«“རུལ་སུངས་མི་ཕོད་མི་མི་ནུས་མི་འདོད་གསུམ”གཞི་གཅིག་ཏུ་སྐུལ་སྤེལ་གཏོང་བའི་ནུས་པ་དང་ཆུ་ཚད་མཐོ་རུ་བཏང་ནས། ཕྱོགས་ཡོངས་ནས་རུལ་སུངས་ལ་ངོ་རྒོལ་བྱེད་པའི་ཐབས་རྩོད་ཀྱི་འགག་སྒྲོལ་དམག་འཐབ་དང་རྒྱུན་སྲིང་དམག་འཐབ་ལ་རྒྱལ་ཁ་ལེན་དགོས།»

       རུལ་སུངས་བྱེད་མི་ཕོད་པ་དང་། རུལ་སུངས་བྱེད་མི་ནུས་པ། རུལ་སུངས་བྱེད་མི་འདོད་པ་བཅས་གཞི་གཅིག་ཏུ་སྐུལ་འདེད་གཏོང་དགོས་ན། ངེས་པར་དུ་དེ་གསུམ་གྱིས་དུས་མཉམ་ཤུགས་འདོན་དང་། ཕྱོགས་མཐུན་ཤུགས་འདོན། ཕྱོགས་བསྡུས་ཤུགས་འདོན་བཅས་བྱས་ཏེ། རུལ་སུངས་བྱེད་མི་ཕོད་པའི་ཟུལ་གནོན་གྱི་ཕན་ནུས་ཆེན་པོ་དང་། རུལ་སུངས་བྱེད་མི་ནུས་པའི་འགྱུར་མེད་ལམ་ལུགས་ཀྱི་གཅུན་སྡོམ། རུལ་སུངས་བྱེད་མི་འདོད་པའི་བསམ་བློ་སློབ་གསོའི་དགེ་མཚན་བཅས་གཞི་གཅིག་ཏུ་འདྲེས་པར་བྱེད་དགོས། “རེས་འཁོར་ཧྲིལ་པོའི་དོ་དམ”བྱེད་ཐབས་སྤྱད་དེ་སྲིད་ཇུས་ཀྱི་འཁྱེར་སོའི་ཐད་ཕན་ཚུན་གཞོགས་འདེགས་དང་། ལག་བསྟར་བྱེད་རིམ་ནང་ཕན་ཚུན་སྐུལ་འདེད། ལས་ཀའི་ཕན་འབྲས་ཐད་ཕན་ཚུན་སྤེལ་ཟླ་བྱེད་རེས་བཅས་བྱེད་པར་སྐུལ་འདེད་གཏོང་དགོས།