«ཕུའུ་ཏུང་ཆུ་ཚད་སྔར་ལས་མཐོ་བའི་བསྒྱུར་བཅོས་སྒོ་འབྱེད་ཀྱི་ལམ་འབྱེད་གདོང་ལེན་པ་ཞིག་ཏུ་འགྱུར་བར་འབད་བརྩོན་བྱེད་དགོས།»

       ངས་ཀྲུང་གོའི་དཔལ་འབྱོར་ནི་རྒྱ་མཚོ་ཆེན་མོ་རེད་ཅེས་བརྗོད་མྱོང་ལ། ངས་འཛམ་གླིང་གི་དཔལ་འབྱོར་ཡང་རྒྱ་མཚོ་ཆེན་མོ་རེད་ཅེས་ཀྱང་བརྗོད་རྒྱུ་ཡིན། འཛམ་གླིང་གི་རྒྱ་མཚོ་ཆེན་མོ་ཚང་མ་ཕན་ཚུན་འབྲེལ་ཡོད་པས། མི་སུ་ཞིག་ཡིན་རུང་འཛམ་གླིང་གི་རྒྱ་མཚོ་ཆེན་མོ་འབྲེལ་མཐུད་བྱེད་པ་འགོག་འདོད་པ་ནི་རང་ཚོད་མི་ཟིན་པའི་སྟོང་བསམ་ཙམ་རེད། འཕེལ་རྒྱས་ཀྱི་རྣམ་པ་གསར་པ་གང་མགྱོགས་འཛུགས་པ་དང་། རྒྱལ་ནང་དང་རྒྱལ་སྤྱིའི་ཚོང་ར་གཉིས་དང་ཐོན་ཁུངས་གཉིས་སྔར་ལས་ལྷག་པར་གཅིག་འདོམས་བྱས་ཏེ། ཐོན་ཁུངས་བཀོད་སྒྲིག་བྱེད་ནུས་ཆེ་རུ་གཏོང་བ་དང་། མ་དངུལ་དང་། ཆ་འཕྲིན། ལག་རྩལ། ཤེས་ལྡན་མི་སྣ། ཚོང་ཟོག་སོགས་བདག་རྐྱེན་བཀོད་སྒྲིག་བྱེད་པའི་གོ་ལ་ཧྲིལ་པོའི་རང་བཞིན་གྱི་ཤུགས་རྐྱེན་གཏོང་ནུས་ཆེ་རུ་གཏོང་དགོས།