2014ལོའི་མཐོ་རྒྱུགས་ལ་ཞུགས་མཁན་གྱི་སློབ་གྲོགས་ཡོངས་ལ་བཏང་བའི་བརྡ་སྦྱོར།

      རྒྱལ་ཡོངས་གཙོ་གནད་སློབ་ཆེན་ནན་ཅིན་ཆ་འཕྲིན་བཟོ་སྐྲུན་སློབ་ཆེན【南京信息工程大学】གྱིས2014ལོའི་མཚོ་སྔོན་ཞིང་ཆེན་གྱི་མཐོ་རིམ་སློབ་ཆེན་གྱི་སློབ་མ་བསྡུ་བའི་ཁྲོད་རླུང་ཁམས་ཆེན་མོའི་ཚན་རིག（大气科学）ཆེད་ལས་ཀྱི་སློབ་ཆེན་དངོས་གཞི་སློབ་མ5དམིགས་བཀར་གསོ་སྐྱོང(定向招收培养)བྱེད་རྩིས་ཡོད་ཅིང་། ཁྲིན་ཏུའུ་ཆ་འཕྲིན་བཟོ་སྐྲུན་སློབ་ཆེན【成都信息工程大学】གྱིས2014ལོའི་མཚོ་སྔོན་ཞིང་ཆེན་གྱི་མཐོ་རིམ་སློབ་ཆེན་གྱི་སློབ་མ་བསྡུ་བའི་ཁྲོད་རླུང་ཁམས་ཆེན་མོའི་ཚན་རིག（大气科学）ཆེད་ལས་དང་ཉེར་སྤྱོད་གནམ་གཤིས（应用气象）ཆེད་ལས།གློག་རྡུལ་ཆ་འཕྲིན་བཟོ་སྐྲུན（电子信息工程）ཆེད་ལས་བཅས་སློབ་ཆེན་དངོས་གཞི་སློབ་མ7དམིགས་བཀར་གསོ་སྐྱོང(定向招收培养)བྱེད་རྩིས་ཡོད།
      སློབ་མཐར་ཕྱིན་རྗེས་མཚོ་སྔོན་གྱི་གཞི་རིམ་གནམ་གཤིས་བརྟག་དཔྱད་ས་ཚུགས་ལ་ལས་བགོས་བྱེད་རྒྱུ་ཡིན། དེར་མ་ཟད་མཚོ་སྔོན་ཞིང་ཆེན་གནམ་གཤིས་བརྟག་དཔྱད་ཅུའུ་ཡིས་མི་རེ་རེར་ལོ་རེར་སྒོར6200ཡིས་སྦྱངས་འབྲས་ལེགས་ཐོན་གྱི་བྱ་དགའ་སྟེར་རྒྱུ་ཡིན། དེ་བས་ད་ལོར་མཐོ་རྒྱུགས་སུ་ཞུགས་པའི་སློབ་གྲོགས་ཚོའི་ཁྲོད་ན་མཚོ་སྔོན་གྱི་མ་འོངས་པའི་གནམ་གཤིས་ལས་དོན་ལ་ཐུགས་ཁུར་བྱེད་མཁན་ཡོད་ཚེ། སློབ་ཆེན་ལ་རེ་འདུན་ཞུ་ཡིག་མ་བྲིས་སྔོན་ལ་མཚོ་སྔོན་ཞིང་ཆེན་གནམ་གཤིས་བརྟག་དཔྱད་ཅུའུ་མི་དོན་ཁྲུའུ(人事处)ལ་འབྲེལ་གཏུག་བྱེད་རྒྱུ་མ་བརྗེད་ལགས།
འབྲེལ་གཏུག་ཁ་པར། 0971-6135202    6151373

མཚོ་སྔོན་ཞིང་ཆེན་གནམ་གཤིས་བརྟག་དཔྱད་ཅུའུ་ནས།
2014ལོའི་ཟླ་5བའི་ཚེས15ཉིན།