«ཀོང་ཏུང་དུ་ལས་ཀར་རྟོག་ཞིབ་གནང་སྐབས་ཀྱི་གསུང་བཤད།»

       བསྒྱུར་བཅོས་སྒོ་འབྱེད་ནི་དེང་རབས་ཀྲུང་གོའི་ལས་དབང་ཐག་གཅོད་བྱེད་པའི་གནད་འགག་གི་ཐབས་བཀོད་ཅིག་ཡིན་ལ། ལོ་བརྒྱ་གཉིས་ཀྱི་འབད་འཐབ་དམིགས་འབེན་མངོན་འགྱུར་དང་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་པའི་གནད་འགག་གི་ཐབས་བཀོད་ཅིག་ཀྱང་ཡིན། ང་ཚོའི་ད་ལྟའི་གནད་འགག་གི་ཐབས་བཀོད་ནི་སྔར་བཞིན་བསྒྱུར་བཅོས་སྒོ་འབྱེད་ཡིན། ལག་ལེན་འཕེལ་རྒྱས་ལ་ནམ་ཡང་རྫོགས་མཐེད་མེད་པ་དང་། བསམ་བློ་བཅིངས་འགྲོལ་ལ་ནམ་ཡང་རྫོགས་མཐའ་མེད་ལ། བསྒྱུར་བཅོས་སྒོ་འབྱེད་ལའང་ནམ་ཡང་རྫོགས་མཐའ་མེད་པས། མཚམས་འཇོག་དང་ཕྱིར་བཤོལ་བྱས་ཚེ་མདུན་ལམ་མེད། ད་ལྟ། བསྒྱུར་བཅོས་ལ་འགལ་བ་མང་བ་དང་དཀའ་ཚད་ཆེ་མོད། འོན་ཀྱང་བསྒྱུར་བཅོས་མི་བྱེད་རང་བྱེད་ཡིན། ང་ཚོས་དཔའ་ངར་ཆེར་སྐྱེད་ཀྱིས་བསྒྱུར་བཅོས་སྒོ་འབྱེད་ཀྱི་ཁ་ཕྱོགས་ཡང་དག་པ་རྒྱུན་འཁྱོངས་དང་། མཁྲེགས་སར་གཏུག་ཕོད་པ་དང་། ཆུ་ཀློང་གཉན་པོ་བརྒལ་ཕོད་དགོས་པ་སྟེ། བསམ་བློ་དང་འདུ་ཤེས་ཀྱི་འཆིང་རྒྱ་བརྟོལ་ཕོད་ལ། ཁེ་ཕན་གཏན་ཆགས་སུ་གྱུར་པའི་ར་བའང་གཏོར་ཕོད་པར་བྱས་ནས། བསྒྱུར་བཅོས་བྱེད་མཚམས་མི་འཇོག་པ་དང་སྒོ་འབྱེད་བྱེད་མཚམས་མི་འཇོག་པ་བྱེད་ཐུབ་དགོས།