«ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང»

       ད་ལྟ་ཏང་ཡོན་དང་ལས་བྱེད་པ་ཁག་གི་ནང་དུ་འཁུར་ལེན་བྱེད་མི་འདོད་པ་དང་། འཁུར་ལེན་བྱེད་མི་ཕོད་པ། འཁུར་ལེན་བྱེད་མི་ཤེས་པ་བཅས་ཀྱི་གནད་དོན་ཆེ་ཆུང་འདྲ་མིན་གནས་ཡོད། ལ་ལས“དཀར་ཡོལ་བཀྲུ་བ་མང་ན་གཅོག་པ་མང་བར”དོགས་པ་དང་། “མེ་ཏོག་མང་གསོ་དང་ཚེར་མ་ཉུང་འདེབས་བྱས་ན་དགའ་སྙམ་ནས་དཀའ་ངལ་དང་འཕྲད་ཀྱང་ལག་པ་རྐྱོང་ཙམ་མི་བྱེད་པའི”སྤྱོད་ཚུལ་འཛིན་པ། “ནོར་འཁྲུལ་མ་བྱུང་ན་བྱ་བ་མ་བསྒྲབས་པས་ཆོག་འདོད་པ།” “བྱས་རྗེས་འཇོག་འདོད་ལས་འགན་འཁྲི་འཁུར་འདོད་མེད་པ་དང་། སྐད་གྲགས་ཆོད་འདོད་ལས་བརྩོན་པ་བྱེད་འདོད་མེད་པ”སོགས་ཀྱི་དབང་གིས“མི་བཟང་ངོ་བཟང”དང་། “བདེ་འཇགས་དཔོན་པོ།” “གྱང་སྟེང་གི་རྩྭ”བྱེད་ཀྱི་ཡོད། ལ་ལས་ནི“ལྷ་ཁང་ནང་གི་འཇིམ་སྐུ་བཞིན་ཆར་རླུང་མི་ཐུབ”པས་འགལ་བར་འཕྲད་དུས་རྔམ་སྐྲག་ལངས་ནས་ཅི་བྱ་གཏོལ་མེད་དུ་གྱུར་པ་དང་།འཐབ་རྩོད་དང་འཕྲད་དུས་འདར་ནད་འཕར་བ་བཅས་ཡིན། འདི་རིགས་ལ་གུང་ཁྲན་ཏང་མིའི་བཟོ་ལྟ་ཞིག་གང་ན་ཡོད་དམ། འགན་མི་འཁུར་ཞིང་ལས་དོན་མི་སྒྲུབ་ན་བྱ་བ་འགྲུབ་མི་ཡོང་བ་མ་ཟད། བྱ་བ་སྒྲུབ་པར་འགོག་རྐྱེན་ཆགས་ཤིང་བར་ཆད་བཟོས་ཡོང་བ་རེད།