མཚོ་ལྷོ་ཁུལ་མི་རིགས་མཐོ་འབྲིང་དང་པོས་སློབ་གྲྭ་བཙུགས་ནས་བགྲང་བྱ་དྲུག་ཅུ་འཁོར་བའི་མཛད་སྒོ་བསྡུས།

 

མཚོ་ལྷོ་ཁུལ་མི་རིགས་མཐོ་འབྲིང་དང་པོས་སློབ་གྲྭ་བཙུགས་ནས་བགྲང་བྱ་དྲུག་ཅུ་འཁོར་བའི་རྟེན་འབྲེལ་གྱི་མཛད་སྒོ་བསྡུས་པ།

མཚོ་ལྷོ་ཁུལ་མི་རིགས་མཐོ་འབྲིང་དང་པོས་སློབ་གྲྭ་བཙུགས་ནས་བགྲང་བྱ་དྲུག་ཅུ་འཁོར་བའི་རྟེན་འབྲེལ་གྱི་མཛད་སྒོ་བསྡུས་པ།

ཕྱོགས་ཡོང་གི་སྐུ་མགྲོན་ལྷན་རྒྱས།

     སྤྱི་ཟླ9ཚེས26ཉིན་གྱི་སྔ་དྲོར་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོས་སློབ་གྲྭ་བཙུགས་ནས་ལོ་འཁོར་དྲུག་ཅུ་འཁོར་བའི་དགྱེས་སྟོན་གྱི་མཛད་སྒོ་སྤེལ་ཞིང་། ཀྲུང་གོ་བོད་རིག་པ་ཞིབ་འཇུག་ལྟེ་གནས་ཀྱི་ལས་འཛིན་ཆེན་མོ་རྒན་བློ་བཟང་ལྷུན་གྲུབ་རྡོ་རྗེ་དང་། ཁུལ་ཨུའི་ཧྲུའུ་ཅུ་གཞོན་པ་དང་ཁུལ་དཔོན་བསོད་ནམས་དོན་གྲུབ། ཁུལ་ཨུའི་ཧྲུའུ་ཅི་གཞོན་པ་བང་ཅན་མེན། ཁུལ་དཔོན་གཞོན་པ་བང་ཕཱེན་སོགས་ཁུལ་གཏོགས་ལས་ཁུངས་སོ་སོའི་འགོ་ཁྲིད་དང་། དེ་མིན་རྒྱལ་ཡོངས་མི་རིགས་སློབ་ཆེན་སོ་སོའི་དགེ་རྒན་ཆེན་མོ་ཁག་དང་། ཁུལ་ཡོངས་ཀྱི་སློབ་གྲྭ་ཆུང་འབྲིང་གི་སློབ་གཙོ། ལས་ཁྱུར་ངལ་གསོ་བྱས་ཟིན་པའི་དགེ་རྒན་བཅས་ཁྱོན་བསྡོམས་མི5000ལ་ཉེ་བ་ལྷག་མཛད་སྒོའི་ཚོགས་འདུར་ཞུགས། ཁུལ་སློབ་གསོ་ཅུའི་ཅུ་ཀྲང་དཔལ་འབུམ་ཐར་གྱིས་ཚོགས་འདུར་འགོ་འཛིན་མཛད་པ་དང། རྒན་བློ་བཟང་ལྷུན་གྲུབ་རྡོ་རྗེ་ལགས་ཀྱིས་མཛད་སྒོ་དངོས་སུ་འགོ་བརྩམས་པ་ཁྱབ་བསྒྲགས་བྱས། སློབ་གཙོ་འཇིགས་མེད་རྡོ་རྗེ་དང་ཁུལ་དཔོན་གཞོན་པ་བང་ཕཱེན། མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་ལྕགས་ཐར་རྒྱལ་བཅས་ཀྱིས་སྔ་ཕྱིར་ཤིས་ཚིག་དང་གཏམ་བཤད་སྤེལ།

རིག་རྩལ་འཁྲབ་སྟོན་གྱི་ཡུལ་དངོས།

རིག་རྩལ་འཁྲབ་སྟོན་གྱི་ཡུལ་དངོས།

རིག་རྩལ་འཁྲབ་སྟོན་གྱི་ཡུལ་དངོས།

     མཛད་སྒོའི་ཚོགས་འདུ་མཇུག་རྫོགས་རྗེས་དགེ་སློབ་རྣམས་ཀྱིས་མི་རིགས་མཐུན་སྒྲིལ་བརྗོད་གཞི་བྱས་པའི་དམངས་གླུ་དང་། ཞབས་བྲོ། གླུ་གཞས། རྡུང་ལེན། བཞད་གར། སྙན་ངག་གྱེར་འདོན། གྱོན་གོས་འཁྲབ་སྟོན་བཅས་རིག་རྩལ་འཁྲབ་སྟོན་གྱི་རྩེད་མོའི་རྣམ་གྲངས་གྱ་ནོམ་པ་ཕུལ་བས་ཚོགས་ཞུགས་ཀྱི་འགོ་ཁྲིད་དང་སྐུ་མགྲོན། ལྟད་མོ་བ་རྣམས་ཀྱི་ཡིད་ཀྱི་དབང་བོ་ཅིག་ཅར་ཏུ་འཕྲོག་པར་བྱས།