«མིའི་རིགས་ཀྱི་ལས་དབང་གཅིག་མཐུན་ཚོགས་པ་མཉམ་དུ་འཛུགས་དགོས།»

       ལྗང་མདོག་ན་ཉུང་ཡོང་རྒྱུ་རྒྱུན་འཁྱོངས་བྱས་ཏེ་དྭངས་གཙང་མཛེས་སྡུག་ལྡན་པའི་འཛམ་གླིང་ཞིག་སྐྲུན་དགོས། མི་དང་རང་བྱུང་མཉམ་འཚོ་མཉམ་གནས་བྱེད་དགོས་ལ་རང་བྱུང་ལ་གཏོར་བརླག་བཏང་ན་མཐར་མིའི་རིགས་རང་ཉིད་ཕུང་ལ་སྦྱོར་ངེས་རེད། མཁའ་རླུང་དང་ཆུ། ས་རྒྱུ། ནམ་མཁའ་སོགས་རང་བྱུང་ཐོན་ཁུངས་ནི་སྤྱོད་དུས་སྣང་བ་མེད་ཀྱང་སྤྱད་ཚར་དུས་སོར་ཆུད་ཡོང་དཀའ་བ་རེད། བཟོ་ལས་ཅན་གྱིས་སྔར་བྱུང་མ་མྱོང་བའི་དངོས་པོའི་རྒྱུ་ནོར་གསར་སྐྲུན་བྱས་ཡོད་ལ། སྐྱེ་ཁམས་ཐད་གསབ་ཐབས་མེད་པའི་གནོད་སྐྱོན་ཡང་བཟོས་ཡོད། ང་ཚོས་མེས་པོའི་ཤུལ་ནོར་སྤྱོད་བཞིན་དུ་མི་རབས་རྗེས་མའི་འཚོ་སྐལ་འཛད་མི་ཉན་པ་དང་། གཏོར་བརླག་རང་བཞིན་གྱི་བྱེད་ཐབས་སྤྱད་ནས་འཕེལ་རྒྱས་གཉེར་མི་རུང་། རི་སྔོན་ཆུ་དྭངས་ནི་གསེར་རི་དངུལ་རི་ཡིན། ང་ཚོས་སྣོད་བཅུད་མཉམ་གནས་དང་བྱ་དངོས་ཀྱི་གནས་ལུགས་དེ་བཞིན་ཉིད་ཅེས་པའི་ལྟ་བ་བརྩི་སྲུང་བྱས་ཏེ་གཏན་འཕེལ་གྱི་འགྲོ་ལམ་འཚོལ་དགོས།