བོད་ཆཱང་དབྱེའི་རིག་གནས་ཐོན་ལས་ཁྱམས་རའི་ལས་གཞིའི་མཚོ་སྔོན་ཡུལ་རྒྱུད་ཀྱི་ལས་གཞི་མགོ་བརྩམས་པ།

　　ཟླ6འི་ཚེས10ཉིན། རྒྱལ་ཁབ་ཀྱི་བོད་ཆཱང་དབྱེ་བཅས་མི་རིགས་གསུམ་གྱི་རིག་གནས་ཐོན་ལས་ཁྱམས་རའི་མཚོ་སྔོན་ཡུལ་རྒྱུད་ཀྱི་ལས་གཞི་འགོ་བརྩམས་པའི་ཚོགས་འདུ་མཚོ་སྔོན་དུ་བསྡུས་པ་རེད། ལས་གཞིའི་ཁྲོད་མཚོ་སྔོན་ལ་ཁྱོན་བསྡོམས་རིག་གནས་ཐོན་ལས་ལས་གཞི23འཆར་བཀོད་བྱས་ཤིང་། སྤྱིའི་མ་དངུལ་སྒོར་དུང་ཕྱུར29.08བཏང་བ་རེད།
　　རྒྱལ་ཁབ་ཀྱི་བོད་ཆཱང་དབྱེ་བཅས་མི་རིགས་གསུམ་གྱི་རིག་གནས་ཐོན་ལས་ཁྱམས་རའི་ལས་གཞིའི་ཁྲོད་རྨ་ལྷོ་དང་། མཚོ་བྱང་། མཚོ་ལྷོ། མཚོ་ནུབ། མགོ་ལོག  ཡུལ་ཤུལ་བཅས་རང་སྐྱོང་ཁུལ་དྲུག་གི་རྫོང30དང་སྲིད་ཨུ3། དེ་མིན་མཚོ་ཤར་དང་ཟི་ལིང་གི་བོད་རིགས་ཡུལ་ཚོ་ཁག་ཅིག་བཅས་འདུས་པ་རེད།
　　ལས་གཞི་དེས་རྨ་ལྷོ་ཁུལ་དང་རྒྱལ་ཁབ་ཀྱིས་མཚན་གསོལ་བའི་རེབ་གོང་རིག་གནས་སྐྱེ་ཁམས་སྲུང་སྐྱོབ་ཚོད་ལྟའི་ས་ཁུལ་དེ་དཀྱིལ་སྙིང་དུ་བྱས་ནས། མཚོ་སྔོན་པོ་དང་རྨ་འབྲི་རྫ་གསུམ། རེབ་གོང་སྒྱུ་རྩལ་བཅས་བོད་ཀྱི་རིག་གནས་གཟེངས་སུ་ཐོན་པར་བྱས་པར་བརྒྱུད། བོད་ཁམས་ཀྱི་རིག་གནས་ཐོན་ཁུངས་དེ་ཐོན་ལས་སུ་བསྒྱུར་བ་དེ་དམིགས་ཡུལ་དུ་གྲུབ་པ་རེད།