༢༠༢༤ལོའི་ཟླ༡༠པའི་ཚེས༡༥ཉིན།ངེས་དོན་གྱི་མཁས་པའི་དབང་པོ་རྗེ་དམུ་དགེ་བསམ་གཏན་རྒྱ་མཚོ་མཆོག་སྐུ་འཁྲུངས་ནས་ལོ་བརྒྱ་དང་བཅུ་འཁོར་བའི་སྐལ་བ་བཟང་པོ་དང་བསྟུན་ནས།ཟུང་ཆུ་རྫོང་གི་འབྲེལ་ཡོད་ལས་ཁུངས་དང་།དམུ་དགེ་བཀྲ་ཤིས་འཁོར་ལོའི་དགོན།གཞན་ཡང་དམ་པ་ཁོང་གི་དངོས་སློབ་སོགས་ཀྱིས་ལྷག་བསམ་ཟོལ་མེད་ཀྱིས་རྒྱབ་སྐྱོར་དང་བརྩེ་བ་རྣམ་དག་གིས་མཐུན་རྐྱེན་གང་ལེགས་བསྐྲུན་པའི་འོག་ཏུ།རྗེ་བཙུན་བསམ་གཏན་རྒྱ་མཚོ་དཔལ་བཟང་པོའི་རྗེས་དྲན་ཁང་གནས་སྤོས་ནས་བཞེངས་སྐྲུན་ལེགས་འགྲུབ་བྱུང་བའི་སྒོ་འབྱེད་མཛད་སྒོ་དམ་པ་ཁོང་གི་འཁྲུངས་ཡུལ་གྱི་དམུ་དགེ་བཀྲ་ཤིས་འཁོར་ལོའི་དགོན་ནས་སྤེལ་བ་རེད།...

༢༠༢༤ལོའི་ཟླ༡ཚེས༢༢ཉིན་གསར་འགོད་པས་བོད་རང་སྐྱོང་ལྗོངས་རིག་དངོས་སྲུང་སྐྱོབ་ཞིབ་འཇུག་ཁང་དང་ཀྲུང་གོ་ཚན་རིག་ཁང་གནའ་བོའི་སྒལ་ཚིགས་སྲོག་ཆགས་དང་གནའ་མིའི་ཞིབ་འཇུག་ཁང་གཉིས་ལས་གྲུབ་པའི་མེ་ལོང་ལྟ་ཕུག་གནའ་ཤུལ་གནའ་རྫས་རྟོག་ཞིབ་རུ་ཁག་ནས་ཤེས་རྟོགས་བྱུང་བ་ལྟར་ན།ལོ་༦བསྟུད་མར་གནའ་རྫས་རྟོག་ཞིབ་བྱས་པ་བརྒྱུད་མེ་ལོང་ལྟག་ཕུག་གི་བྲག་ཕུག་དང་པོ་དང་གཉིས་པའི་ནང་རྡོ་ཆས་རྙིང་མའི་སྐབས་ནས་སྔ་རབས་ལྕགས་ཆས་དུས་རབས་བར་གྱི་རྡོ་ཆས་དང་།རུས་ཆས།རྫ་ལེབ།ཟངས་ཆས།སྲོག་ཆགས་རུས་སྒྲོམ་སོགས་ཤུལ་བཞག་འདྲ་མིན་རིགས་ཁྲི་ལྷག་རྙེད་པ་རེད།...

བོད་ལྗོངས་མངའ་རིས་ས་ཁུལ་གྱི་སྐབས་བརྒྱད་པའི་ཞང་ཞུང་རིག་གནས་ཡུལ་སྐོར་དུས་ཆེན་སྒར་རྫོང་ནས་སྤེལ་མགོ་བརྩམས་ཤིང་།ཐེངས་འདིའི་རིག་གནས་ཡུལ་སྐོར་དུས་ཆེན་དུས་ཡུན་ཉིན7ཡིན་ལ།ཞང་ཞུང་རིག་གནས་ཞིབ་བསྡུར་ཚོགས་འདུ་དང་ཚོང་འགུགས་དངུལ་འདྲེན་ཐད་ཀྱི་གན་རྒྱ་འཇོག་པ་སོགས་ཀྱི་བྱ་འགུལ་འདུས་ཡོད།...

ཟླ8པའི་དུས་སུ།མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་དུ་བསིལ་རླུང་དལ་གྱིས་ལྡང་ཞིང་།མེ་ཏོག་སྣ་བརྒྱ་མཉམ་དུ་བཞད་པ་དང་ལྗོན་ཤིང་མང་པོར་ཚང་ཚིང་གཡུ་ལོ་རབ་ཏུ་རྒྱས་འདུགམཚོ་སྔོན་པོའི་བྱང་ངོགས་སུ་ཐད་ཀྱིས་སྐྱོད་དེ་རྐང་ཚ་རྫོང་གི་གྲོང་འདབས་ཀྱི་ཧྲ་ལིའུ་ཧོ་གྲོང་རྡལ་དཀོན་ལོ་གོང་མ་སྡེ་བར་ཐོན་པ་ན།གཙང་ཞིང་དག་པའི་སྡེ་བའི་སྲང་ལམ་ངོགས་གཉིས་ནི་གྲལ་སྒྲིག་པའི་འཛུགས་སྐྲུན་གསར་པ་རེད།ཁྱིམ་ཚང་རེ་རེའི་སྒོ་ཆེན་མདུན་དུ་ལྷབ་ལྷུབ་ཏུ་སྐྱོད་བཞིན་པའི་སྐར་ལྔའི་དར་དམར་དག་སྔོ་བསངས་བསངས་ཀྱི་ནམ་མཁའི་འོག་ནས་འོད་མདངས་སྔར་བས་གསལ་ཞིང་མཛེས།མུ་མཐུད་དུ་མདུན་ཕྱོགས་སུ་སྐྱོད་པའི་ཚེ།“ཏང་གི་ཁར་ཉན་པ་དང་།ཏང་གི་བཀའ་དྲིན་དྲན་པ།ཏང་གི་རྗེས་སུ་འབྲང་བ།གྲོང་གསེབ་དར་སྤེལ།མི་དམངས་ཕྱུག་འགྱུར་”ཞེས་པའི་ཚིག་དེ་དག་མིག་ལམ་དུ་མངོན་འོངས་ལ།སྡེ་མི་ཁ་ཤས་ཀྱིས་སྒོ་འགྲམ་ནས་ཁ་བརྡ་གློད་ཅིང་ཁོ་ཚོའི་གདོང་ལ་འཛུམ་གྱིས་ཁེངས་འདུག...

བྲག་ཕུག་དང་མཆོད་རྟེན་བཟོ་བཀོད་ཀྱི་གྲུབ་ཆ་དང་།ངོས་སྙོམས།ས་ངོས་བཅས་ལ་ཚད་འཇལ་རགས་ཙམ་བྱས་པ་མ་ཟད།མཆོད་རྟེན་དང་བྲག་ཕུག་བར་གྱི་འབྲེལ་བ།བྲག་ཕུག་གི་བྱེད་ནུས་དང་ཁུལ་དབྱེ།ལྡེབས་རིས་ཀྱི་ཁྱབ་སྟངས་དང་བརྗོད་བྱ།རྣམ་པ།ལོ་རབས་བཅས་ལ་ཞིབ་འཇུག་རགས་ཙམ་བྱས་པ་དང་དུས་མཚུངས་བྲག་ཕུག་ནང་ལུས་བསྡད་པའི་དཔེ་ཆ་དང་།དཔེ་དེབ།ཚ་ཚ།ལྷུ་ལག་བཅས་ལ་བརྟག་དཔྱད་རགས་ཙམ་དང་ལེགས་སྒྲིག་རགས་ཙམ་བྱས་པ་རེད།བྲག་ཕུག་དེ་དང་ལྷག་པར་དུ་བྲག་ཕུག་སྟེང་ཁྱུང་འབྲུག་རི་མོ་བྲིས་པ་རྙེད་པ་དེས་རྒྱ་བོད་སོགས་མི་རིགས་ཁག་གིས་ས་ཚིགས་འབྲེལ་ཐག་ཏུ་བྱས་ནས་འགྲོ་འོང་དང་།སྤེལ་རེས།མཉམ་འདྲེས་བཅས་ཀྱི་ལོ་རྒྱུས་སླར་ཡང་བདེན་དཔང་བྱས་པ་རེད།...

མཚོ་ལྷོ་ཁུལ་གྱི5Gདཔེ་མཛོད་ཁང་ཟླ7པའི་ཚེས1ཉིན་ནས་བཟུང་ཚོད་ལྟའི་སྒོ་འབྱེད་བྱས།དཔེ་མཛོད་ཁང་གིས་སྤྲིན་ཐོག་རྩིས་རྒྱག་དང5Gདྲ་རྒྱ་གཞི་གྲངས་སྟེགས་བུར་བཟུང་ནས་དེང་རབས་ཅན་གྱི་རིག་གནས་ལག་རྩལ་དང་དྭངས་གསལ་བརྙན་ལམ་གྱིས་རྒྱ་ཆེའི་ཀློག་པ་པོ་རྣམ་ལ་ལྟ་ཆོག་ཅིང་ཁོར་ཡུལ་མཛེས་པ།དཔེ་ཀློག་གི་ཞིང་ཁམས་སུ་འགྲིམ་པའི་ཉམས་ལེན་གསར་པ་ཞིག་འདོན་སྤྲོད་བྱས་ཏེ།རྒྱ་ཆེའི་དཔེ་ཀློག་ལ་དགའ་མཁན་ཚོར་དཔེ་ཀློག་བྱེད་པའི་སྤྲོ་སེམས་དང་ཁོར་ཡུལ་ལེགས་པོ་ཞིག་འདོན་སྤྲོད་བྱས་ཡོད་པ་རེད།...

ཟླ6ཚེས28ཉིན།གསར་འགོད་པས་མཚོ་སྔོན་གླིང་སྣེའི་རང་བྱུང་ཐོན་ཁུངས་བརྟག་དཔྱད་ཞིབ་འཇུག་ཁང་ནས་ཤེས་རྟོགས་བྱས་པར་གཞིགས་ན།ཉེ་དུས་མཚོ་སྔོན་གླིང་སྣེའི་རང་བྱུང་ཐོན་ཁུངས་བརྟག་དཔྱད་ཞིབ་འཇུག་ཁང་གི་ཚོགས་པས།མཚོ་སྔོན་གཙང་པོའི་མགོ་ཁུངས་ཁུལ་དུ་ཡུལ་དངོས་རྟོག་དཔྱོད་བྱེད་སྐབས།འབྲི་ཆུ་དང་རྫ་ཆུའི་མགོ་ཁུངས་ཁུལ་དུ་དཔེ་མཚོན་གྱི་གནའ་བོའི་བྲག་ཞུན་གྱི་ས་དབྱིབས་ཐོག་མར་ཤེས་རྟོགས་བྱུང་ཞིང་།དེ་ཚོའི་རྣམ་པ་འདྲ་མིན་སྣ་ཚོགས་ཡོད་པ་མ་ཟད།ས་རྒྱུད་རང་བཞིན་གྱི་དབྱེ་མཚམས་ངེས་ཅན་ཞིག་ལྡན་ཡོད་པ་རེད།...

ངས་བོད་རང་སྐྱོང་ལྗོངས་དང་མཚོ་སྔོན་ཞིང་ཆེན།སི་ཁྲོན་ཞིང་ཆེན་སོགས་ཀྱི་མཐོ་སྒང་བྲག་རིས་ཁག་གི་ཁྲོད་ཐེངས་དང་པོ་མཐོང་བ་ཡིན།མ་ཚད་དཀར་མཛེས་ཁུལ་མཚོ་ལའི་བྲག་རིས་ནི་མཚོ་འཕགས་སྨི4600ཡན་དུ་གནས་པས།མདོ་དབུས་མཐོ་སྒང་གི་བྲག་བརྐོས་རིགས་ཀྱི་བྲག་རིས་མང་ཆེ་བ་མཚོ་འཕགས་སྨི4000ནས4400བར་དུ་གནས་པའི་ཁྱད་ཆོས་དང་མི་མཐུན།དེ་བས་ད་ཐེངས་གསར་རྙེད་བྱུང་བའི་ཚོན་ལྡན་བྲག་རིས་ཀྱིས་མཚོན་པའི་གནའ་བོའི་མི་ཚོགས་དེས།མདོ་དབུས་མཐོ་སྒང་གི་བསྐལ་པ་ཡ་ཐོག་ལ་ཞིབ་འཇུག་བྱེད་པར་ཐུན་མིན་གྱི་བློ་འབྱེད་ནུས་པ་བཏོན་ཡོད་ཅེས་གསུངས།...