རྩོམ་འདིས་བཀའ་བརྒྱུད་པའི་ཡང་དག་ཆོས་ཀྱི་དགོངས་པས་སྐྱེ་བོ་སྡིག་སྒྲིབ་ཅི་འདྲའི་ཆེ་བ་ཅན་ཡིན་ཡང་དེ་ལ་མི་ཕྱེད་པའི་དད་སྒོམ་བསྐྱེད་ན།ཚེ་གཅིག་ལུས་གཅིག་ལ་སྟན་ཐོག་གཅིག་ནས་འཚང་རྒྱ་བར་ནུས་པའི་ཆོས་ཀྱི་ཆེ་བ་རྩལ་གྱིས་ཕྱུང་བའི་ཞར་དུ།ཕུལ་དུ་བྱུང་བའི་རྩོམ་རྩལ་གྱིས་རྩོམ་རིག་གི་མཛེས་པ་དང་མི་ཆོས་རིག་པའི་གནད་ཀྱང་རྩོམ་ནང་འབུར་དུ་བཏོད་འདུགདེས་རྣམ་ཐར་འདིའི་རྩོམ་རིག་གི་རིན་ཐང་གོང་དུ་གཏད་འདུག་པ་འདི་ལ་བོད་རྩོམ་གྱི་ལོ་རྒྱུས་སྟེང་ལྗིད་ཚད་ངེས་ཅན་ཞིག་ཡོད་དོ།།...

འབྱུང་བ་ལྔའི་མ་བུ་དགྲ་གྲོགས་ཀྱི་འབྲེལ་བ་ནི་དེང་གི་ཚན་རིག་གི་གཞུང་ལུགས་སུའང་ས་ནི་སྐྱེ་དངོས་ཀྱི་གཞི་རྩ་དང་།ཆུ་ནི་འཚོ་བའི་རྒྱུན་འཛིན་གྱི་རྒྱུ།མེ་ནི་དྲོད་དང་ནུས་པའི་འབྱུང་ཁུངས།རླུང་ནི་གློག་དང་དྲོད་ཀྱི་འགྱུར་བ་སྤེལ་བར་བྱེད་པ་བཅས་ས་ཆུ་མེ་རླུང་ནི་རང་བཞིན་གྱི་རྒྱུ་རྐྱེན་ཡིན་པར་བརྗོད་ལ།དེ་དག་གིས་འཇིག་རྟེན་གྱི་འཕེལ་འགྱུར་དང་སྐྱེ་དངོས་ཀྱི་འཚོ་བར་ནུས་པ་གལ་ཆེན་འདོན་གྱི་ཡོད་པར་སྨྲ་ལ།འབྱུང་བ་ལྔ་ནི་བོད་བརྒྱུད་ནང་བསྟན་རིག་པའི་གཞུ...

སངས་རྒྱས་ཀྱི་ཆོས་བོད་ལ་དབུ་བརྙེས་པའི་དུས་ནི་བོད་རྒྱལ་ཉེར་བརྒྱད་པ་ལྷ་ཐོ་ཐོ་རི་གཉན་བཙན་གྱི་དུས་ཡིན་པར་བཤད་ལ།དེའི་སྒྲུབ་བྱེད་ཀྱི་དཔང་རྟགས་ནི«པང་ཀོང་ཕྱག་རྒྱ»སོགས་སྐུ་གསུང་ཐུགས་ཀྱི་རྟེན་རྣམས་ཡིན།སྐབས་དེར་བོད་ལ་ཡི་གེ་མེད་པས་རྒྱལ་བློན་རྣམས་ཀྱིས«པང་ཀོང་ཕྱག་རྒྱ»སོགས་ལ་“གཉན་པོ་གསང་བ་”ཞེས་མཚན་གསོལ་ཏེ་མཆོད་པའི་རྟེན་དུ་བཀུར།དོན་ལ་གཉན་པོ་གསང་བ་ཞེས་པ་ནི།ལེགས་སྦྱར་གྱི་སྐད་མུ་ཏྲའམ་མུ་དྲ(mudrā)ཞེས་པ་ཡིན་ལ།བོད་སྐད་དུ་ཕྱག་རྒྱ་ཞེས་པའི་དོན་ཡིན།བོད་ཀྱི་རྒྱལ་པོའི་གདུང་ཁུངས་སྨོས་པའི་ལོ་རྒྱུས་ཡིག་ཚང་ཁྲོད་དུ་གྲགས་ཆེ་བ་ནི«ཅན་ལྔ»ཞེས་པ་ཡིན།«ཅན་ལྔ»ལས་རྒྱལ་པོ་ཉིད་ཀྱིས་མཛད་པའི་ལོ་རྒྱུས་ལ«གསང་བ་ཕྱག་རྒྱ་ཅན»ཞེས་བྱ།ཕྱག་རྒྱ་ཅན་གྱི་ཡིག་ཚང་གི་ཐོག་མའི་རྣམ་པ་ནི།རྒྱལ་པོའི་ཕྱག་རྒྱ་ཕོག་པའམ་རྒྱལ་པོས་ཕྱག་རྒྱས་བཏབ་སྟེ་གསང་བར་ཉར་བའམ་གཅེས་པར་བྱེད་པའི་ཡི་གེ་ལ་བྱའོ།།གནའ་བོའི་རྒྱ་གར་གྱི་ཐུབ་བསྟན་ཡིག་ཚང་ཁག་ལས་མན་ངག་ལྟ་བུའི་ཡིག་ཚང་དཀོན་རིགས་ལ་“རྒྱ་རིམ་པ་བདུན་”བཏབ་སྟེ་བཀའ་གཉན་པོས་གཅེས་པར་ཉར་བའི་སྲོལ་ཡོད་པ་ཡུམ་བསྡུས་པ«ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ»སོགས་ཀྱིས་བསྒྲུབ་ནུས་ལ།རྒྱ་རིམ་པ་བདུན་ནི།ཐོག་མར་གླེགས་བམ་འཆིང་བྱེད་ཀྱི་ཐག་པ་སྟེ།བོད་བཙན་པོའི་སྐབས་ཀྱི་ཡིག་ཚང་རྣམས་སུ་“རྒྱ་ཐག་”ཅེས་བྱ་ལ།རྒྱ་ཐག་རིམ་པ་བདུན་དུ་བཅིངས་ཏེ་ཕྱག་རྒྱ་ཕོག་པའམ་ཕྱག་རྒྱས་བཏབ་པ་ལ་བྱ་ཡང་།བསྟན་པ་ཕྱི་དར་གྱི་རྗེས་ནས་བཟུང་གླེགས་བམ་གྱི་རྒྱ་རིམ་པ་བདུན་ནི་ཚེག་གི་རྒྱ་དང་།ཤད་ཀྱི་རྒྱ།ལེའུའི་རྒྱ།བམ་པོའི་རྒྱ།བམ་པོའི་གྲངས་ཀྱི་རྒྱ།སྣ་ཐིག་གི་རྒྱ།གདོང་ཡིག་གམ་སྤྱན་ཁྱེར་གྱི་རྒྱ་བཅས་བདུན་ལ་འཇུག་པ་ཡིན།རིགས་ལམ་དེ་ལ་བརྟེན་ཏེ་དུང་དཀར་བློ་བཟང་འཕྲིན་ལས་ལགས་ཀྱིས་དཀར་ཆག་ལའང་རྒྱ་རིམ་པ་བདུན་གཏན་ལ་ཕབ་བོ།།འདིར་གཉན་པོ་གསང་བ་དང་གསང་བ་ཕྱག་རྒྱ་ཅན་གྱི་བརྡ་དོན་ལས་འཕྲོས་ཏེ།རྒྱ་དང་རྒྱས་ཀྱི་ཐ་སྙད་ཀྱི་ཁྱད་འབྲེལ་དང་།གླེགས་བམ་གྱི་རྒྱ་རིམ་པ་བདུན་གྱི་བྱུང་བ།རྒྱ་རིམ་པ་བདུན་གྱི་བརྡ་དོན་འཕེལ་འགྱུར།རྒྱ་རིམ་པ་བདུན་གདབ་པའི་དགོས་ཆེད་སོགས་ལ་དཔྱད་གླེང་བྱས་ཡོད།...

ཏུན་ཧོང་གཏེར་ཡིགP.T.1287ལས་ལུག་རྟུག་ཅེས་པ་འདི་ནི་རྩོད་གཞི་ཅན་གྱི་མིང་ཚིག་ཅིག་ཡིན་སྟབས།མིང་འདིའི་དོན་གྱི་འཇུག་ཡུལ་ལ་ཞིབ་འཇུག་གི་སྡེ་རུ་ཡང་འགྲེལ་ཚུལ་མི་འདྲ་བ་མང་པོ་ཡོད།འདིར་ཏུན་ཧོང་གཏེར་ཡིགP.T.1287ལས་ལུག་རྟུག་ཅེས་པའི་མིང་ཚིག་འདིའི་འགྲེལ་ལུགས་མི་འདྲ་བ་དག་གཅིག་ཏུ་བསྡུས་ནས་མིང་འདིའི་ཞིབ་འཇུག་གི་གནས་བབ་དང་དེ་འབྲེལ་གྱི་རང་གི་ལྟ་ཚུལ་རགས་ཙམ་གླེང་ཡོད།...

ཁྱུག་དབྱིངས་ནི་རྒྱ་སྐད་ཀྱི(抖音)ཞེས་པ་ཡིན་ལ།འདིར་བོད་སྐད་ལ་འབྲི་སྟངས་མི་འདྲ་བ་ཁ་ཤས་འདུགདཔེར་ན།བོད་རང་སྐྱོང་ལྗོངས་བོད་ཡིག་ཐ་སྙད་བཀས་བཅད་ཨུ་ཡོན་ལྷན་ཁང་གིས“ཁྱུག་དབྱིངས”ཞེས་བཀས་བཅད་ཡོད་ལ།མཚོ་སྔོན་ཞིང་ཆེན་བོད་ཀྱི་བརྡ་ཆད་ཚད་ལྡན་ཞུས་བཤེར་གཏན་འབེབས་ཨུ་ཡོན་ལྷན་ཁང་གིས(༢༠༢༣-༡༡-༢༤)སྤྱི་བསྒྲགས་གནང་བའི་ཡིག་ཆ་ནང་དུ“འཁྱུག་དབྱིངས།”ཞེས་གཏན་འབེབས་གནང་འདུགརྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་བཅུ་དགུ་བའི་སྟེང་ཞུས་བཤེར་གཏན་འབེབས་བྱས་པའི་བརྡ་ཆད་སྤྱི་བསྒྲགས་ནང་དུ“འཁྱུག་དབྱིངས”ཞེས་གཏན་འབེབས་བྱས་འདུགའདི་དག་གཞུང་གི་ལས་ཁུངས་ཁག་གིས་གཏན་འབེབས་བྱས་པ་ཡིན་མོད་གཅིག་གྱུར་གྱི་རྣམ་པ་བྱུང་མི་འདུག གཞན་ཡང་ཁམས་པའི་བརྙན་འཕྲིན་ཁང་...

ཟླ2པའི་ཚེས22ཉིན།ཀྲུང་གོའི་བོད་ཇའི་རིག་གནས་ཞིབ་འཇུག་ལྟེ་གནས་ཀྱིས་གཙོ་གཉེར་བྱས་པའི2025ལོའི་རིག་གཞུང་ལོ་ཚོགས་དེ་སི་ཁྲོན་ཁྲེང་ཏུའུ་གྲོང་ཁྱེར་དུ་འཚོགས་ཡོད་པ་དང་།ད་ཐེངས་ཀྱི་ཚོགས་འདུའི་དམིགས་ཡུལ་ནི་མཚོ་བོད་ས་མཐོའི་ནོར་ནག(འབྲི་གཡག)རིག་གནས་དང་ཇ་རྟའི་གནའ་ལམ་རིག་གནས་ཀྱི་རིན་ཐང་ལ་དཔྱད་བསྡུར་གཏིང་ཟབ་བྱས་ཏེ་ནོར་ནག་ཐོན་ལས་སྤུས་ཚད་མཐོ་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་རྒྱུ་དང་ཕུལ་བྱུང་སྲོལ་རྒྱུན་རིག་གནས་མཉམ་སྤྱོད་མཉམ་སྐྲུན་གྱི་རྣམ་པ་གསར་པ་འཚོལ་ཞིབ་བྱ་རྒྱུ་དེ་ཡིན་པ་རེད།...

«བརྡ་དཀྲོལ་གསེར་གྱི་མེ་ལོང»ནི་བོད་ཀྱི་ཉེ་དུས་གསར་དུ་བསྒྲིགས་པའི་དག་ཡིག་དང་ཚིག་མཛོད།བརྡ་དཀྲོལ་མང་པོའི་ཁྲོད་དུ་དམིགས་བསལ་གྱི་ཁྱད་ཆོས་དང་ལྡན་པ་ཞིག་ཡིན་ཏེ།བརྡ་དཀྲོལ་འདི་ཉིད་ཀྱི་རྩོམ་སྒྲིག་མཛད་ཚུལ་དང་།འགྲེལ་བཤད་དང་དཔེར་བརྗོད་འགོད་སྟངས་ལ་ཐུན་མིན་གྱི་ཁྱད་ཆོས་མངའ་བས།འདིར་བརྡ་དཀྲོལ་འདི་ཉིད་དཔྱད་གཞིར་བཟུང་ནས་ཚད་ལྡན་མཁས་པའི་གསུང་ལ་ཁུངས་བཅོལ་ཞིང་དག་ཡིག་རིག་པའི་རིགས་ལམ་བེད་སྤྱད་དེ།བརྡ་དཀྲོལ་འདི་ཉིད་ཇི་ལྟར་རྩོམ་སྒྲིག་མཛད་པའི་ཚུལ་དང་།བརྡ་དཀྲོལ་གྱི་མིང་དང་པར་གཞི་པར་ཐེངས།པར་སྐྲུན་བྱ་བར་མཐུན་རྐྱེན་བསྒྲུབས་ཚུལ།བརྡ་དཀྲོལ་རྩོམ་སྒྲིག་བྱ་བའི་ཐོག་མའི་འཆར་སྒོ་དང་མཛད་པའི་དགོས་པ།བརྡ་དཀྲོལ་དུ་འཁོད་པའི་ཐ་སྙད་ཀྱི་ནང་དོན་ཁྱབ་ཁོངས་དང་གོ་རིམ་སྒྲིག་སྟངས།འགྲེལ་བཤད་དང་དཔེར་བརྗོད་འགོད་སྟངས། ཟུར་ལྟའི་ཡིག་ཆའི་གྲངས་འབོར་དང་ནང་དོན་བཅས་ཞིབ་རྒྱས་སུ་གླེངས་ཏེ།བརྡ་དཀྲོལ་འདི་ཉིད་ཀྱི་སྐད་བརྡའི་ཡིག་ཚང་གི་དོན་སྙིང་དང་སྐད་ཡིག་ཡིག་ཚང་གི་རིན་ཐང་ལ་དཔྱད་ཡོད།...

ད་ལྟ་བ་བྲིས་འདུག་པ་ཅུང་མང་ཞིང་དག་པར་སྣང་བས།ལྟ་རུ་འགྲོ་ཞེས་པའི་ལྟ་སོགས་རྣམ་དབྱེ་བཞི་པའི་བྱ་བའི་དོན་གྱི་ཡུལ་དུ་གྱུར་པའི་བྱ་བའི་མིང་ལ་ད་ལྟ་བ་བྲིས་ན་བརྡ་སྤྲོད་ཀྱི་གཞུང་ལུགས་དང་བོད་སྐད་ཀྱི་ཆོས་ཉིད་དང་མཐུན་པར་འདོད་དོ།།...

དཔྱད་རྩོམ་འདིའི་ནང་དུ་ཨ་མདོའི་ས་ཁུལ་འགའི་ཡུལ་སྐད་ཁྲོད་དུ་མིང་གི་སྐབས་སུ་རྗེས་འཇུག་ག་དང་ཡང་འཇུག་ས་ཁོ་ནའི་རྗེས་སུ་ཡོད་པའི་པ་སྒྲ་དེ་དཔའ(hwa)ཡི་སྒྲ་དང་།ཤ(xha)སྒྲ།ག(kwa)སྒྲ་སོགས་སུ་འགྱུར་བ་དང་།རྗེས་འཇུག་གཞན་དག་དང་བྱ་ཚིག་གི་སྐབས་སུ་གོང་གསལ་གྱི་སྒྲ་དེ་ལྟར་མི་འགྱུར་བའི་ཚུལ་གླེང་ཡོད།...