ཞིན་ཧེ་རྫོང་མི་རིགས་སློབ་འབྲིང་དང་པོས་དབྱུག་རྩེད་སྤོ་ལོའི་རུ་ཁག་གསར་འཛུགས་ཀྱི་མཛད་སྒོ་སྤེལ་བ།

ཞིན་ཧེ་རྫོང་མི་རིགས་སློབ་འབྲིང་དང་པོས་དབྱུག་རྩལ་སྤོ་ལོའི་རུ་ཁག་གསར་འཛུགས་ཀྱི་མཛད་སྒོ་སྤེལ་བ།

     སྤྱི་ཟླ11པའི་ཚེས24ཉིན་གྱི་ཕྱི་དྲོར། ཞིན་ཧེ་རྫོང་མི་རིགས་སློབ་འབྲིང་དང་པོས་དབྱུག་རྩེད་སྤོ་ལོ་རུ་ཁག་གསར་འཛུགས་ཀྱི་མཛད་སྒོ་སློབ་རའི་ལུས་རྩལ་ར་བ་ནས་གཟབ་རྒྱས་ངང་སྤེལ། མཛད་སྒོའི་སྟེང་དུ་ཁོ་རེ་ཡ་ལྷོ་མ་ནས་ཡིན་པའི་མཚོ་ལྷོ་ཁུལ་དབྱུག་རྩེད་སྤོ་ལོ་རུ་ཁག་གི་དགེ་རྒན་གཙོ་བོ་ཐེན་ཅི་ཁྲང་དང་མཚོ་ལྷོ་ཁུལ་དབྱུག་རྩེད་སྤོ་ལོ་མཐུན་ཚོགས་ཀྱི་ཚོགས་གཙོ། གསེར་ཆེན་རྫོང་མི་རིགས་སློབ་འབྲིང་དབྱུག་རྩེད་སྤོ་ལོ་རུ་ཁག་གི་རུ་གཙོའམ་སློབ་གཙོ་གཞོན་པ། ཞིན་ཧེ་རྫོང་མི་རིགས་སློབ་འབྲིང་དང་པོའི་འབྲེལ་ཡོད་མགོ་ཁྲིད་དང་དབྱུག་རྩེད་སྤོ་ལོའི་དགེ་རྒན་སོགས་ཞུགས་ཡོད་པ་རེད།

དབྱུག་རྩེད་སྤོ་ལོ་འཁྲབ་སྟོན་གནང་བཞིན་པ།

དབྱུག་རྩེད་སྤོ་ལོ་འཁྲབ་སྟོན་གནང་བཞིན་པ།

དབྱུག་རྩེད་སྤོ་ལོ་འཁྲབ་སྟོན་གནང་བཞིན་པ།

སྦྱོང་བརྡར་བྱེད་བཞིན་པ།

     མཛད་སྒོའི་གོ་རིམ་ལྟར་དུ་མགོ་ཁྲིད་དག་གིས་དབྱུག་རྩེད་སྤོ་ལོའི་ལུས་རྩལ་གྱི་ཡོན་ཏན་དང་དར་སྤེལ་བྱེད་པའི་དགོས་པ། ན་ཆུང་གཞོན་ནུ་སྐྱེད་སྲིང་ཐད་ཀྱི་དགོས་ངེས་རང་བཞིན་སོགས་རེ་རེ་བཞིན་དུ་གཏམ་བཤད་གལ་ཆེན་གནང་བ་དང་། དེར་མཐུད་ནས་གསེར་ཆེན་རྫོང་མི་རིགས་སློབ་འབྲིང་གི་རུ་མི་ཚོས་དབྱུག་རྩེད་སྤོ་ལོ་རྩེད་སྟངས་ཐད་ནས་འཁྲབ་སྟོན་གཟུགས་འབུལ་བྱས་པའི་ཞོར་དུ་ཞིན་ཧེ་རྫོང་མི་རིགས་སློབ་འབྲིང་དང་པོས་ཀྱང་གྱ་ནོམ་པའི་རིག་རྩལ་འཁྲབ་སྟོན་གྱིས་རེབ་འདིའི་མཛད་སྒོ་འཁྲུག་ཆ་ཅན་དུ་བཏང་།

ཞིན་ཧེ་རྫོང་མི་རིགས་སློབ་འབྲིང་དང་པོའི་དབྱུག་རྩེད་སྤོ་ལོ་རུ་ཁག

ཚོགས་རའི་ཟུར་ཞིག

མགོ་ཁྲིད་དང་རྩལ་འཁྲིད་དགེ་རྒན་གྱི་མཉམ་པར།

མགོ་ཁྲིད་དང་རྩལ་འཁྲིད་དགེ་རྒན། དབྱུག་རྩེད་སྤོ་ལོ་རུ་ཁག་གི་མཉམ་པར།

     མཇུག་མཐར་མཛད་སྒོའི་འགྲོ་ལུགས་ལྟར་དུ། ཞིན་ཧེ་རྫོང་མི་རིགས་སློབ་འབྲིང་དང་པོའི་སློབ་གཙོ་ལྷ་འབུམ་རྒྱལ་ལགས་ཀྱིས་དངོས་སུ་དབྱུག་རྩེད་སྤོ་ལོ་འཕངས་ནས། ཞིན་ཧེ་རྫོང་མི་རིགས་སློབ་འབྲིང་དང་པོ་རུ་དབྱུག་རྩེད་སྤོ་ལོ་རུ་ཁག་དངོས་སུ་དབུ་ཚུགས་པ་དང་ལུས་རྩལ་རྣམ་གྲངས་འདིའི་རྩ་བ་ཚུགས་ཤིང་རྩེ་མོ་རྒྱས་པའི་བཀྲ་ཤིས་རྟེན་འབྲེལ་མཚོན་པར་བྱས་ཏེ་བདེ་ལེགས་ངང་མཛད་སྒོ་མཇུག་བསྡུས་སོ། །