«མིའི་རིགས་ཀྱི་ལས་དབང་གཅིག་མཐུན་ཚོགས་པ་མཉམ་དུ་འཛུགས་དགོས།»

       གླེང་མོལ་དང་གྲོས་མོལ་བྱ་རྒྱུ་རྒྱུན་འཁྱོངས་བྱས་ཏེ་ཕྱི་ཐག་རིང་བའི་ཞི་བདེའི་འཛམ་གླིང་ཞིག་འཛུགས་སྐྲུན་བྱེད་དགོས། རྒྱལ་ཁབ་དང་རྒྱལ་ཁབ་འཆམ་ན་འཛམ་གླིང་བདེ། རྒྱལ་ཁབ་དང་རྒྱལ་ཁབ་འཐབ་ན་འཛམ་གླིང་འཁྲུག། སྤྱི་ལོའི་སྔོན་གྱི་པོ་ལུའོ་པུན་ཉི་ས་དམག་འཁྲུག་ནས་འཛམ་གླིང་དམག་ཆེན་གཉིས་བར་དང་། དེ་ནས་ལོ་ངོ༤༠ལྷག་རིང་རྒྱུན་བསྲིངས་པའི་འཇམ་འཐབ་ལས་ཐོབ་པའི་བསླབ་བྱ་ནི་ཡིད་སྐྱོ་བ་དང་གཏིང་ཟབ་པ་ཞིག་རེད། སྔོན་མའི་བསླབ་བྱ་མ་བརྗེད་པ། །རྗེས་མའི་ལམ་སྟོན་བཤེས་གཉེན་ཡིན། །ང་ཚོའི་མེས་རབས་ཀྱིས་མཉམ་འབྲེལ་རྒྱལ་ཚོགས་བཙུགས་པའི་རྐྱེན་གྱིས་འཛམ་གླིང་ལ་ལོ་ངོ༧༠ལྷག་རིང་གི་བལྟོས་བཅས་ཀྱི་ཞི་བདེ་བྱུང་བ་རེད། ང་ཚོས་ལམ་སྲོལ་དང་བྱེད་ཐབས་འཐུས་ཚང་དུ་བཏང་སྟེ་རྩོད་གཞི་དང་འགལ་བ་ཐག་གཅོད་སྔར་ལས་ཡག་པོ་བྱེད་པ་དང་། ཟིང་འཁྲུག་དང་གདོང་གཏུག་མེད་པ་བཟོ་དགོས།