«ཕྱོགས་ཡོངས་ནས་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་ལག་བསྟར་དོན་འཁྱོལ་བྱེད་པར་གཙོ་བོ་ལས་དོན་ཁག་དྲུག་དམ་འཛིན་བྱེད་དགོས།»

       བསྒྱུར་བཅོས་སྒོ་འབྱེད་ནི་ལོ་རྒྱུས་ཀྱི་ཆ་རྐྱེན་གསར་པའི་འོག་ཏང་གིས་མི་དམངས་ཀྱི་འགོ་ཁྲིད་དེ་གསར་བརྗེ་རླབས་པོ་ཆེ་གསར་པ་བྱས་པ་ཞིག་དང་། དེང་རབས་ཀྲུང་གོའི་ལས་དབང་ཐག་གཅོད་བྱེད་པའི་གནད་འགག་གི་གདམ་ག་ཞིག་ཡིན། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ལ་སྐྱེ་སྟོབས་ཀྱི་དཔལ་རབ་ཏུ་འབར་བའི་རྒྱུ་མཚན་ནི་བསྒྱུར་བཅོས་སྒོ་འབྱེད་ཀྱི་སྤྱི་ཚོགས་རིང་ལུགས་ལག་ལེན་བསྟར་བའི་རྐྱེན་གྱིས་རེད། འདས་ཟིན་པའི་ལོ་ངོ༣༠ལྷག་གི་ནང་རང་རྒྱལ་འཕེལ་རྒྱས་མགྱོགས་མྱུར་བྱུང་བ་བསྒྱུར་བཅོས་སྒོ་འབྱེད་ལ་བརྟེན་པ་དང་། ཕྱིན་ཆད་རང་རྒྱལ་འཕེལ་རྒྱས་གཏོང་རྒྱུ་དེའང་ངེས་པར་དུ་བློ་བརྟན་འགྱུར་མེད་ཀྱིས་བསྒྱུར་བཅོས་སྒོ་འབྱེད་ལ་བརྟེན་དགོས་པ་རེད། བསྒྱུར་བཅོས་སྒོ་འབྱེད་ཁོ་ནས་ད་གཟོད་ཀྲུང་གོ་དང་། སྤྱི་ཚོགས་རིང་ལུགས། མར་ཁེ་སིའི་རིང་ལུགས་བཅས་འཕེལ་རྒྱས་གཏོང་ཐུབ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ནི་བསྒྱུར་བཅོས་སྒོ་འབྱེད་རིང་བྱུང་བས། བསྒྱུར་བཅོས་སྒོ་འབྱེད་རིང་གོང་འཕེལ་རྒྱ་བསྐྱེད་ཡོང་ངེས་རེད།