ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་མཉམ་སྡེབ་སློབ་སྦྱོང་ཐེངས་ཉེར་གཅིག་པའི་ཐོག་གནང་བའི་གསུང་བཤད།

       རུལ་སུངས་ལ་ངོ་རྒོལ་བྱེད་པར་ངེས་པར་དུ་དབང་ཆ་འཁོར་སྐྱོད་ཚད་ལྡན་དུ་གཏོང་དགོས། དབང་ཆ་སྤྲོད་པ་དང་། དབང་ཆ་སྤྱོད་པ། དབང་ཆར་ཚོད་འཛིན་བཅས་ཕན་ཚུན་གཅིག་གྱུར་དང་། ཁ་གསལ་དང་། ཕྱི་གསལ་ནང་གསལ། ཁུངས་འདེད་ཐུབ་པ་བཅས་ཀྱི་ལམ་ལུགས་དང་ལམ་སྲོལ་འཐུས་སྒོ་ཚང་དུ་བཏང་ནས། དབང་ཆ་འཁོར་སྐྱོད་ཀྱི་སྐྱོན་ཆ་འཚོལ་བཤེར་དང་ལམ་ལུགས་ཀྱི་ཞན་ཆ་སེལ་རྒྱུར་སྣང་ཆེན་བྱེད་དགོས། ལམ་ལུགས་ལག་བསྟར་ནན་པོ་དང་དམངས་གཙོ་གཅིག་སྡུད་ལམ་ལུགས་ཕྱོགས་ཡོངས་ནས་ལག་བསྟར་བྱས་ཏེ། དབང་ཆ་འཁོར་སྐྱོད་བྱེད་པའི་བརྒྱུད་རིམ་ཧྲིལ་པོར་ལྟ་སྐུལ་བྱེད་དགོས། ཏང་ཡོན་ལས་བྱེད་པ་ཚོས་དབང་ཆ་ཡོད་ཚད་མི་དམངས་ཀྱིས་སྤྲད་པ་དུས་དང་རྣམ་པ་ཀུན་ཏུ་བློ་ལ་བརྟན་པོར་ངེས་ནས་ཐོག་མཐའ་བར་གསུམ་དུ་མི་དམངས་ལ་གུས་སྐྲག་དང་། རྩ་འཛུགས་ལ་གུས་སྐྲག སྒྲིག་ཁྲིམས་ལ་གུས་སྐྲག་བཅས་བྱེད་དགོས།