ངོས་དང་པོ > སྐབས་དོན། > རིག་གནས་སློབ་གསོ། > ཀྲུང་གོའི་རླུང་ཁམས་ཆེན་མོའི་ཚན་རིག་བརྡ་ཆད་བོད་ཡིག་ཏུ་བསྒྱུར་བ་ལེགས་འགྲུབ་བྱུང་།

ཀྲུང་གོའི་རླུང་ཁམས་ཆེན་མོའི་ཚན་རིག་བརྡ་ཆད་བོད་ཡིག་ཏུ་བསྒྱུར་བ་ལེགས་འགྲུབ་བྱུང་།

རྩོམ་པ་པོ།：ལྷ་མོ་ཚེ་སྐྱིད། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2015-03-25 10:23:00 ཀློག་གྲངས།：

ཟླ3པའི་ཚེས23ཉིན། 《རླུང་ཁམས་ཆེན་མོའི་ཚན་རིག་མིང་བརྡ》བོད་འགྱུར་མ་ལྷ་ས་རུ་འགྲེམ་སྤེལ་བྱས་ཤིང་། དེས་ཀྲུང་གོའི་རླུང་ཁམས་ཆེན་མོའི་ཚན་རིག་བརྡ་ཆད་ཐོག་དང་པོར་ཆ་ཚང་བའི་སྒོ་ནས་བོད་ཡིག་ཏུ་བསྒྱུར་སྒྲིག་བྱས་པ་མཚོན་ལ། རླུང་ཁམས་ཆེན་མོའི་ཚན་རིག་གི་བོད་ཡིག་མིང་བརྡ་ཞིབ་འཇུག་བྱེད་པའི་སྟོང་ཆ་བསྐངས་པ་དང་། མདོ་དབུས་མཐོ་སྒང་གི་གནམ་གཤིས་ཀྱི་གནོད་འཚེ་སྔོན་འགོག་དང་གནམ་གཤིས་འགྱུར་ལྡོག་ལ་ཁ་གཏོད་པ་དང་། སྐྱེ་ཁམས་དཔལ་ཡོན་ཚན་རྩལ་ཤེས་བྱ་ཁྱབ་གདལ་ནུས་ཤུགས་སོགས་མཐོར་འདེགས་སུ་གཏོང་བར་ཕན་ནུས་ཆེས་ཆེར་ལྡན།
དཔེ་ཆ་འདིའི་སྒྲིག་སྒྱུར་ཨུ་ཡོན་ལྷན་ཁང་གི་འགོ་གཙོ་བསོད་ནམས་རྡོ་རྗེས་ཉིན་དེར་འགྲེམ་སྤེལ་མཛད་སྒོ་སྟེང་བཤད་རྒྱུར། སྒྲིག་སྒྱུར་བྱ་བ་ནི་བོད་ལྗོངས་རང་ས་གནས་ཀྱི་གནམ་གཤིས་དང་བོད་སྐད་ཡིག་ཆེད་མཁས་པས་འགན་བླངས་ཤིང་། 《རླུང་ཁམས་ཆེན་མོའི་ཚན་རིག་མིང་བརྡ》(པར་གཞི་གསུམ་པ)གཞིར་བཟུང་སྟེ་དུས་ཡུན་ལོ5ཡི་རིང་སྒྲིག་སྒྱུར་ལེགས་འགྲུབ་བྱུང་བ་ཡིན་ལ། འདིའི་ནང་དོན་ནི་རླུང་ཁམས་ཆེན་མོ་དང་། རླུང་ཁམས་ཆེན་མོའི་འཚོལ་ཞིབ། གནམ་གཤིས་རིག་པ་སོགས་རིགས་བརྒྱད་འདུས་པ་དང་མིང་བརྡ2401ཡོད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com