ཀྲུང་དབྱང་གི་ཕྱོགས་ཡོངས་ཀྱི་སྒྱུར་བཅོས་ཟབ་གཏོང་ཨུ་ཡོན་ལྷན་ཁང་གི་ཚོགས་འདུ་ཐེངས་ཉི་ཤུ་པའི་ཐོག་གནང་བའི་གསུང་བཤད།

       འཕེལ་རྒྱས་ཀྱི་རྣམ་པ་གསར་པ་གང་མགྱོགས་གཏོད་པ་ནི་ང་ཚོས་མ་འོངས་པའི་འཕེལ་རྒྱས་ཀྱི་རང་འགུལ་དབང་ཆར་སྟངས་འཛིན་བྱེད་པའི་འཐབ་ཇུས་ཀྱི་བྱེད་ཐབས་ཤིག་དང་། མ་འོངས་སྔོན་ནས་མཐོང་ཐུབ་པ་དང་སྔོན་ནས་མཐོང་དཀའ་བའི་རྦ་རླབས་འཇིགས་སུ་རུང་བ་སྣ་ཚོགས་ཀྱི་ཁྲོད་དུ་ང་ཚོའི་འཚོ་གནས་བྱེད་ནུས་དང་། འགྲན་རྩོད་བྱེད་ནུས། འཕེལ་རྒྱས་གཏོང་ནུས། རྒྱུན་མཐུད་བྱེད་ནུས་བཅས་ཆེ་རུ་གཏོང་ཆེད་རེད་ལ། ཞུམ་མེད་ཀྱི་སྙིང་སྟོབས་དང་འཐབ་ཇུས་ཀྱི་ངེས་ཤུགས་རྒྱུན་འཁྱོངས་བྱེད་པའི་འགག་སྒྲོལ་དམག་འཐབ་དང་རྒྱུན་སྲིང་དམག་འཐབ་ཅིག་ཀྱང་ཡིན་པས། རང་རྟོགས་ངང་ས་ཁུལ་དེ་རང་དང་སྡེ་ཚན་དེ་རང་གི་ལས་དོན་འཕེལ་རྒྱས་ཀྱི་རྣམ་པ་གསར་པ་གཏོད་པའི་ཁྲོད་བཅུག་ནས་སྤྱི་འདོམས་བསམ་གཞིག་དང་ཇུས་འགོད་བྱས་ཏེ། དེ་བས་བློ་བརྟན་འགྱུར་མེད་ཀྱི་བསམ་བློའི་རང་རྟོགས་དང་། གནད་སྨིན་དངོས་གཉེར་གྱི་བྱེད་ཐབས། དངོས་འཛིན་དངོས་སྒྲུབ་ཀྱི་ངར་ཤུགས་བཅས་ལ་བརྟེན་ནས་འཕེལ་རྒྱས་ཀྱི་རྣམ་པ་གསར་པ་གཏོད་པར་སྐུལ་འདེད་གཏོང་བར་ཕན་འབྲས་ཏན་ཏིག་འཐོབ་པར་བྱེད་དགོས།