གངས་ལྷའི་བརྩེ་སེམས་ཚོགས་པས་སྐབས་དང་པོའི་ཡིག་བསྒྱུར་འགྲན་བསྡུར་གྱི་བྱེད་སྒོ་སྤེལ་བ།

གངས་ལྷའི་བརྩེ་སེམས་ཚོགས་པས་སྐབས་དང་པོའི་སྐད་གཉིས་སེམས་དང་སེམས་པ་སྦྲེལ།
ལོ་ཙཱ་བ་ཆུང་ཆུང་ང་ཡི་བྱེད་ཅེས་པའི་ཡིག་བསྒྱུར་འགྲན་བསྡུར་སྤེལ་བ།

     ཀུན་གྱིས་མཁྱེན་གསལ་ལྟར་སྤྱི་ཚོགས་ལས་རིགས་ཁག་གི་འཕེལ་རིམ་ཁྲོད་ལོ་ཙཱའི་ལས་རིགས་ནི་མེད་དུ་མེད་རུང་ཞིག་ཡིན། གལ་ཏེ་ལོ་ཙཱ་བའི་བྱ་འགུལ་མེད་ན་འཛམ་གླིང་མི་རིགས་ཕན་ཚུན་དབར་འབྲེལ་ཟམ་འཛུགས་ཐབས་མེད་པས་རྒྱལ་ཁབ་དང་མི་རིགས་གཞན་གྱི་སྔོན་ཐོན་རིག་གནས་དང་ཕུལ་བྱུང་ལག་རྩལ་སོགས་སྤེལ་རེས་བྱེད་ཐབས་བྲལ་བར་བརྟེན་ཡིག་བསྒྱུར་ལས་རིགས་ནི་ཆེས་གལ་འགངས་དང་ཆེས་རིན་ཐང་ལྡན་པ་ཞིག་ཡིན་པར་སྤོབས།

བྲོ་གར།

     ཉེ་ཆར་བོད་ལྗོངས་མི་རིགས་སློབ་གྲྭ་ཆེན་མོའི་གངས་ལྷའི་བརྩེ་སེམས་ཚོགས་པའི་ཚོགས་མི་ཡོངས་ཀྱིས་ཀྱང་ཡུན་རིང་འབད་བརྩོན་དང་དེ་བཞིན་སྤུན་ཟླའི་སློབ་ཚོགས་ཁག་གི་ཤུགས་ཆེའི་རྒྱབ་སྐྱོར་འོག་གཉེར་བའི་སྐབས་དང་པོའི་སྐད་གཉིས་སེམས་དང་སེམས་པ་སྦྲེལ། ལོ་ཙཱ་བ་ཆུང་ཆུང་ང་ཡི་བྱེད་ཅེས་བརྗོད་གཞི་གཙོ་བོར་བཟུང་བའི་སྣ་མང་ཕུན་སུམ་ཚོགས་པའི་ཡིག་བསྒྱུར་འགྲན་བསྡུར་གྱི་བྱེད་སྒོ་བོད་ལྗོངས་མི་རིགས་སློབ་གྲྭ་ཆེན་མོའི་རིག་རྩལ་སྙན་ཞུ་ཁང་དུ་བདེ་བླག་ངང་སྤེལ།

ཡུལ་དངོས།

     ཐེངས་དེའི་བྱེད་སྒོའི་ནང་དེང་རབས་སྤྱོད་སྒོ་ཆེ་བའི་མིང་ཚིག་དང་ལེགས་བཤད།གཏམ་དཔེའི་ནང་དོན། དེ་བཞིན་སྙན་འཇེབས་ལྡན་པའི་གླུ་གཞས་སོགས་བཀོད་སྒྲིག་བྱས་ཏེ་བྱེད་སྒོའི་རྣམ་པས་སྔར་བས་ཕུན་སུམ་ཇེ་ཚོགས་དང་འཁྲུག་ཆ་ལྡན་པ་ཞིག་གྱུར་ཡོད།

བྱ་དགའ་སློབ་པའི་སློབ་མ།

     ཐེངས་འདིའི་བྱེད་སྒོའི་ཁྲོད་སློབ་ཐོན་བྱེད་ལ་ཉེ་བའི་སྔོན་གྱི་བོད་ཡིག་སློབ་ཚོགས་ཁག་གི་འགན་འཁུར་མི་སྣ་རྣམས་གདན་ཞུ་བྱས་ཏེ་ཁོང་རྣམས་ལ་སློབ་ཐོན་གྱིས་སྐྱེལ་མ་མཚོན་པར་བྱས་ཡོད་དེ་བཞིན་མི་རིགས་རིག་གནས་ལ་དུང་ཞེན་ཆེ་བའི་སློབ་མ་སྟོང་ལ་ཉེ་བ་བྱེད་སྒོའི་ནང་བཞུགས་ཡོད་ལ་ཁོང་རྣམས་པའི་ཚད་མཐོའི་འདེང་འཇོག་ཡང་ཐོབ་ཡོད།

བོད་ལྗོངས་མི་རིགས་སློབ་གྲྭ་ཆེན་མོའི་གངས་ལྷའི་བརྩེ་སེམས་ཚོགས་པ།

     ད་ཐེངས་ཡིག་བསྒྱུར་བྱེད་སྒོ་འདིར་བརྒྱུད་དེ་གཅིག་ནས་སློབ་ཚོགས་འདིའི་རྣམ་ཀུན་བྱེད་སྒོ་དེ་སྔོན་དང་མི་འདྲ་བར་ཕུན་སུམ་ཚོགས་སུ་བཏང་ཡོད་པ་དང་། གཉིས་ནས་ཡིག་བསྒྱུར་ལས་རིགས་ལ་དགའ་བའི་སློབ་མ་དུ་མའི་ཤེས་བྱ་ཁ་སྣོན་དང་གྲ་རྒྱས་སུ་སུ་བཏང་ཡོད།