བོད་ལུགས་གསོ་རིག་རིག་གནས་ཐད་ཀྱི་གློག་བརྙན་ཐོག་མ«ཨ་ཕའི་རྩྭ་ཐང»ཞེས་པ་ཐོག་མར་སྟོན་པའི་མཛད་སྒོ་བསྡུས་པ།

      སྤྱི་ཟླ2པའི་ཚེས9ཉིན། ཀྲུང་གོའི་བོད་ལུགས་གསོ་རིག་རིག་གནས་ཐད་ཀྱི་གློག་བརྙན་ཐོག་མ«ཨ་ཕའི་རྩྭ་ཐང»ཞེས་པ་ཐོག་མར་སྟོན་པ་དང་དྲ་ཐོག་ནས་སྟོན་པའི་མཛད་སྒོ་ཟླ་གཉིས་པའི་ཚེས་དགུ་ཉིན་ཟི་ལིང་ནས་བསྡུས།
      མཛད་སྒོའི་སྟེང་། སྔ་གཞུག་ཏུ་གློག་བརྙན«ཨ་ཕའི་རྩྭ་ཐང»ཞེས་པའི་ཐད་ཀྱི་བཅར་འདྲིའི་གནས་ཚུལ་དང་སྔོན་བརྡའི་གློག་བརྙན། གློག་བརྙན་ཧྲིལ་བོ་བཅས་བཏང་བ་དང་། གློག་བརྙན་ཐད་ཀྱི་བཅར་འདྲིའི་ཁྲོད། མཚོ་བྱང་ཁུལ་བོད་སྨན་ཁང་གི་ཡོན་ཀྲང་གསུམ་པོས་ཟུར་སྣ་མི་འདྲ་ས་ནས་བོད་ལུགས་གསོ་རིག་རིག་གནས་དང་བོད་ལུགས་གསོ་རིག་གི་གཞུང་ལུགས། བོད་སྨན་ཁང་གི་འཕེལ་རྒྱས་གནས་ཚུལ་བཅས་ཞིབ་མོར་བཤད།
      གློག་བརྙན་བཏང་ཚར་རྗེས། མཚོ་སྔོན་ཞིང་ཆེན་ཏང་ཨུའི་དྲིལ་སྒྲོག་པུའུ་དང་། མཚོ་སྔོན་ཞིང་ཆེན་ཚོང་དོན་ཐིན་གྱི་འབྲེལ་ཡོད་འགན་ཁུར་བློ་མཐུན་དང་། མཚོ་བྱང་བོད་རིགས་རང་སྐྱོང་ཁུལ་གྱི་ཏང་ཨུའི་ཧྲུའུ་ཅི་ཉི་མ་སྒྲོལ་མ། ཧྲང་ཧེ་ཨའོ་ཐི་རིག་གནས་སྨྱན་བྱད་ཚད་ཡོད་ཀུང་ཟིའི་གཙོ་འཛིན་ཧྲི་ཝུའུ་ཁྲའོ་བཅས་མཉམ་དུ་གློག་བརྙན་དེ་རྒྱལ་ནང་གི་ཆེས་ཆེ་བའི་བརྙན་རིས་དྲ་ཚུགས་ཨེ་ཆི་དབྱི་སྟེང་གཏོང་མགོ་རྩོམ་པའི་མཛད་སྒོར་ཞུགས།
      རྒྱུས་ལོན་བྱུང་བ་ལྟར་ན། གློག་བརྙན«ཨ་ཕའི་རྩྭ་ཐང»ཞེས་པ་དེ་མཚོ་བྱང་ཁུལ་བོད་སྨན་ཁང་ནས་བརྙན་ལ་ཕབ་པ་དང་། བོད་སྨན་ཁང་གི་ཡོན་ཀྲང་རིན་ཆེན་གཏམ་རྒྱུད་ཀྱི་མ་དཔེ་རུ་བྱས་ནས། མཚོ་བྱང་ཁུལ་དུ་འཚོ་བ་རོལ་བཞིན་པའི་ཧྲང་ཧེའི་ཁྱིམ་ཚང་ཞིག་གི་མི་རབས་གཉིས་ཀྱི་མཚོ་བྱང་ཁུལ་གྱི་མཐོང་ཐོས་མྱོང་གསུམ་བརྒྱུད་དེ། བོད་སྨན་ཁང་གི་ལས་བྱེད་པ་ཚོའི་གཏོང་ཕོད་པའི་སྙིང་སྟོབས་དང་བོད་ལུགས་གསོ་རིག་གི་སྨན་བཅོས་བྱེད་ཐབས། བོད་ལུགས་གསོ་རིག་རིག་གནས་ཀྱི་ཡུན་རིང་གི་ཤུགས་རྐྱེན་བཅས་ལྟད་མོ་བ་ཚོའི་མིག་ལམ་དུ་མངོན་པར་བྱས་ཡོད།