བོད་སོག་སྤྱི་ཚོགས་སུ་ནང་པའི་བསྟན་པ་ཡུན་རིང་དར་བ་དེ་མི་རྣམས་ཀྱི་བསམ་པའི་རྟེན་གཞི་ཞིག་ཏུ་གྱུར་ཡོད་པ་དང་བླ་དཔོན་ཟུང་དུ་འབྲེལ་བ་ལས་སོ་སོའི་སྲིད་སྐྱོང་ཆོས་སྤེལ་གྱི་དགོས་མཁོ་སྔར་ལས་ལྷག་པར་སྐོང་ཐུབ་པ་སོགས་ཀྱི་རྒྱུ་ཚོགས་དེ་དག་ནི་ཀུན་མཁྱེན་འཇམ་དབྱངས་བཞད་པ་དང་རྒྱལ་པོ་ཇུ་ནང་གཉིས་ཀྱི་མཆོད་ཡོན་འབྲེལ་བའི་དགོས་པར་འདོད་ལ།དགོས་པ་དེ་དག་གི་དབང་གིས་ཀུན་མཁྱེན་འཇམ་དབྱངས་བཞད་པའི་རྡོ་རྗེ་དང་རྒྱལ་པོ་ཇུ་ནང་གཉིས་ཀྱི་མཆོད་ཡོན་ཉི་ཟླ་ཟུང་གི་འབྲེལ་བ་འབྱུང་ཐུབ་པའི་རྨང་གཞི་གྲུབ་བོ།།...

བོན་གྱི་ཡིག་ཆར་ཕ་གཤེན་རབ་མི་བོ་དང་སྟོན་པ་གཤེན་རབ་མི་བོ་ཞེས་འབྲི་སྟངས་གཉིས་མཆིས།ཕ་གཤེན་རབ་མི་བོ་ཞེས་གཙོ་བོར་ཏུན་ཧོང་བོད་ཀྱི་ཡིག་ཆ་དང་གཏམ་ཤུལ་དགའ་ཐང་འབུམ་པ་ཆེ་ནས་རྙེད་པའི་ཡིག་ཆ་སྟེ།དུས་རབས་བཅུ་པའི་སྔོན་གྱི་ཡིག་ཆར་གསལ།སྟོན་པ་གཤེན་རབ་མི་བོ་ནི་དུས་རབས་བཅུ་པའི་རྗེས་སུ་བྱུང་བའི་བོན་གྱི་ཡིག་ཆར་གསལ།འདིར་ཏུན་ཧོང་ཤོག་དྲིལP.T.1068པ་དང་།P.T.1134པ།P.T.1136པ།P.T.1194པ།P.T.1289པ།IOLTibJ731པ་བཅས་སུ་བཀོད་པའི་ཕ་གཤེན་རབ་མི་བོ་ཞེས་པ་གཙོ་བོར་བཟུང་སྟེ།ཁོང་གིས་ཆོ་ག་སྤེལ་བའི་ཡུལ་དང་དད་ལྡན་གྱི་རིགས་རུས།ཁོང་དང་མཉམ་དུ་བཀོད་པའི་གཤེན་པོ་གཞན་དང་སྟོན་པ་གཤེན་རབ་བར་གྱི་ཁྱད་པར་བཅས་བྲིས་ཡོད།སྔོན་གྱི་ཡིག་ཆ་ཁག་ཕན་ཚུན་བསྡུར་ཚེ།ཤོག་དྲིལ་དེ་ཚོར་གསལ་བའི་ཡུལ་མིང་དང་རྒྱལ་ཕྲན།རྗེ་བོ།སྐུ་གཤེན་ཕལ་ཆེ་བ་ནི་དབུས་གཙང་ཕྱོགས་སུ་མཆིས་ཚུལ་འཁོད་ལ།ཕ་གཤེན་རབ་མི་བོ་གཙོས་ཏེ་སྐུ་གཤེན་ལ་ལ་ནི་དངོས་བྱུང་གི་མི་སྣ་ཞིག་ལས་འདས་ཏེ་མཐུ་དང་རྫུ་འཕྲུལ་ལྡན།གཞན་ཞང་ཞུང་དང་སྟག་གཟིག་འོལ་མོ་ལུང་རིང་སོགས་ཀྱི་སྐོར་མི་གསལ།...

༄༅།།གནུབས་སངས་རྒྱས་ཡེ་ཤེས་ཀྱིས་ཁེང་ལོག་པ་ཚར་བཅད་པའི་གནས་སྙེ་མོ་བྱེ་མཁར་དང་དེའི་དཔེ་རྙིང་སྐོར་ངོ་སྤྲོད་མདོར་བསྡུས།...

ཉང་རལ་བའི་གཏེར་མ་བཀའ་ཐང་ཟངས་གླིང་མ་སོགས་སློབ་པདྨའི་རྣམ་ཐར་ཆེ་ཁག་ལས།སློབ་དཔོན་པདྨ་ཁྲི་སྲོང་ལྡེ་བཙན་དང་།མུ་ནེ་བཙན་པོ།ཁྲི་ལྡེ་སྲོང་བཙན་ཏེ་བཙན་པོ་གསུམ་རིང་བོད་ཡུལ་དུ་སྐུ་བཞུགས་པ་དང་།ཁྲི་ལྡེ་སྲོང་བཙན་གྱི་སྐུ་དུས་སུ་རྒྱལ་བློན་རྣམས་ལ་ཆོས་རྒྱ་ཆེར་གསུངས་གྲུབ་རྗེས་སྲིན་ཡུལ་དུ་བྱོན་ཚུལ་བཤད་པ་དེ་འགྲིག་དཀའ་བ་དཔྱད་ན་ཤེས་སོ།།...

བསྟན་པ་ཕྱི་དར་སྐབས་ཀྱི་ལོ་ཙཱ་བ་གྲགས་ཅན་རིན་ཆེན་བཟང་པོས་ལོ་ཙཱ་གནང་བའི་ལོ་རྒྱུས་ཀྱི་རྒྱབ་ལྗོངས་ལ་ཕྱིར་མིག་བལྟས་ཚེ།ཁོང་གིས་རྒྱུད་སྡེ་སྒྲ་བསྒྱུར་གྱི་བྱ་བའི་འཇུག་ངོགས་ལ་བསྟན་གནང་བའི་ཐབས་ཀྱི་སྙིང་པོ་དང་ཡིག་བསྒྱུར་གཞུང་ལུགས་ཀྱིས་བོད་ཀྱི་ཡིག་བསྒྱུར་བྱ་སྟངས་ལ་ཤུགས་རྐྱེན་ཆེན་པོ་ཐེབས་ཡོད་པ་དང་།ད་དུང་བོད་མི་རིགས་དང་ལོ་ཙཱ་བའི་སེམས་ཁམས་ཐད།བརྡ་སྤྲོད་དང་རྩོམ་རིག།ལོ་ཙཱའི་སྤུས་ཚད་བཅས་ཀྱི་ཐད་ལ་ཤུགས་རྐྱེན་བགྲང་གིས་མི་ལང་བ་ཐེབས་ཡོད།...

ཡང་དར་བསྟན་པའི་སྲོལ་འབྱེད་ཀུན་གཟིགས་པཎ་ཆེན་སྐུ་ཕྲེང་བཅུ་པ་མཆོག་གིས་བོད་ཀྱི་སྲིད་འབྱོར་རིག་གསུམ་འཕེལ་རྒྱས་གོང་སྤེལ་ཐད་ལ་དགོངས་གཞི་ཇི་ལྟར་མཛད་པའི་སྐོར་ཅུང་ཟད་གླེང་བ་ལ།མདོར་བསྟན་པ་དང་རྒྱས་པར་བཤད་པ།མཇུག་བསྡུ་བ་བཅས་གསུམ་ཡོད་དེ།...

རྩོམ་འདིར་བཙན་པོ་དོན་གྲུབ་རྒྱ་མཚོའི་མཚན་ཟུར་གྱི་བཙན་པོ་ཞེས་པའི་ཐོགས་དོན་ལས་འཕྲོས་ཏེ།ཁོང་རྒྱལ་དབང་མཆོག་གི་བཀས་མདོ་སྨད་དུ་ཕེབས་ནས་སེམས་ཉིད་དང་།སྐུ་འབུམ་དང་།དགོན་ལུང་བཅས་ཀྱི་ཚོགས་ཆེན་ཁྲི་ལ་བཞུགས་ཤིང་།སྒོས་སུ་འབྲུ་གུ་དང་།གསེར་ཁོག་གམ་བཙན་པོ་དགོན་གཉིས་ཕྱག་བཏབ་སྟེ།རྨ་ཙོང་ཆུ་བོའི་བྱང་རྒྱུད་དུ་རྒྱལ་བའི་བསྟན་པ་དར་སྤེལ་མཛད་ཚུལ་ལ་ལོ་རྒྱུས་ཡིག་ཚང་དག་གུང་བསྒྲིགས་ནས་དབྱེ་ཞིབ་རགས་ཙམ་བགྱིས་ཡོད།...

ཐུ་བྷོད་དམག་སྤྱི་ཆེན་མོ་དབལ་ཁྲོམ་བཞེར་ནི་བཙན་པོ་ལྷ་སྲས་དར་མ་འུ་དུམ་བཙན་གྱི་སྐབས་བོད་ཤར་ལྷོའི་མཚམས་ཀྱི་མཐའ་བསྲུང་དམག་དཔུང་གི་སྲོག་ཤིང་ལྟ་བུའི་དམག་སྤྱི་ཆེན་མོ་ཞིག་སྟེ།ཡིག་རྙིང་རེ་འགར་དབའ་ཁྲི་བཞེར་དང་དབའས་ཁོན་བཞེར་སོགས་འབྲི་ཚུལ་མི་འདྲ་བ་བྱུང་ལ།རྒྱའི་ཐང་ཡིག་ཏུ་论恐热ཞེས་ཀྱང་འཁོད་ཡོད།...