《བོད་ལྗོངས་སློབ་ཆེན་གྱི་སློབ་རའི་ཚགས་པར》ཀྲུང་གོའི་རིག་གཞུང་དུས་དེབ་གཙོ་གྲས་སུ་ཚུད་པ།

     ཉེ་ལམ། ཝུ་ཧན་སློབ་ཆེན་ཀྲུང་གོའི་ཚན་རིག་དཔྱད་འབེབ་ཞིབ་འཇུག་ལྟེ་གནས(RCCSE)དང་། ཝུ་ཧན་སློབ་ཆེན་གྱི་དཔེ་མཛོད་ཁང་། ཀྲུང་གོའི་ཚན་རིག་སློབ་གསོའི་དཔྱད་འབེབ་དྲ་བ་བཅས་ཀྱིས་མཉམ་དུ་ཚན་ཞིབ་དང་སྒྲིག་བཟོ་བྱས་པའི་པར་གཞི4བ《RCCSEཀྲུང་གོའི་རིག་གཞུང་དུས་དེབ་དཔྱད་འབེབ་ཞིབ་འཇུག་སྙན་ཞུའི་དབང་གྲགས་ཆེ་བའི་རིག་གཞུང་དུས་དེབ་གཙོ་གྲས་རིམ་ཐོ》ལེགས་འགྲུབ་བྱུང་ཞིང་། 《བོད་ལྗོངས་སློབ་ཆེན་གྱི་སློབ་རའི་ཚགས་པར》(སྤྱི་ཚོགས་ཚན་རིག་པར་མ)དེRCCSEཀྲུང་གོའི་རིག་གཞུང་དུས་དེབ(A-)གཙོ་གྲས་སུ་ཚུད་པ་རེད།
     རྒྱུས་ལོན་པ་ལྟར་ན།  ཐེངས་འདིའི་རིག་གཞུང་དུས་དེབ་དཔྱད་འབེབ་བྱ་བར་གཙོ་ཆེར་རིམ་པ་དང་པོའི་རིག་ཚན65(ཕྱོགས་བསྡུས་རང་བཞིན་གྱི་རིག་ཚན3འདུས)ཅན་གྱི་དུས་དེབ་ཀྱི་རིག་གཞུང་སྤུས་ཚད་དང་ཤུགས་རྐྱེན་ནུས་པའི་ཕྱོགས་བསྡུས་དཔྱད་འབེབ་དང་། མཐོ་རིམ་ལས་རིགས་དང་མཐོ་རིམ་ཆེད་སྦྱོང་སློབ་གྲྭ། མཐོ་རིམ་སློབ་གླིང་སོགས་ཀྱི་སློབ་རའི་ཚགས་པར་ཕྱོགས་བསྡུས་ཤུགས་རྐྱེན་ནུས་པའི་ཁེར་ཚུགས་དཔྱད་འབེབ་བཅས་ཁག་གཉིས་ཡོད། ཐེངས་འདིའི་དཔྱད་འབེབ་ཏུ་ཞུགས་པའི་རིག་གཞུང་དུས་དེབ་བསྡོམས་པས6201ཡོད་ཅིང་། དེ་ལས་སློབ་རའི་ཚགས་པར267དང་། རིམ་པ་དང་པོའི་རིག་ཚན65ཁྲོད་དབང་གྲགས་ཅན་གྱི་དུས་དེབ(A+)316། གཙོ་གྲས་དུས་དེབ(AདངA-)1572། འོས་པའི་རིག་གཞུང་དུས་དེབ་གཙོ་གྲས1848། དཀྱུས་མའི་དུས་དེབ1828། ཅུང་ཞན་པའི་དུས་དེབ637བཅས་འདུག