ངོས་དང་པོ > སྐབས་དོན། > རིག་གནས་སློབ་གསོ། > བོད་ལྗོངས་ཞིང་འབྲོག་སློབ་གླིང་འཛུགས་རྒྱུར་སློབ་གསོ་པུས་མོས་མཐུན་གནང་བ།

བོད་ལྗོངས་ཞིང་འབྲོག་སློབ་གླིང་འཛུགས་རྒྱུར་སློབ་གསོ་པུས་མོས་མཐུན་གནང་བ།

རྩོམ་པ་པོ།：མི་གསལ། ཡོང་ཁུངས།：མི་དམངས་དྲ་བ། དུས་ཚོད།：2016-06-29 10:13:00 ཀློག་གྲངས།：

ཉེ་སྔོན་སློབ་གསོ་པུས་བོད་རང་སྐྱོང་ལྗོངས་མི་དམངས་སྲིད་གཞུང་ལ་འཕྲིན་ཡིག་བཏང་ནས་བོད་ལྗོངས་སློབ་གྲྭ་ཆེན་པོའི་ཞིང་འབྲོག་སློབ་གླིང་གི་རྨང་གཞིའི་ཐོག་བོད་ལྗོངས་ཞིང་འབྲོག་སློབ་གླིང་འཛུགས་རྒྱུར་མོས་མཐུན་གནང་བ་རེད།
སློབ་གསོ་པུའི་འཕྲིན་ཡིག་ནང་བོད་ལྗོངས་ཞིང་འབྲོག་སློབ་གླིང་ནི་དངོས་གཞིའི་ཚན་ཁག་རིམ་པའི་མཐོ་སློབ་དཀྱུས་མ་ཡིན་པ་དང་། དེས་དངོས་གཞིའི་ཚན་ཁག་གི་སློབ་གསོ་གཙོ་བོར་བྱེད་པ་དང་། དུས་བསྟུན་གྱིས་ཞིབ་འཇུག་སློབ་མ་གསོ་སྐྱོང་ལས་འགན་འཁུར་དགོས། སློབ་གླིང་ནི་བོད་རང་སྐྱོང་ལྗོངས་ཀྱིས་འགོ་ཁྲིད་དང་དོ་དམ་བྱ་རྒྱུ་ཡིན་ལ། དེ་འཕེལ་རྒྱས་གཏོང་བར་མཁོ་བའི་འགྲོ་གྲོན་རང་སྐྱོང་ལྗོངས་ཀྱིས་གཅིག་གྱུར་འཆར་འགོད་ཀྱིས་ཐག་གཅོད་བྱ་དགོས། སློབ་གླིང་ནི་ཉིན་གང་ལམ་ལུགས་ཀྱི་སློབ་ཞུགས་སློབ་མའི་མི་གྲངས་གནས་སྐབས་མི8000དུ་གཏན་འཁེལ་བྱས་ཤིང་། སློབ་གྲྭའི་ད་ཡོད་ཆེད་སྦྱོང་གྲུབ་ཚུལ་ལེགས་སྒྲིག་དང་ཆེད་སྦྱོང་གསར་པ་འཕར་སྣོན་གཏོང་རྒྱུ་ནི་སློབ་གསོ་པུའི་འབྲེལ་ཡོད་གཏན་འབེབས་ལྟར་བསྒྲུབ་དགོས། སློབ་གསོ་པུས་དུས་ཐོག་ཏུ་སློབ་གྲྭའི་སློབ་གཉེར་གནང་ངེས་དང་། སློབ་གསོའི་སྤུས་ཚད། ཤེས་ལྡན་མི་སྣ་གསོ་སྐྱོང་བཅས་ཀྱི་གནས་ཚུལ་ལ་དཔྱད་དཔོག་བྱ་རྒྱུ་ཡིན་ཞེས་བསྟན་པ་རེད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com