བློ་བཟང་བོད་རྒྱ་དབྱིན་གསུམ་གྱི་གློག་རྡུལ་ཚིག་མཛོད(རིམ་སྤར་པར་གཞི)འགྲེམ་ལ་ཉེ་བ།

     རྒྱུས་ལོན་པ་ལྟར་ན། བློ་བཟང་བོད་རྒྱ་དབྱིན་གསུམ་གྱི་གློག་རྡུལ་ཚིག་མཛོད་ཆེན་མོ(རིམ་སྤར་པར་གཞི)མི་འགྱངས་པར་ཚོང་རར་འགྲེམ་སྤེལ་བྱ་རྒྱུ་ཡིན་ཞིང་། ད་རེས་ཀྱི་བློ་བཟང་གློག་རྡུལ་ཚིག་མཛོད་ཆེན་མོ་འདི་ནི་སྔོན་མའི་གློག་རྡུལ་ཚིག་མཛོད་ཀྱི་རྨང་གཞིའི་སྟེང་གསར་དུ་བཟོས་པ་ཞིག་སྟེ། བོད་ཡིག་ཆ་འཕྲིན་ལག་རྩལ་གསར་བ་སྤྱད་ཡོད་པར་མ་ཟད། ནང་འཇུག་བྱས་པའི་ཚིག་མཛོད་ཀྱི་གྲངས་མང་ཞིང་ནང་དོན་ཕུན་སུམ་ཚོགས་པར་བཏང་ཡོད་པས། བོད་རྒྱ་དབྱིན་གསུམ་གྱི་ཚིག་མཛོད་དང་སློབ་སྦྱོང་འཕྲུལ་ཆས་ཀྱི་བྱེད་ནུས་གཉིས་དང་ལྡན་པའི་གློག་རྡུལ་འཕྲུལ་ཆས་ཤིག་ཡིན།
1 གློག་རྡུལ་ཚིག་མཛོད་འདིར་བསྡོམས་པས་ཚིག་མཛོད60ཙམ་ཡོད་ལ། ཚིག་མཛོད་རང་གིས་སྒྲིག་བཟོ་བྱ་ཆོག་པར་མ་ཟད། ཐ་སྙད་གསོག་ཉར་བྱེད་པ་དང་སྔར་བཙལ་བའི་ཐ་སྙད་དག་ཟིན་ཐོར་བསྡུ་ཉར་བྱེད་པ་བཅས་ཀྱི་བྱེད་ནུས་དང་ལྡན་པས།  ལོ་ཙཱའི་ལས་དང་པོ་བ་དག་གི་ལས་རོགས་འཇོན་པོ་ཞིག་ཡིན།
2 འདིའི་ནང་གི་ཚིག་མཛོད་ལ་སྤྱིར་བཏང་གི་ཚིག་མཛོད་ལས་གཞན་ཚན་རྩལ་སྐོར་གྱི་ཚིག་མཛོད་དང་ཆོས་ལུགས་སྐོར་གྱི་ཚིག་མཛོད་ཀྱང་ཡོད་ལ། བོད་རྒྱ་དབྱིན་གསུམ་གྱི་ཐ་སྙད་ཡིག་སྒྱུར་བྱེད་ཐུབ་པར་མ་ཟད། ཐ་སྙད་གཅིག་ལ་རྒྱ་བོད་དབྱིན་གསུམ་གྱི་འགྲེལ་མང་པོ་མཉམ་འཚོལ་བྱེད་ཐུབ།
3 བོད་དབྱིན་གྱི་གསལ་བྱེད་ཡི་གེ་དང་རྒྱའི་ཡི་གེ་འབྲི་ཀློག་གི་གོ་རིམ་དང་སྐད་ཆ་སྦྱང་ཆོག་ལ།  གཞན་ད་དུང་བརྡ་སྤྲོད་ཀྱི་ཤེས་བྱ་དང་བོད་རྒྱའི་སྔོན་བྱོན་མཁས་དབང་དག་གི་བརྩམས་ཆོས་མང་པོ་ཞིག་ལ་ལྟ་ཀློག་བྱས་ཆོག་པས། བོད་རྒྱ་དབྱིན་གསུམ་གྱི་ཡི་གེར་འཇུག་པའི་ཡོ་བྱད་ལེགས་ཤོས་ཤིག་ཡིན།
4 འཕྲུལ་ཆས་འདིར་དམིགས་བསལ་གྱི་ཕབ་གཞོང་འཆར་འགོད་བྱས་ཡོད་པས། རྒྱལ་ཕྱི་རྒྱལ་ནང་གི་ཚད་ལྡན་བོད་ཡིག་གཏག་ཐབས(ཧི་མ་ལ་ཡའི་བོད་ཡིག་གཏག་ཐབས)དང་གཅིག་མཚུངས་ཡིན་ལ།  མཐེབ་གནོན་གཅིག་གིས་བོད་རྒྱ་དབྱིན་གསུམ་གྱི་འཆར་ངོས་བརྗེ་སྒྱུར་བྱས་ཆོག་པར་མ་ཟད། རྒྱུན་སྤྱོད་ཀྱི་རྒྱ་ཡིག་དང་དབྱིན་ཡིག་ནང་འཇུག་བྱེད་ཐབས་ཡོད་ཅིང་། འཆར་ངོས་སྟེང་ལག་བྲིས་ཀྱང་བྱས་ཆོག གཞན་ད་དུང་འགྲེལ་བཤད་ངོས་དང་དེབ་སྣ་ཚོགས་ལ་ལྟ་ཀློག་བྱེད་དུས་ཡིག་གཟུགས་ཀྱི་ཆེ་ཆུང་གང་དགར་སྒྱུར་ཆོག་པ་ཡིན།
5 ཚིག་མཛོད་འདིའི་ཐ་སྙད་བཤེར་འཚོལ་གྱི་བྱེད་ནུས་ཤིན་ཏུ་མཐོ་ཞིང་། ལྟ་ཀློག་སྐབས་འཆར་ངོས་ལས་ཐད་ཀར་ཐ་སྙད་བཤེར་འཚོལ་བྱས་ཆོག་ལ། བཙལ་ཟིན་པའི་ཐ་སྙད་ཀློག་འདོན་བྱེད་ཐུབ་པར་མ་ཟད། དབྱིན་ཡིག་དང་རྒྱ་ཡིག་གི་ཚིག་དུམ་ཡིག་སྒྱུར་བྱེད་པའི་ནུས་པའང་ལྡན།
6 འཕྲུལ་ཆས་འདི་ནི་ཚོན4.3ཅན་གྱི་ཚོན་ལྡན་ནོམ་ཉུག་བརྙན་ཤེལ་དང་ཚོན་ཁྲ་ཁྲི26.2ཅན་ཡིན་པས་འཆར་ངོས་གསལ་ཞིང་དྭངས་པའི་ཁྱད་ཆོས་ལྡན་ལ། ནང་གསོག་གི་ཤོང་ཚདG4ནསG32ལ་རྒྱ་བསྐྱེད་བྱས་ཆོག གཞན་ཡངMP3ལས་གཞས་ཚིག་འཆར་ཐུབ་པར་མ་ཟད།  བརྙན་ཟློས་གཏོང་བ་དང་སྒྲ་འབེབ་ཐུབ་ལ། གློག་རྡུལ་དཔེ་དེབ་དང་གློག་རྡུལ་པར་རིས་སོགས་ལ་གཟིགས་ཀྱང་ནུས།