༄༅།།རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་དཔའ་རིས་དམངས་གླུའི་དཔེ་ཚོགས་དངོས་སུ་དཔར་བསྐྲུན་འགྲེམ་སྤེལ་བྱས།

      དཔའ་རིས་བསང་བརྔོན་ཡིད་དབང་འགུགས་པའི་ལྕགས་ཀྱུ་ཞེས་བྱ་བ་དེ་ནི་རི་སྔོ་ཆུ་དྭངས་ནི་གསེར་རི་དངུལ་རི་ཡིན་ཞེས་པའི་རྒྱལ་ཁབ་སྤྱི་ཁྱབ་ཧྲུའུ་ཅིའི་ཐུགས་བཞེད་སྨོན་འདུན་ཁ་མིན་དོན་ལ་ཕབ་པའི་སྐུལ་སློང་གིས་དཔའ་རིས་ཡུལ་དུ་འཁྲུངས་བའི་སྔོན་བྱོན་མཁས་གྲུབ་མང་པོའི་ལྗགས་རྩོམ་འོ་མཚོ་ལས་བླངས་པའི་སྐྲ་ཡི་ཉག་མ་ཅིག་ལགས།       རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་དཔའ་རིས་དམངས་གླུའི་དཔེ་ཚོགས་འདི་ནི་ངེད་གཞུང་ལས་ཁང་གིས་དཔའ་རིས་བོད་དཀར་པོའི་ཡུལ་དུ་ད་ལྟ་བག་ལ་ཞ་བཞིན་པའི་དམངས་ཁྲོད་རིག་གནས་རྒྱུན་འཛིན་གྱི་ལས་འགན་མ་སྐུལ་དང་བླང་གིས་ཕྲག་ཏུ་བླངས་ཏེ། ཐེངས་མང་པོར་ཡུལ་དངོས་སུ་ཕྱིན་ཏེ་དམངས་ཁྲོད་དུ་བཞུགས་པའི་སྲིད་པ་རྒན་པོ་རྣམས་ཀྱི་ངག་གི་བདུད་རྩིའི་ཐིགས་པ་རེ་རེ་བསགས་ནས་ངག་རྩོམ་རིག་གནས་རིན་པོ་ཆེ་འདི་ཉིད་མྱུར་སྐྱོབ་འཚོལ་སྡུད་བྱས་པའི་རྫོང་སྟོན་ལོ་བདུན་ཅུ་ལོན་པའི་རྟེན་འབྲེལ་གྱི་ལེགས་སྐྱེས་ཡིན།