རྒྱུས་ལོན་བྱུང་བ་ལྟར་ན།«ཨྱོན་གྱི་སོ»དང«ཕྱེད་ཙམ་ལས་མ་གླེང་པའི་གཏམ་རྒྱུད»གཉིས་ཀྱི་རྗེས་སུ།ཀྲུང་ཞིན་པར་སྐྲུན་ཁང་གིས་ཡང་བསྐྱར་པདྨ་ཚེ་བརྟན་གྱི་ཤུལ་བཞག་སྒྲུང་གཏམ་དེབ་གསར«གསོམ་ཤིང་གི་དྲི་བསུང»དང་།རྒྱ་ཡིག་ཏུ་བསྒྱུར་བའི«མི་རོ་རྩེ་སྒྲུང»གཉིས་པར་སྐྲུན་འགྲེམ་སྤེལ་གནང་འཆར་འདུག«གསོམ་ཤིང་གི་དྲི་བསུང»ཞེས་པའི་སྒྲུང་གཏམ་དེབ་གསར་འདི་ནི་པདྨ་ཚེ་བརྟན་གྱི་བུ་འཇིགས་མེད་འཕྲིན་ལས་ནས་ཁོའི་ཕ་ལགས་ཀྱི་སྒྲུང་གཏམ་སྔོན་མ་དག་ལས་ལེགས་འདེམས་ཁ་སྣོན་བྱས་ནས་གྲུབ་པ་མ་ཟད།འཇིགས་མེད་འཕྲིན་ལས་ནས་ཁོའི་ཕ་ལགས་ལ་བྲིས་པའི་རྗེས་དྲན་རྩོམ་ཡིག«ཨ་ཕ་ལགས་བདེ་བར་བཞུད་ཅིག»དང་།སྐུ་ཞབས་ཁྲིན་ཏན་ཆིན་ནས་བྲིས་པའི«སྙིང་ཉེ་བའི་པདྨ་ཚེ་བརྟན་ལགས»ཞེས་པ་གཉིས་མགོ་བརྗོད་དང་མཐའ་སྡོམ་གྱི་ཚུད་དུ་བདམས་ཡོད་འདུག...

དེ་བཞིན་དུ་པོད་བཞིའི་བདག་ཉིད་ཅན་གྱི«བླ་རྟགས་རིག་གཞུང་དེབ་ཕྲེང»ཞེས་པ་འདིར་ཞིབ་འཇུག་པ་ཁོང་གི་བརྩམས་ཆོས་གསར་རྙིང་གཉིས་ཀ་གྲ་བསྡེབས་ནས་པར་བསྐྲུན་བྱས་འདུག་པ་འདིས།བརྩམས་ཆོས་འདི་དག་ནི་ལྕགས་ནག་གི་ཨ་ལོང་སྦྲེལ་བ་བཞིན་སྟོད་ལྷ་རབས་ནས་བར་མངའ་དར་དང་སྨད་སིལ་ཆད་བར་གྱི་ལོ་རྒྱུས་ཀྱི་གནད་དོན་གང་མང་ཞིག་གི་མདུད་པ་ལྷུག་པོར་བཀྲོལ་ཡོད་པས་ན་བོད་རང་གི་ལོ་རྒྱུས་ལ་དགའ་མཁན་དང་།བོད་རང་གི་ལོ་རྒྱུས་ལ་ལྟ་མཁན།ཡང་ན་བོད་རང་གི་ལོ་རྒྱུས་ལ་ཉམས་ཞིབ་བྱེད་མཁན་དང་།བོད་རང་གི་ལོ་རྒྱུས་ལ་སློབ་སྦྱོང་བྱེད་མཁན་ཞིག་ཡིན་ན་ངེས་པར་བཀླག་རི་བའི་བརྩམས་ཆོས་སུ་བགྲང་ཆོག་གོ།...

ཉེ་བའི་ཆར།དབྱིན་ཇིའི་སྙན་ངག་པ་དང་ནུབ་ཕྱོགས་དེང་རབས་རིང་ལུགས་ཀྱི་སྙན་ངག་མཁན་ཨེ་ལིའོ་ཐི་ཡི་སྙན་ངག་གཅེས་བཏུས་དབྱིན་བོད་ཤན་སྦྱར་གྱི་འགྱུར་དེབ་ཅིག་མི་རིགས་དཔེ་སྐྲུན་ཁང་གིས་དངོས་སུ་པར་བསྐྲུན་འགྲེམས་སྤེལ་བྱས་ཡོད་ཅིང་།དེབ་དེ་ནི་ལོ་ཙཱ་བ་ལྡོང་བུས་དབྱིན་ཡིག་ནས་བོད་ཡིག་ནང་བསྒྱུར་བའི་འཛམ་གླིང་རྩོམ་རིག་སྐོར་གྱི་དེབ་གསར་ཤོས་དེ་ཆགས་ཡོད་པ་རེད།དེབ་དེའི་ནང་དུ་ཨེ་ལིའོ་ཐི་ཡི་སྙན་ངག་རིང་མོ་མྱ་ངམ་ཐང་དང་།ཁོག་པ་སྟོང་བའི་མི།སྔོན་འགྲོའི་རོལ་དབྱངས།རླུང་ལྡང་བའི་མཚན་མོ་ཞིག་གི་དྲག་འཕྱུར་རོལ་དབྱངས་སོགས་སྙན་ངག་ཉེར་ལྔ་འདུས་ཡོད།...

འདས་པའི་མི་ལོ་སུམ་ཅུའི་ཡུན་ལ་ཤེས་མི་ཤེས་གཉིས་ཀྱིས་དཔལ་དོན་གྲུབ་རྒྱལ་གྱི་མི་ཚེ་ལ་རྒྱང་རིང་ནས་ཚོད་དཔག་བྱས་ཏེ།གླེང་རྙོག་ཏུ་བསྒྱུར་ཡོད་པས།དེབ་འདི་ནི་བརྟག་དཔྱད་དང་ཁུངས་འཚོལ་དང་དཔང་རྟགས་དམིགས་སུ་བཟུང་ནས་བྲིས་འདུགདཔལ་དོན་གྲུབ་རྒྱལ་དང་འབྲེལ་འདྲིས་ཟབ་པའི་མི་སྣ68ལྷག་ལ་བཅར་འདྲི་ཞུས་ཤིང་།དཔལ་དོན་གྲུབ་རྒྱལ་གྱི་འདྲ་པར་གསར་པ19དང་།དངོས་རྫས་ཅ་ལག་གི་འདྲ་རིས་བཅས་ཁྱོན་འདྲ་རིས68ཚུད་འདུགདེ་ནི་མ་དཔེ་ཞིབ་འཇུག་གི་ཁྱབ་ཁོངས་ནས་བྲིས་ཤིང་།དཔྱད་གཞི་དང་པོའི་ལུགས་སུ་བརྩམས་འདུགདེབ་འདིའི་སྟོད་དུ།དཔལ་དོན་གྲུབ་རྒྱལ་གྱི་མི་ཚེ་ནི་སྐྱེ་ཁམས་དང་ལོ་རྒྱུས་དང་རིག་གནས་བཅས་ཀྱི་རྒྱབ་ལྗོངས་ཁྲོད་ནས་བསྔོགས་འདུགདཀྱིལ་ཏུ།སླར་ཡང་རྒྱབ་ལྗོངས་དེ་དག་གིས་དཔལ་དོན་གྲུབ་རྒྱལ་གྱི་མི་ཚེ་ལ་བལྟས་ནས་དཔྱད་འདུགསྨད་དུ།རྒྱབ་ལྗོངས་དེ་དག་དང་དཔལ་དོན་གྲུབ་རྒྱལ་གྱི་མི་ཚེ་གཉིས་ཀྱི་དབར་ནས་དོགས་འདྲི་བྱས་ཏེ།སྡོམ་དགོད་པའི་བར་སྟོང་དེ་ཞིབ་འཇུག་པ་དང་ཀློག་པ་པོ་རྣམས་ལ་བསྐྱུར་འདུག...

«ལུའུ་ཞུན་རྩོམ་རིག་བྱ་དགའི་བརྩམས་ཆོས་བོད་འགྱུར་དཔེ་ཚོགས»(སྒྲུང་འབྲིང་ཁག་དང་པོ)ནི། ལུའུ་ཞུན་རྩོམ་རིག་བྱ་དགའ་སྐབས་དང་པོ་ནས་སྐབས་གསུམ་པའི་བར་གྱི་སྒྲུང་འབྲིང་སྐོར་ཡིན་ཞིང་། ཁྱོན་བསྡོམས་སྒྲུང་འབྲིང19ཡིས་གྲུབ་ཡོད། བརྩམས་ཆོས་འདི་དག་ནི་བསམ་བློའི་ནང་དོན་གྱི་ཆ་དང་། ཡང་ན་སྒྱུ་རྩལ་མཚོན་ཐབས་ཀྱི་ཆ་གང་རུང་ནས། ཀློག་པ་པོར་བཀླག་འདུན་གྱི་འགུགས་ཤུགས་དང་། རོ་མྱོང་གི་སྤྲོ་སྣང་བསམ་གྱིས་མི་ཁྱབ་པ་སྟེར་ངེས་ཀྱི་བརྩམས་ཆོས་རྐྱང་རྐྱང་ལགས་པས། སྒྲུང་འབྲིང་འདི་དག་གིས་ཀྲུང་གོའི་སྒྲུང་འབྲིང་གི་ཆེས་མཐོ་བའི་ཆུ་ཚད་མཚོན་ཐུབ། ང་ཚོས་ཀྱང་དུས་རབས་གསར་བའི་བོད་ཀྱི་དེང་རབས་རྩོམ་རིག་འཕེལ་རྒྱས་སུ་གཏང་དགོས་ན། རང་མི་རིགས་ཀྱི་ཕུལ་དུ་བྱུང་བའི་རྩོམ་རིག་རྒྱུན་འཛིན་གྱི་རྨང་གཞིའི་སྟེང་། རྒྱལ་ཁབ་ཕྱི་ནང་གི་རྩོམ་རིག་སྣ་ཚོགས་ཀྱི་ལེགས་ཆར་སློབ་སྦྱོང་བྱ་དགོས་པར་མ་ཟད། ད་དུང་སྔོན་ཐོན་མི་རིག...

ཉེ་ལམ།བྱ་གཞུང་དབྱངས་བྷ་ལགས་ཀྱིས་ལོ་ངོ་བཅུ་ཕྲག་ལྷག་ལ་བརྩོན་པ་ལྷུར་ལེན་གྱིས་བརྩམས་པའི་བོད་ཀྱི་དེང་རབས་སྙན་ངག་གི་གཞུང་ལུགས་དེབ«སྙན་ངག་གི་རྣམ་གཞག་གཡུང་དྲུང་ལག་འཁྱུད»ཅེས་པ་མཚོ་སྔོན་མི་རིགས་དཔེ་སྐྲུན་ཁང་ནས་པར་སྐྲུན་འགྲེམས་སྤེལ་གནང་འདུག...