིག་གི་གཤམ་འོག་ཏུ་ཙོག་སྟེ་བློ་རྩེ་གཅིག་སྒྲིམ་ངང་ཅི་ཞིག་རི་མོར་འབྲི་བཞིན་ཡོད་པ་མཐོང་སོང་།ང་རང་སྤྱི་གླིང་འདིའི་ཁོར་ཡུག་ལ་རྒྱུས་མངའ་ཡོད་དེ།གཟའ་མཇུག་ཡིན་ན་མ་གཏོགས།གནས་འདིར་མི་མང་པོ་ཡོང་གི་མེད།འོན་ཀྱང་ན་གཞོན་འགའ་ཞིག་རྟག་པར་གནས་འདིར་འོངས་ཏེ་དཔེ་ཀློག་བྱེད་པར་ཆེས་ཆེར་དགའ།དཔེ་ཀློག་བྱེད་མཁན་ཚོར་མཚོན་ན།ལྷིང་ཞིང་འཇགས་པའི་གནས་འདིའི་ཁོར་ཡུག་གིས་སྐབས་རེར་གྲོང་ཁྱེར་གྱི་ཟང་ཟིང་ནི་རང་ཉིད་དང་འབྲེལ་བ་ཤས་ཙམ་ཡང་མེད་པའི་ཉམས་སྣང་རང་ཤུགས་སུ་སྟེར་བར་བྱེད།...

སྒམ་ཆུང་གྲུ་བཞི་འདི་དལ་གྱིས་འགུལ་ཚེ།གཡས་ལོག་གཡོན་ཉལ་བྱས་པའི་མི་རྣམས།ཕར་བལྟས་ཚོད་ཀྱིས་རྨི་ལམ་ཀྱང་རྨི་ཤེས་ཚོད་མ་རེད།ཕན་ཚུན་གྱི་ངོ་ལ་བལྟས་ནས་ཡུན་ཙམ་འགོར་མོད།ངོ་ལ་སྡུག་རྐྱལ་བ་གང་བཟུང་ནས་སྨྲ་ལྕེ་ཆད་འདུགཕྱི་རོལ་ལ་མིག་དབང་གཡར་དུས།བྱེ་ཐང་གིས་ཁེབས་པའི་ཡུལ་ལྗོངས་སྐྱ་བོར་ཆགས་འདུག...

ངས་ཁང་རྙིང་དེའི་བྱ་འདབ་ཀྱི་ཆར་བའི་ཐིགས་པ་ས་ལ་ཟགས་གྱིན་པར་ལྟ་བཞིན།ཞི་བར་གཤེགས་ཟིན་གྱི་སྔོན་བྱོན་ཡབ་མེས་འགའི་མཛད་འཕྲིན་དག་དྲན་བྱུང་།ཆར་བ་མུ་མཐུད་དུ་འབབ་བཞིན་འདུག་པས།ལྟ་སྐོར་སྟབས་བདེའི་ངང་མཇུག་སྒྲིལ་བར་བྱས།དགོང་ཁར་མཉམ་འཛོམས་ཀྱི་ཟ་མ་བཟས་རྗེས།དགེ་རྒན་གྱིས་ད་ནི་སློབ་སྦྱོང་མཇུག་རྫོགས་པ་ཡིན་པས།སང་ཉིན་རང་སར་ལོག་ཆོག་གི་གཏམ་དང་བཅས་ཕན་ཚུན་ལ་གྱེས་མཚམས་ཞུས།བདེ་མོ།ཀྲེ་ཅང་དགེ་ཐོན་སློབ་ཆེན།བདེ་མོ།ཡུན་ཐུང་གི་སློབ་གྲོགས་ཚོ།...

ཡུད་ཙམ་ནས།སྐེ་དཀྲིས་དམར་བོ་བཏགས་པའི་བྱིས་པ་འགའ་རྩེད་བཞིན་དུ་ཁོ་རང་གི་མདུན་རོལ་ཏུ་ཐོན།ཁོ་ཚོས་མཛུབ་མོ་ཀེར་ཀེར་གྱིས་ཁོ་རང་ལ་ལྟ་བཞིན་གད་མོ་དགོད།ཁོ་རང་ལ་དེ་འཕྲད་ཁོང་ཁྲོ་ཞིག་ལངས་ཤིང་ཁོ་ཚོ་སྡིགས་མོ་བྱེད་རྩིས་བྱས་ཚེ།ཁོས་ད་གཟོད་རྟོགས་བྱུང་། —ཁོ་རང་ལ་སྔོན་ནས་ཚེ་སྲོག་གིས་བཏང་ཟིན།ཁོ་རང་ནི་ཚོན་ལྡན་གྱི་རི་མོ་ཞིག་རེད།བྱིས་པ་ཚོའི་དགོད་སྒྲ་དེ་རིམ་བཞིན་རྒྱང་རིང་དུ་སོང………...

སྤྱིར་ན་སློབ་མཐར་ཕྱིན་རྗེས་ད་གཟོད་ཕ་མ་གཉིས་དང་མཉམ་དུ་འཚོ་བ་སྐྱེལ་ཐུབ་སྙམ།ཡིན་ནའང་།སློབ་མཐར་ཕྱིན་ནས་ལོ་ངོ་ལྔ་ཙམ་འདས་སོང་།ཕ་མ་གཉིས་ཕ་ཡུལ་དུ་ལྷག་ཅིང་ང་རང་རྒྱུས་མེད་ཀྱི་གྲོང་ཁྱེར་འདི་རུ་ལྷགགྲོང་ཁྱེར་འདི་རུ་ལོ་ངོ་ལྔ་ཙམ་ལ་བསྡད་པའི་ཡུན་ལ་ཕ་མ་གཉིས་ལ་བསྐོར་བ་ཞིག་བྱེད་དུ་འགྲོ་བའི་དུས་ཚོད་ཀྱང་མི་འདུགཐ་ན།ལོ་སར་སྐབས་སུའང་བྲེལ་བྲེལ་འཚུབ་འཚུབ་ཀྱིས་ཕྱིར་ཡོང་དགོས།འཚོ་བ་ནི་འདི་འདྲ་ཞིག་ཡིན་ནམ།གནམ་འོག་གི་ཕ་མ་བུ་ཕྲུག་ཡོད་ཚད་ཀྱང་འདི་ལྟར་རང་རང་ས་ན་ཁེར་རྐྱང་གི་འཁྲེང་སེམས་ཀྱིས་མནར་བཞིན་འཚོ་བ་ཡིན་ནམ།...

དབུ་རུ་བྱང་གི་ཕྱོགས་འདིར་གདོད་མ་ཉིད་ནས་སྣོད་བཅུད་ཀྱི་དགེ་མཚན་མངོན་པར་བཀྲ་ལ།རིག་གནས་ལོ་རྒྱུས་ཀྱི་གཏེར་ཁ་ཤིན་ཏུ་ཕྱུག་ཅིང་།ལྷ་ཆོས་དང་མི་ཆོས་ཀྱི་རྣམ་དབྱེ་ཁ་གསལ་བས།ལོ་རྒྱུས་ཐོག་ཏུ་ཆོས་པས་ཆོས་མཐུན་གྱི་བྱ་བ་ལ་རྟག་འགྲུས་བགྱིས་ཏེ་ཆོས་ཀྱི་ས་ལ་གཤེགས་པ་མང་བ་དང་།ཁྱིམ་པས་ཁྱིམ་ཐབས་ཚུལ་བཞིན་བསྐྱངས་ཏེ་ཁྱིམ་གྱི་ཁ་འཛིན་མ་ཤོར་བ་སོགས་ཅི་ལའང་དགེ་མཚན་མང་དུ་མཐོང་མོད།ཇི་སྐད་དགེ་བཤེས་པོ་ཏ་བས།ལམ་རྒྱུས་མཁས་པ་བས་ལམ་ལ་ཞུགས་ནས་འགྲོ་བ་དགའ་ཞེས་གསུངས་པ་ལྟར་བོད་ཀྱི་ཤེས་རིག་ལ་ལྷག་བསམ་ལྡན་པ་རྣམས་ཀྱིས་དངོས་བཅར་གྱིས་དྲན་པ་ཉེ་བར་བཞག་ཚེ།མིག་ཡིད་རྣ་བའི་དགའ་སྟོན་དུ་འགྱུར་ངེས་པའི་འཇིག་རྟེན་གྱི་ཆོས་དང་འཇིག་རྟེན་ལས་འདས་པའི་ཆོས་སྣ་ཚོགས་ཐོས་པ་དོན་དུ་གཉེར་རྒྱུ་ཡོད།དེ་ལྟ་ནའང་ལྟ་མི་ཤེས་པའི་མིག་མི་མགུ་ཟེར་བ་ལྟར།ཕྱོགས་ལྷུང་རིས་ཆད་ཀྱི་སྤྱན་ཤེལ་བསྣབས་པའི་གང་ཟག་རྣམས་ནི་ནམ་ཡང་མགུ་དུས་མེད་པ་གཤིས་སུ་གྲུབ་ཡོད་པས།རིག་པ་འབྱུང་བའི་གནས་མཆོག་འཕན་ཡུལ་ལྟ་ཅི།དག་པའི་ཞིང་ཁམས་ཀྱང་མ་དག་པར་མཐོང་ངེས་པས་གང་དུ་ཕྱིན་ཀྱང་ངལ་བའི་རྒྱུ་ལས་འཐོབ་ཆ་གཞན་གང་ཡང་མེད་དོ།།...

ཨ་ཡེ་ཀླུ་བྷ་དངོས་སུ་བརྒྱུད་ཅིང་འོངས་པའི་ཚེ་སྨད་ཀྱི་ཀྱག་ཀྱོག་གི་འཚོ་བའི་གོ་རིམ་ཁྲོད།ཆེས་བབ་ཆགས་པའི་འཇིག་རྟེན་ཨ་མ་ཞིག་གི་ཕུགས་འདུན་བཟང་བོ་ཞིག་དང་།ཀུན་སློང་གཙང་མ་ཞིགབྱ་སྤྱོད་ངོ་མ་ཞིག་གིས་རང་གི་བུ་རབས་ཚ་རྒྱུད་དག་ལ་བཟུང་བའི་ཆེས་སྤྱིར་བཏང་མ་ཡིན་པའི་རླབས་ཆེན་གྱི་བརྩེ་སེམས་དེས་ང་ལ་བག་ཆགས་ཤིན་ཏུ་ཟབ་མོ་ཞིག་བཞག་བྱུང་།དེ་ནི་ད་ལྟའི་ང་ཚོ་ཕྱི་རབས་པ་ཚོས་རང་གི་ཕ་མར་དུས་ཆེན་གྱི་སྐབས་རེར།སྐད་འཕྲིན་སོགས་ཀྱི་ལམ་ནས་བཀའ་དྲིན་ཞུ་བའི་ཁ་གཡེང་ཙམ་གྱི་རྣམ་པ་ལས་ཆེས་ཆེར་འགོངས་འདུག་པས།ཆེད་དུ་འདི་ལྟ་བུའི་དངོས་དོན་རྩོམ་ཐུང་ཞིག་བྲི་རྒྱུའི་ཀུན་སློང་དྲག་པོ་ཞིག་ངང་ངམ་ཤུགས་ཀྱིས་སྐྱེས་ཏེ་ཡིག་ཐོག་ཏུ་ཕབ་པ་ཙམ་མོ།།...

ངས་ལོགས་སུ་སྡོད་པའི་བསོད་ནམས་ལ་མིག་ཟུར་གྱིས་ལྟ་ཙམ་བྱས་པ་ན།ཁོས་ཞྭ་མོ་མཆུ་རིང་དེ་མིག་ཁར་འཐེན་ཞིང་མགོ་བོ་ཕྱི་ལ་དགྱེ་ནས་སྔུར་བ་ཟ་ཟི་ཞིག་འཐེན་བཞིན་འདུགསྒེའུ་ཁུང་ཕྱི་རོལ་གྱི་ཡུལ་ལྗོངས་ནི་བར་མཚམས་མེད་པར་ལྡོག་ཕྱོགས་སུ་བཞུར།དེ་དུས་མྱུར་བགྲོད་གཞུང་ལམ་གྱི་སྣེ་རུ་གངས་རི་ཞིག་དཀར་སིང་ངེར་མངོན་འོང་།གངས་རི་མཐོང་བའི་མོད་ལ་ཡིད་ཀྱི་ཟབ་སར་ཅི་ཞིག་ལྷོག་ལྷོག་ཏུ་གདུས་བྱུང་།ངའི་ཁ་ནས་དབང་མེད་དུ“གངས་རི།གངས་རི”ཞེས་ཤོར།བསོད་ནམས་ཀྱང་གཉིད་ལས་སད་ཅིང་ཡ་མཚན་པའི་མིག་ཟུང་གིས་ང་ལ་རིག་རིག་ཏུ་ལྟ།...

དབྱངས།འདི་ལྟར་ཕྱོགས་བཞི་ནས་མཆེད་ཡོང་དུས།ངས་ཅི་ཞིག་གི་འབོད་པ་ཐོས་བྱུང་།རྒྱང་རིང་དུ་བཞུད་ཟིན་པ་དེ་དག་དང་།རྒྱང་རིང་ན་འོང་གིན་པ་དེ་དགད་དུང་ཉེ་གམ་དུ་སླེབ་ཡོད་པ་འདི་དག་གིསྲ་ཞིང་མཉེན་པའི།དྲོ་ཞིང་གྲང་བའི།དགོད་ཅིང་ངུ་བའི།བརྟན་ཞིང་གཡོ་བའི།དབུགས་རྒྱུན་དྲག་པོ་ཞིག་ཚོར་ཡོང་གི...