«རྒྱལ་ཡོངས་སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངས་དང་པོའི་ཚན་རྩལ་མཐུན་ཚོགས་དང་ཚན་རྩལ་ལས་རིགས་ཀྱི་ཨུ་ཡོན་ཚོ་ཆུང་མཉམ་འབྲེལ་གྲོས་མོལ་ལ་ཞུགས་སྐབས་ཀྱི་གསུང་བཤད།»

      བསྒྱུར་བཅོས་སྒོ་འབྱེད་བྱས་པའི་ལོ་ངོ་སུམ་ཅུ་ལྷག་གི་རིང་ལ། ང་ཚོས་མང་ཆེ་བ་ཐོན་ཁུངས་དང་། མ་རྩ། ངལ་རྩོལ་ནུས་ཤུགས་སོགས་ཀྱི་བདག་རྐྱེན་སྤྱོད་པར་བརྟེན་ནས་དཔལ་འབྱོར་མགྱོགས་མྱུར་ངང་གོང་དུ་འཕེལ་བ་དང་གཞི་ཁྱོན་རྒྱ་བསྐྱེད་པར་འདེགས་སྐྱོར་བྱས་ཡོད། བསྒྱུར་བཅོས་སྒོ་འབྱེད་འཕེལ་རྒྱས་བྱུང་ནས་ད་ལྟའི་བར་དུ་བདག་རྐྱེན་འདི་དག་གི་ཆ་རྐྱེན་ལ་འགྱུར་ལྡོག་ཧ་ཅང་ཆེན་པོ་བྱུང་ཡོད་པས། ད་དུང་སྔོན་ཆད་ནང་བཞིན་བདག་རྐྱེན་འདི་དག་གཏོང་འཇོག་བྱ་རྒྱུ་གཙོ་བོར་བཟུང་ནས་འཕེལ་རྒྱས་བཏང་ན། ཐོག་མ་ནང་བཞིན་གྱི་ཆ་རྐྱེན་མེད་ལ། ཐོན་ཁུངས་ཁོར་ཡུག་གིས་ཀྱང་ཐེག་དཀའ་བ་ཞིག་རེད། ང་ཚོས་ངེས་པར་དུ་བདག་རྐྱེན་གྱིས་འཕེལ་རྒྱས་ལ་སྐུལ་འདེད་གཏོང་རྒྱུ་གཙོ་བོར་བྱེད་པ་ནས་གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བའི་ཕྱོགས་སུ་མགྱོགས་མྱུར་ངང་བསྒྱུར་ཏེ་ཚན་རྩལ་གསར་གཏོད་ཀྱི་འདེགས་སྐྱོར་དང་སྣེ་ཁྲིད་ཀྱི་ནུས་པ་འདོན་སྤེལ་བྱེད་དགོས།