སློབ་སྔོན་སློབ་གསོའི་བཅའ་ཁྲིམས་འཆར་ཟིན་དེ་ཟླ8པའི་ཚེས28ཉིན་སྐབས་བཅུ་བཞི་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ལྔ་པའི་ཐོག་ཐེངས་དང་པོར་གྲོས་ཞིབ་བྱ་རྒྱུར་ཕུལ།འཆར་ཟིན་དེར་ཁྱོན་བསྡོམས་ལེའུ8དང་དོན་ཚན74ཡོད་པ་དང་།དེའི་ཁྲོད་དུ་སྤྱིའི་རྩ་དོན་དང་།འཆར་འགོད་དང་འཛུགས་སྤེལ།གསོ་སྐྱོང་དང་སློབ་གསོ།དགེ་རྒན་དང་ལས་དོན་མི་སྣ་གཞན་པ།དངུལ་འཇོག་དང་འགན་ལེན།དོ་དམ་དང་ལྟ་སྐུལ།ཁྲིམས་ལུགས་འགན་འཁྲི།ཞར་བྱུང་བཅས་ཚུད་ཡོད།...

ཟླ་བརྒྱད་པའི་ཚེས་ཉེར་དྲུག་ཉིན།ཞིང་ཆེན་ཏང་ཨུའི་ཧྲུའུ་ཅི།ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཁྲིན་ཀང་གིས་རྒྱལ་སྤྱིའི་སྐྱེ་ཁམས་དམིགས་འབེན་ས་ཆ་མཚོ་སྔོན་པོའི་དཔེ་སྟོན་ཁུལ་འཛུགས་སྐྲུན་བྱ་བར་རྟོག་ཞིབ་བྱེད་སྐབས་ནན་གྱིས་བསྟན་དོན།ཚད་གཞི་མཐོ་བའི་འཆར་འགོད་ནི་ཆུ་ཚད་མཐོ་བའི་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་བྱེད་པའི་བླ་སྲོག་ཡིན་པས།མིག་སྔར་རྐང་འཛུགས་པ་དང་ཡུན་རིང་ལ་དམིགས་པ།ཀུན་གྱི་བློ་རིག་གཅིག་ཏུ་བསྡུ་བ་དང་ཚན་རིག་དང་མཐུན་པའི་སྒོ་ནས་ཇུས་འགོད་བྱེད་པ།འཆར་འགོད་ཀྱི་སྣེ་ཁྲིད་ནུས་པ་འདོན་སྤེལ་བྱས་ཏེ།སྐྱེ་ཁམས་ཁོར་ཡུག་སྲུང་སྐྱོབ་བྱེད་ཆོག་པ་དང་སྐྱེ་ཁམས་གནས་སྐོར་འཕེལ་རྒྱས་སུ་གཏོང་ཐུབ་པ།མི་དམངས་མང་ཚོགས་ལ་ཕན་འབྲས་ཐོབ་པའི་མཉམ་རྒྱལ་གྱི་ལམ་བུ་ཞིག་འཚོལ་ཞིབ་བྱེད་དགོས།...

ཟླ8པའི་ཚེས21ཉིན།མཚོ་ལྷོ་ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀརྨ་ཕུན་ཚོགས་ཀྱིས་ཞིན་ཧེ་རྫོང་དུ་གཙོ་གནད་ལས་གཞི་དང་ཁྱད་ལྡན་ཐོན་ལས།གྲོང་གསེབ་འཛུགས་སྐྲུན་བྱ་བར་རྟོག་ཞིབ་གནང་ཞིང་།ཡུལ་དངོས་སུ་ལས་གཞི་འཛུགས་སྐྲུན་གྱི་མྱུར་ཚད་དང་ཁྱད་ལྡན་ཐོན་ལས་འཕེལ་རྒྱས་ཀྱི་གནས་ཚུལ་ལ་རྒྱུས་ལོན་བྱས་པ་དང་།དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་བཏང་ནས།གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་བྱེད་པའི་ཚུར་ལན་གནད་དོན་དག་ཐེར་བྱ་བར་ལྟ་སྐུལ་མཛུབ་ཁྲིད་གནང་བ་མ་ཟད།སྡོད་མི་ཐུབ་པའི་དགོས་གཏུག་ཆེ་བའི་འདུ་ཤེས་དང་དལ་མི་རུང་བའི་ཉེན་ཁའི་འདུ་ཤེས།སྒུག་མི་ཐུབ་པའི་འགན་འཁྲིའི་འདུ་ཤེས་བཅས་ལ་བརྟེན་ནས་ཞན་ཆར་དམིགས་པ་དང་ནུས་ཤུགས་ཡོད་རྒུས་འགག་སྒྲོལ་དཀའ་སེལ་བྱས་ཏེ།བྱ་བ་སོ་སོར་གྲུབ་འབྲས་ཐོབ་པར་འགན་ལེན་ཏན་ཏིག་བྱ་དགོས་པའི་ནན་བཤད་བྱས།...

གྲོས་ཚོགས་ཀྱིས་འབོད་སྐུལ་གནང་དོན།ཁུལ་ཡོངས་ཀྱི་གོང་འོག་ཚང་མས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་སྔར་བས་མཐུན་སྒྲིལ་དམ་ཟབ་བྱས་ཏེ།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་ལས་དོན་ལ་གནང་བའི་བླང་བྱ་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་ལ་སློབ་སྦྱོང་གཏིང་ཟབ་བྱེད་པ་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཆེན་ཏང་ཨའི་བླང་བྱ་ལ་ཁྱོན་ཡོངས་ནས་དོན་འཁྱོལ་བྱས་ཏེ།སྟོབས་ཤུགས་གཅིག་སྒྲིལ་གྱིས་མཚོ་ལྷོའི་འཛུགས་སྐྲུན་དྲུག་དང་གུང་ཧོ་གཤོང་སའི་ལྗང་མདོག་འཕེལ་རྒྱས།མི་དམངས་ཀྱི་བདེ་སྐྱིད་འཚོ་བར་སྟོབས་ཤུགས་འབུལ་དགོས།...

ཐེངས་འདིའི་གྲོས་ཚོགས་ཀྱི་བརྗོད་དོན་ནི་ལྗང་མདོག་དང་འཆམ་མཐུན།སྒོ་འབྱེད།འཕེལ་རྒྱས།མཉམ་སྤྱོད་ཡིན་ལ།ལས་འགན་གཙོ་བོ་ནི་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་མཛུབ་སྟོན་དུ་བཟུང་ནས་ཏང་གི་ཚོགས་ཆེན་ཉི་ཤུ་བའི་དགོངས་དོན་སློབ་སྦྱོང་ལག་བསྟར་གཏིང་ཟབ་དང་།དུས་རབས་གསར་བའི་ཏང་གི་བོད་སྐྱོང་ཇུས་ཆེན་ཁྱོན་ཡོངས་ནས་ལག་བསྟར།ཀན་སུའུ་དང་མཚོ་སྔོན།སི་ཁྲོན།ཡུན་ནན།བོད་ལྗོངས་བཅས་འབྲེལ་མཚམས་ས་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་འཕྲད་པའི་གནས་བབ་གསར་བ་དང་ལས་འགན་གསར་བ།བླང་བྱ་གསར་བར་ཟུང་འབྲེལ་བྱེད་པ་དང་།ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་གཏོང་བ་དེ་གཙོ་ཐིག་ཏུ་བཟུང་སྟེ།འབྲེལ་མཚམས་ས་ཁུལ་གྱི་དཔལ་འབྱོར་ཉོ་ཚོང་དང་ཕན་ཚུན་འགྲོ་འོང་།མི་རིགས་མཐུན་སྒྲིལ།སྐྱེ་ཁམས་སྲུང་སྐྱོབ།ལས་གཞི་འཛུགས་སྐྲུན་སོགས་ཐད་ཀྱི་ཁྱབ་རྒྱ་ཆེ་བའི་མཉམ་ལས་བར་སྟོང་ཧུར་ཐག་གིས་བཙལ་ནས།མཉམ་ལས་ཁྱབ་ཁོངས་སྔར་བས་རྒྱ་སྐྱེད་པ་དང་མཉམ་ལས་བྱེད་ཐབས་གསར་གཏོད།མཉམ་ལས་ཆུ་ཚད་མཐོ་རུ་གཏོང་བ་དང་།ཁུལ་དང་གྲོང་ཁྱེར་སོ་སོས་འཕེལ་རྒྱས་ཐད་བླངས་པའི་གྲུབ་འབྲས་ཆེན་པོ་དང་བསམ་པའི་ཉམས་འགྱུར་ལེགས་པོ་ཁྱོན་ཡོངས་ནས་མངོན་པར་བྱས་ཏེ།ས་ཁོངས་མཉམ་ལས་མཉམ་རྒྱལ་དང་དར་རྒྱས་གོང་འཕེལ་མངོན་འགྱུར་ཡོང་བར་སྐུལ་འདེད་གཏོང་ཆེད་ཡིན།...

ཟླ7པའི་ཚེས28ཉིན།མཚོ་སྔོན་ཞིང་ཆེན་འཕེལ་སྒྱུར་ཨུ་ལྷན་གྱིས་དཔང་ཉན་ཚོགས་འདུ་འཚོགས་ནས།མཚོ་སྔོན་ཞིང་ཆེན་གཞུང་གཉེར་མཐོ་སློབ་དཀྱུས་མའི་སློབ་ཡོན་བསྡུ་བའི་ཚད་གཞི་ལེགས་སྒྲིག་ཇུས་གཞིའི་དགོས་ངེས་རང་བཞིན་དང་ལག་བསྟར་བྱེད་འཐུས་རང་བཞིན་ཐད་ནས་བསམ་འཆར་བསྡུ་ལེན་བྱས།འཛད་སྤྱོད་པ་དང་།མི་དམངས་འཐུས་ཚོགས་ཀྱི་འཐུས་མི།སྲིད་གྲོས་ཨུ་ཡོན།སྲིད་གཞུང་སྡེ་ཁག་གི་མི་སྣ།ཆེད་མཁས་པ་དང་མཁས་དབང་།མཐོ་སློབ་ཀྱི་འཐུས་མི་སོགས་མི19དཔང་ཉན་ཚོགས་འདུར་ཞུགས་པ་རེད།...