«སྐབས་བཅོ་བརྒྱད་པའི་ཀྲུང་དབྱང་ཆབ་སྲིད་ཅུས་ཀྱི་ཐུན་མོང་སློབ་སྦྱོང་ཐེངས་དགུ་པའི་ཐོག་གི་གསུང་བཤད།»

       མ་འོངས་པར་ཁ་ཕྱོགས་ཚེ། ཚན་རྩལ་གསར་བརྗེ་དང་ཐོན་ལས་འཕོ་འགྱུར་གསར་པ་ནི་ཚོད་འཛིན་བྱེད་དཀའ་ཤོས་ཡིན་མོད། འོན་ཀྱང་ངེས་པར་དུ་ཁ་གཏད་འཇལ་དགོས་པའི་ངེས་གཏན་མེད་པའི་རྒྱུ་རྐྱེན་གྱི་གྲས་ཤིག་ཡིན་པས། འཛིན་ཐུབ་ན་གོ་སྐབས་ཡིན་ལ། འཛིན་མ་ཐུབ་ན་འགྲན་སློང་རེད་ཅེས་བཤད་ཆོག ཚན་རྩལ་གསར་བརྗེ་དང་ཐོན་ལས་འཕོ་འགྱུར་གསར་པས་གོ་ལ་ཧྲིལ་པོའི་དཔལ་འབྱོར་གྲུབ་ཚུལ་བསྐྱར་སྐྲུན་བྱ་རྒྱུ་ཡིན་པ་སྟེ། ལུས་རྩལ་འགྲན་སྡུར་དེ་འགྲན་ར་གསར་པ་ཞིག་ཏུ་བརྗེ་བ་ནང་བཞིན། གལ་ཏེ་ང་ཚོ་ད་དུང་སྔར་གྱི་འགྲན་རར་བསྡད་ན་སུ་གང་གི་རྗེས་ཀྱང་མི་ཆོད། ང་ཚོས་ངེས་པར་དུ་ཉམས་ཉེས་དྲན་པའི་འདུ་ཤེས་ཆེ་རུ་གཏོང་བ་དང་། འཛམ་གླིང་གི་ཚན་རྩལ་གསར་གཏོད་ཀྱི་འཕེལ་ཕྱོགས་ཤེས་ཚོར་སྐྱེན་པོས་ཁོང་དུ་ཆུད་པ། རེས་སྐོར་གསར་པའི་ཚན་རྩལ་གསར་བརྗེ་དང་ཐོན་ལས་འཕོ་འགྱུར་གྱི་གོ་སྐབས་དམ་འཛིན་དང་བེད་སྤྱོད་ཡག་པོ་བཅས་བྱེད་དགོས་པ་ལས། རེ་སྒུག་དང་། བབ་ལྟ། སྒྱིད་ལུག་བཅས་བྱེད་མི་རུང་།