«ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་ཐུབ་པའི་རྒྱལ་ཁ་ཕུ་ཐག་ཆོད་པར་བླངས་ཏེ། དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རྒྱལ་ཁ་རླབས་པོ་ཆེ་བརྩོན་ལེན་བྱེད་དགོས།»

       ང་ཚོས་རྒྱལ་ཁབ་ཀྱི་བདག་དབང་དང་མངའ་ཁོངས་ཆ་ཚང་སྲུང་སྐྱོང་མཐའ་གཅིག་ཏུ་བྱས་ཏེ། རྒྱལ་ཁབ་ཁ་ཕྲལ་གཏོང་བའི་ལོ་རྒྱུས་ཀྱི་སྐྱོ་གར་ཡང་བསྐྱར་འཁྲབ་སྟོན་བྱེད་པར་གུ་ཡངས་གཏན་ནས་གཏོང་གི་མིན། རྒྱལ་ཁབ་ཁ་ཕྲལ་གཏོང་བའི་བྱ་སྤྱོད་ཐམས་ཅད་ལ་ཀྲུང་གོ་བ་ཡོངས་ཀྱིས་ངོ་རྒོལ་མཐའ་གཅིག་ཏུ་བྱེད་ངེས་རེད། ང་ཚོར་རྣམ་པ་གང་རུང་གི་ཐའེ་ཝན་རང་བཙན་བྱེད་པའི་ཁ་ཕྲལ་གྱི་ངན་ཇུས་གཏོར་ཕམ་གཏོང་བའི་བློ་སྟོབས་བརྟན་པོ་དང་། ཡིད་ཆེས་ཟབ་མོ། ནུས་ཤུགས་འདང་ངེས་བཅས་ཡོད། ང་ཚོས་མི་དང་ཚོགས་པ་དང་སྲིད་ཏང་གང་ཡང་རུང་བས་དུས་གང་ཡང་རུང་བ་དང་རྣམ་པ་གང་ཡང་རུང་བ་སྤྱད་དེ་ཀྲུང་གོའི་མངའ་ཁོངས་ཀྱི་ས་ཆ་དུམ་བུ་གང་ཡང་རུང་བ་ཞིག་ཀྲུང་གོ་ནས་ཁ་ཕྲལ་གཏོང་དུ་མི་འཇུག་ཐག་ཆོད་ཡིན།