༄༅།།བོད་ལྗོངས་ནག་ཆུའི《སོག་རྫོང་གི་སྲིད་གྲོས་ལོ་རྒྱུས》པར་དུ་བསྐྲུན།

སོག་རྫོང་ཞེས་པ་ནི་གནའ་བོའི་དུས་སུ་སོག་ཆུའི་འབབ་རྒྱུད་ལ་གོ་ཞིང་སོག་ཤོད་ཅེས་བརྗོད་པ་དང་། ཡོན་རྒྱུལ་རབས་ཀྱི་དུས་སུ་སོག་པོའི་དོན་དང་། རྒྱུད་དེར་སོག་སྒར་རམ་སོག་གུར་ཟེར། མིང་རྒྱལ་རབས་ཀྱི་སྐབས་སུ་སོག་གྲོང་ངམ་ཡང་ན་སོག་གཞིས་ཀ་ཞེས་འབོད། ༡༩༥༠ལོའི་མཇུག་ཏུ། སོག་རྫོང་བཅིངས་འགྲོལ་བཏང་བ་ཁྱབ་བསྒྲགས་བྱས་པ་དང་མཉམ་དུ་སོག་རྫོང་བཅིངས་འགྲོལ་ཨུ་ཡོན་ལྷན་ཁང་བཙུགས་ཤིང་། ༡༩༦༥ལོར་སོག་རྫོང་མི་དམངས་འཐུས་མི་ཚོགས་ཆེན་བཙུགས་པ་རེད།
      ༡༩༩༠ལོའི་ཟླ་༦པའི་ཚེས༢༩ཉིན། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་སྐབས་དང་པོའི་སོག་རྫོང་ཨུ་ཡོན་ལྷན་ཁང་གི་གྲོས་ཚོགས་ཐེངས་དང་པོ་དེ་བདེ་བླག་ངང་འཚོགས་པ་དང་། དེས་སྲིད་གྲོས་སོག་རྫོང་ཨུ་ཡོན་ལྷན་ཁང་དངོས་སུ་བཙུགས་པ་མཚོན། 
      དེབ་འདིར་༡༩༩༠ལོ་ནས་༢༠༡༨ལོའི་བར་བགྲང་ལོ༢༨རིང་གོང་རིམ་གྱིས་ཡང་དག་པའི་འགོ་ཁྲིད་འོག་སོག་རྫོང་གི་སྲིད་གྲོས་དེ་མེད་པ་ནས་ཡོད་པ་དང་། ཡོད་པ་ནས་འཐུས་ཚང་དུ་གྱུར་བའི་ལོ་རྒྱུས་དང་། ཆབ་སྲིད་གྲོས་མོལ་གྱི་ཡང་དག་པའི་སྲིད་ཇུས་ཀྱིས་སོག་རྫོང་གི་སྤྱི་ཚོགས་འཕེལ་རྒྱས་དང་བརྟན་བརླིང་ལ་ནུས་པ་འདོན་པའི་སྐོར་སོགས་བརྗོད་ཡོད་དོ།།