༄༅། ། རྒྱལ་ཁའི་ཤིས་འཕྲིན།

འགྱུར་མེད་བརྩོན་པ་ཡུན་ནས་ཡུན་དུ་བསྟེན།།
རྒྱལ་ཁའི་འབྲས་བཟང་འཛིན་མའི་ཁྱོན་ན་རྩེན།།

     ཁུལ་ཨུ་དང་ཁུལ་སྲིད་གཞུང་།  ཁུལ་སློབ་གསོ་ཅུའུས་ཡང་དག་པའི་སྣེ་ཁྲིད་དང་།  སྤྱི་ཚོགས་ཀྱི་ལས་རིགས་སོ་སོས་རྒྱབ་སྐྱོར།  སློབ་གྲྭའི་དགེ་སློབ་ཡོངས་ཀྱིས་མཐུན་སྒྲིལ་འབད་བརྩོན་ལ་བརྟེན་ནས་ ད་ལོར་ཡང་བསྐྱར་མཐོ་རྒྱུགས་ལ་གཡུར་ཟའི་གྲུབ་འབྲས་བླངས། ད་ལོར་རང་རེའི་སློབ་གྲྭར་མཐོ་རྒྱུགས་ལ་ཞུགས་མཁན་གྱི་སློབ་མ801ཡོད་ཅིང་།  དེའི་ཁྲོད་དུ་རིག་ཚན་གྱི་སློབ་མ401དང་།  རྩིས་ཚན་གྱི་སློབ་མ400ཡོད།
     ཞིང་ཆེན་ཡོངས་ཀྱི་བོད་ཡིག་གི་རྩིས་ཚན་གྱི་སྐོར།
     མཚོ་སྔོན་ཞིང་ཆེན་དུ་རིམ་པ་དང་བོའི་དངོས་གཞིའི་སློབ་མ་སྡུད་ཚད་ཀྱི་གྲངས་ནི51ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ27གྱིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི53％ཟིན།  ཀྲུང་ དབྱང་མི་རིགས་སློབ་ཆེན་གྱིས་སློབ་མ་སྡུད་ཚད་ཀྱི་གྲངས་ནི21ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ11གིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི52.4％ཟིན།  རྩིས་ཚན་གྱི་དངོས་གཞིའི་རིམ་པ་གཉིས་པའི་སློབ་མ་སྡུད་ཚད་ཀྱི་གྲངས་ནི317ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ154ཡིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི48.6％ཟིན།  གྲ་སྒྲིག་གི་སློབ་མ་སྡུད་ཚད་ཀྱི་གྲངས་ནི500ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ95ཡིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི19％ཟིན།
     ཞིང་ཆེན་ཡོངས་ཀྱི་བོད་ཡིག་གི་རིག་ཚན་གྱི་སྐོར།
     མཚོ་སྔོན་ཞིང་ཆེན་དུ་རིམ་པ་དང་བོའི་དངོས་གཞིའི་སློབ་མ་སྡུད་ཚད་ཀྱི་གྲངས་ནི33ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ9ཡིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི27.3％ཟིན།    ཀྲུང་དབྱང་མི་རིགས་སློབ་ཆེན་གྱིས་སློབ་མ་སྡུད་ཚད་ཀྱི་གྲངས་ནི23ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ4ཡིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི17.3％ཟིན།  རིག་ཚན་གྱི་དངོས་ གཞིའི་རིམ་པ་གཉིས་པའི་སློབ་མ་སྡུད་ཚད་ཀྱི་གྲངས་ནི320ཡིན།    དེའི་ཁྲོད་དུ་རང་རེའི་སློབ་གྲྭའི་སློབ་མ147གྱིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི46.6％ཟིན།  གྲ་སྒྲིག་གི་སློབ་མ་སྡུད་ཚད་ཀྱི་གྲངས་ནི200ཡིན།  དེའི་ཁྲོད་དུ་རང་རེའི་སློབ་གྲྭའི་སློབ་མ22ཀྱིས་རྒྱུགས་འཕྲོད་ཅིང་།  དེས་སློབ་མ་སྡུད་ཚད་ཀྱི11％ཟིན། 
     མི་རིགས་སློབ་མའི་རྒྱུགས་འབྲས་རྒྱའི་སྐར་ཚད་ལྟར་བརྩི་ན།  རང་རེའི་སློབ་གྲྭའི་རིག་ཚན་དང་རྩིས་ཚན་གྱི་རྒྱུགས་འཕྲོད་ཚད་ནི100％བསླེབས་ཡོད། སློབ་གྲོགས་བཀྲ་ཤིས་སྐྱིད་ཀྱིས་སྡོམ་སྐར522བླངས་ནས་ཞིང་ཆེན་ཡོངས་ཀྱི་རྩིས་ཚན་གྱི་ཨང་དང་བོའི་འབྲས་བཟང་བླངས་ཤིང་།    སློབ་གྲོགས་སྒྲོལ་འཚོ་རྒྱལ་དང་།  རིག་འཛིན་འཚོ།  སྒྲོལ་མ་སྐྱབས།   ཚེ་སྐྱིད་སྒྲོལ་མ་བཅས་ཀྱིས་སོ་སོར་སྡོམ་སྐར501དང494  494   477 བཅས་ཀྱི་འབྲས་བཟང་བླངས་ནས་ཞིང་ཆེན་ཡོངས་ཀྱི་རྩིས་ཚན་གྱི་ཨང་གསུམ་པ་དང་།  ལྔ་བ།  བརྒྱད་པ་བཅས་བླངས།  སློབ་གྲོགས་རྡོ་རྗེ་སྐྱིད་དང་སྒྲོལ་ལྷ།  མཁའ་འགྲོ་འཚོ།  བཙུན་ཐར་སྐྱིད།  རྟ་མགྲིན་འཚོ།  རིན་མཚོ་སྐྱིད་བཅས་ཀྱིས་ཀྱང་ཞིང་ཆེན་ཡོངས་ཀྱི་ཨང་དགུ་བ་དང་།  བཅུ་བ།  བཅུ་གཅིག་པ།  བཅུ་གཉིས་པ།  བཅུ་གསུམ་པ།  བཅུ་བཞི་བ་བཅས་ཀྱི་འབྲས་བཟང་བླངས།  རིག་ཚན་གྱི་སློབ་གྲོགས་ཕག་མོ་འཚོ་དང་།  ནོར་བུ་ཚེ་རིང་།  ལྷ་མོ་འཚོ་དང་།  སྙིང་ལྕགས་བཞིས་སོ་སོར་སྡོམ་སྐར553དང་། 543  538  538བཅས་བླངས་ནས་ཞིང་ཆེན་ཡོངས་ཀྱི་ཨང་དྲུག་པ་དང་བཅུ་གཅིག་པ།  བཅུ་བཞི་བ་བཅས་ཀྱི་འབྲས་བཟང་བླངས། གཞན་ཡང་ལུས་རྩལ་དང་གླུ་དབྱངས།  རི་མོ།  ཞབས་བྲོ་བཅས་ཀྱི་དགའ་མོས་འཛིན་གྲྭ་ལས་སློབ་མ3གྱིས་རྒྱའི་དངོས་གཞིའི་སློབ་གླིང་གི་རྩལ་སྦྱོང་གི་ཆེད་ལས་སུ་རྒྱུགས་འཕྲོད་ཅིང་།  སློབ་མ8ཀྱིས་རྒྱའི་དངོས་གཞིའི་སློབ་གླིང་གི་རི་མོའི་ཆེད་ལས་སུ་རྒྱུགས་འཕྲོད།  སློབ་མ23གྱིས་རྒྱའི་དངོས་གཞིའི་སློབ་གླིང་གི་གླུ་དབྱངས་ཀྱི་ཆེད་ལས་སུ་རྒྱུགས་འཕྲོད།
     དེང་འདིར།  རང་རེའི་སློབ་གྲྭའི་ཏང་ཨུ་ཧྲུའུ་ཅི།  སློབ་གཙོ་འཇིགས་མེད་རྡོ་རྗེ་གཙོ་བྱས་པའི་དགེ་བཟོ་བ་ཡོངས་ཀྱིས་སློབ་གྲྭའི་འཕེལ་རྒྱས་ཀྱི་བྱ་གཞག་ལ་དུས་དང་རྣམ་པ་ཀུན་ཏུ་ཐུགས་འཁུར་དང་།  དོ་སྣང་།  རྒྱབ་སྐྱོར་གནང་མཁན་གྱི་གོང་རིམ་གྱི་མགོ་འཁྲིད་དང་ལས་ཁུངས།  སྤྱི་ཚོགས་ཀྱི་ལས་རིགས་སོ་སོར་བཀྲ་ཤིས་པའི་འཕྲིན་བཟང་འདི་བསྒྲགས་པ་དང་།  དེ་དང་ཆབས་ཅིག་ཏུ་ཐེངས་འདིའི་མཐོ་རྒྱུགས་ཀྱི་ཁྲོད་དུ་གཡུར་ཟའི་གྲུབ་འབྲས་བླངས་པའི་སློབ་མ་དང་ཁྱིམ་བདག་ཡོངས་ལ་ལྷག་བསམ་རྣམ་དག་གིས་རྟེན་འབྲེལ་དང་།  མཐོ་གསུམ་རིམ་པའི་དགེ་རྒན་ཡོངས་ལ་བླ་མེད་ཀྱི་གུས་འདུད་ཞུའོ།།
     ཐེངས་འདིའི་ཕུལ་བྱུང་གི་འབྲས་བཟང་ལེན་པར་འབྲེལ་ཡོད་ལས་ཁུངས་དང་མགོ་འཁྲིད་ཀྱི་ཐུགས་འཁུར་དང་རྒྱབ་སྐྱོར།  དགེ་བཟོ་བ་ཡོངས་ཀྱིས་མཐུན་སྒྲིལ་ཧུར་ཐག་དང་།  སློབ་གྲྭ་ཆུང་འབྲིང་གི་དགེ་རྒན་རྣམས་ཀྱིས་ཀྱང་དཀའ་སྤྱད་ཀྱི་གསོ་སྐྱོང་དང་།  ཁུལ་ཡོངས་ཀྱི་ལས་རིགས་སོ་སོའི་རོགས་རམ་བཅས་ལ་ཁ་འབྲལ་ཐབས་མེད་པས།  ངེད་སློབ་གྲྭས"བློ་སྦྱོང་དང་།  གཤིས་བཟང་།   དོན་གཉེར།  ཉམས་ལེན།"ཞེས་པའི་སློབ་སྒྲུབ་ཀྱི་ཉམས་མྱོང་ལྟར།  འབད་པ་ལྷུར་ལེན་དང་།  བློ་བརྟན་འགྱུར་མེད།  རྣམ་དཔྱོད་རྩལ་གྱིས་འབྲས་བཟང་བསྐྲུན་པ་བཅས་ཀྱི་སྒོ་ནས་སློབ་གྲྭ་འདི་ཉིད་བོད་ཁུལ་གྱི་སློབ་གྲྭ་གྲགས་ཅན་དུ་འགྱུར་བར་འབད་འབུངས་ལྷོད་མེད་བྱའོ།།