ཁྲི་ཀ་རྫོང་སློབ་གསོ་སྡེ་ཁག་གི་སྟོན་ཟླའི་ལུས་རྩལ་འགྲན་ཚོགས་སྐབས་ལྔ་པ།

     སྟོན་རླུང་དལ་གྱིས་ལྡང་སྟེ་སྟོན་མཇུག་ལོ་མས་ཁ་དོག་བརྗེས་པའི་དུས་ཚིགས་འདིར། དོན་ཀུན་འགྲུབ་པའི་ཁུར་མོང་ཞེས་པའི་ཁྲི་ཀ་རྫོང་གི་སློབ་གྲྭ་ཆུང་འབྲིང་གི་སྟོན་ཟླའི་ལུས་རྩལ་འགྲན་ཚོགས་སྐབས་ལྔ་པ་དེ་ཟླ9པའི་ཚེས19ཉིན་ནས་ཚེས22ཉིན་བར་ཏེ་ཉིན་བཞིའི་རིང་དུ་ཁྲི་ཀ་རྫོང་རྨ་སྲིབ་སློབ་ཆུང་ནས་གཟབ་རྒྱས་ངང་སྤེལ།
     ཚེས19ཉིན་གྱི་སྔ་དྲོར་ལུས་རྩལ་འགྲན་ཚོགས་མགོ་རྩོམ་པའི་མཛད་སྒོ་བསྡུས་ཤིང་། མདོ་འཛིན་པའི་སློབ་གྲྭ་རེ་རེ་ངོ་སྤྲོད་བརྒྱུད་སློབ་གྲྭ་སོ་སོའི་འགྲན་ཞུགས་པ་རྣམས་གྲལ་དཔུང་རེ་རེ་ལུས་རྩལ་ཐང་ཆེན་དུ་རྔ་ཆེན་དང་དུང་ཆེན། སྦུབ་ཆའི་ཆོམ་ལྡིར་གྱི་རོལ་དབྱངས་ཁྲོད་ནས་ཚོགས་རར་བསྐྱོད་ཅིང་། ཚོགས་ཐོག་ཏུ་སློབ་གསོ་ཅུའུ་ཡི་ཅུའུ་ཀྲང་གཞོན་པ་ཚེ་རིང་བཀྲ་ཤིས་དང་སློབ་གྲྭ་སོ་སོའི་སློབ་གཙོ་སོགས་འགོ་ཁྲིད་སྐོར་ཞིག་ཀྱང་མཛད་སྒོར་ཞུགས་ཤིང་ཅུའུ་ཀྲང་གཞོན་པ་ཚེ་རིང་བཀྲ་ཤིས་ཀྱིས་ཤིས་ཚིག་བསྒྲགས་པ་དང་འབྲེལ་ཡོད་འགྲན་ཞུགས་པ། ཤན་འབྱེད་པ་བཅས་ཀྱིས་དམ་ཚིག་སྒྲོག་སྟེ་འགྲན་བསྡུར་དངོས་སུ་མགོ་བརྩམས།

ལུས་རྩལ་འགྲན་ཚོགས་ཀྱི་ཡུལ་དངོས།

ལུས་རྩལ་འགྲན་ཚོགས་ཀྱི་ཡུལ་དངོས།

ལུས་རྩལ་འགྲན་ཚོགས་ཀྱི་ཡུལ་དངོས།

     ཐེངས་འདིའི་འགྲན་ཚོགས་ལ་ཁྲི་ཀ་རྫོང་གི་སློབ་གྲྭ་ཆུང་འབྲིང13ལྷག་གི་དགེ་སློབ500ཙམ་ཞུགས་ཡོད་ཅིང་། སློབ་གྲྭ་སོ་སོ་ལ་ལྒང་ལི་འགྲན་སྡུར་དང་ཐུང་རྒྱུག་འགྲན་སྡུར། མཐུད་རྒྱུག་འགྲན་བསྡུར་བཅས་ཀྱི་ཐུན་མོང་འགྲན་སྡུར་དང་ཕང་ཕིང་སྤོ་ལོ་དང་ཐག་ལྡིང་གཉིས་ཀའི་མི་སྒེར་འགྲན་བསྡུར་གྱི་རྣམ་གྲངས་རིགས་གཉིས་སུ་བགར་ཡོད་ལ། ངེད་སློབ་གྲྭར་ཡང་དགེ་རྒན་སྐྱེས་པའི་རུ་ཁག་དང་དགེ་རྒན་སྐྱེས་མའི་རུ་ཁག སློབ་མའི་སྐྱེས་པ་དང་སྐྱེས་མ་རུ་ཁག སློབ་མ་མི་སྒེར་བཅས་འགྲན་བསྡུར་ལ་ཞུགས་པ་རེད། རྩ་འཛུགས་ཨུ་ཡོན་པའི་སྣེ་སྟོན་དང་གཟུར་གནས་ཤན་འབྱེད་པའི་གོ་སྒྲིག་འོག་འགྲན་ཁུལ་སོ་སོ་ནས་འགྲན་ཞུགས་པ་རྣམས་ཀྱིས་རང་ནུས་ཅི་ཡོད་བཏོན་ཏེ་འགྲན་སྡུར་བྱས། རེབ་འདིའི་ལུས་རྩལ་འགྲན་ཚོགས་ཀྱིས་འཚར་ལོངས་འབྱུང་བཞིན་པའི་ལོ་ཆུང་སློབ་བུ་དག་ལ་མཚོན་ན་རང་ནུས་སྔོག་འདོན་དང་ཆེད་ལས་གསོ་སྦྱོང་། སྟོབས་ཤུགས་ཚད་འཇལ་གྱི་སྟེགས་བུ་བཟང་པོ་ཞིག་བསྐྲུན་ཞིང་། ཕན་ཚུན་སློབ་སྦྱོང་། ཐུན་མོང་གི་ནུས་རྩལ་དང་། ཚོགས་སྤྱིའི་འདུ་ཤེས་སྐྱེད་སྲིང་གི་གོ་སྐབས་ལེགས་པོ་ཞིག་ཀྱང་བསྐྲུན་པ་རེད།

འགྲན་ཞུགས་སློབ་གྲྭའི་མཉམ་པར།

རྒྱལ་ཁའི་འབྲས་བཟང་།

     ཉིན་རེའི་སྔ་དྲོའི་དུས་ཚོད9:00ནས་བཟུང་སློབ་མའི་ལྒང་ལི་འགྲན་སྡུར། རྒྱུགས་འགྲན། ཐག་ལྡིང་། ཕང་ཕིང་སྤོ་ལོ་སོགས་ཀྱི་འགྲན་བསྡུར་དག་ལྟ་མཁན་པའི་ཤུགས་རྒྱག་པའི་ཐལ་མོ་རྡེབ་སྒྲ་དང་ལྷང་ལྷིང་ཀི་འབོད་ཁྲོད་བྲེལ་དངངས་དང་འདུ་འགོད་ཀློང་ནས་ཀུན་ལ་ལུས་རྩལ་གྱི་མཚར་སྡུག་ཡིད་འཕྲོག་པ་ཞིག་བཤམས་ཏེ། བརྩོན་ལེན་དང་ཕན་ཚུན་སྐུལ་འདེད་ཀྱི་ཚ་རླབས་རབ་དང་རིམ་པ་ཞིག་འཕྱུར་དུ་བཅུག བསྟུད་མར་ཉིན་བཞིའི་ཛ་དྲག་དང་བྲེལ་ཟིང་གི་འགྲན་བསྡུར་དེ་འགྲན་ཞུགས་པ་ཚང་མའི་མཛའ་བརྩེ་དང་པོ་དང་འགྲན་བསྡུར་གཉིས་པའི་མཆོད་ཚིག་སྙན་མོའི་འོག་རྣམ་གྲངས་རེ་རེ་བཞིན་བདེ་ལེགས་ངང་སྤེལ་བ་རེད། མཇུག་མཐར། ཚེས22ཉིན་གྱི་ཕྱི་དྲོར། འགྲན་བསྡུར་གྱི་མཇུག་བསྡུའི་མཛད་སྒོ་བསྡུས་ཤིང་ངེད་ཁྲི་ཀ་རྫོང་མི་རིགས་བཅའ་སྡོད་སློབ་གྲྭས་ཕོ་མོའི་ལྒང་ལི་འགྲན་བསྡུར། ཕོ་མོའི་མཐུད་རྒྱུགས། ཕོ་མོའི་ཐུང་རྒྱུགས་སོགས་འགྲན་བསྡུར་རྣམ་གྲངས་བརྒྱད་ལ་རེ་རེ་བཞིན་ཨང་དང་པོ་དང་ཨང་གཉིས་པའི་བྱ་དགའ་བླངས་པའོ།།