དཔའ་རིས་མི་རིགས་སློབ་འབྲིང་གིས་དགེ་རྒན་དུས་ཆེན་གྱི་བྱ་འགུལ་སྤེལ་བ།

དཔའ་རིས་མི་རིགས་སློབ་འབྲིང་གིས་དགེ་རྒན་དུས་ཆེན་གྱི་བྱ་འགུལ་སྤེལ་བ།

        ཟླ9བའི་ཚེས8ཉིན། ཀན་སུའུ་ཞིང་ཆེན་དཔའ་རིས་རྫོང་མི་རིགས་སློབ་འབྲིང་གི་དགེ་སློབ་ཡོངས་སློབ་རའི་རིག་གནས་ཐང་ཆེན་དུ་འཛོམས་ཏེ་ཐེངས28པའི་དགེ་རྒན་གྱི་དུས་ཆེན་ལ་རོལ། ཉིན་འདིར་སློབ་གྲྭས་ད་དུང་རྫོང་གི་བྱ་དགའི་རོགས་དངུལ་དང་རང་གྲབས་མ་དངུལ་སོགས་བསྡོམས་པས་ཁྲི10ལྷག་གིས་དགེ་སློབ་རྣམས་ལ་དགའ་རྟགས་སུ་གནང་། 
        དགེ་རྒན་རིན་ཆེན་མཚོ་ནི་དཔའ་རིས་མི་རིགས་སློབ་འབྲིང་གི་དགེ་རྒན་ཞིག་ཡིན་ལ། མོས་མི་རིགས་དགེ་ཐོན་སློབ་གྲྭ་དང་མི་རིགས་སློབ་འབྲིང་དུ་སློབ་གསོ་སློབ་ཁྲིད་ཀྱི་བྱ་བ་ལོ་མང་པོར་གཉེར་མྱོང་ཞིང་། འབད་པ་ལྷོད་མེད་ཀྱིས་རང་གི་སློབ་གསོའི་ལས་གནས་སུ་གཞོལ་བས། ཐེངས་འདིའི་དགེ་རྒན་དུས་ཆེན་གྱི་བྱ་འགུལ་དུ་ཁོ་མོ་ནི་ཕུལ་བྱུང་དགེ་རྒན་གྱི་གྲས་སུ་ཚུད་པ་དང་། མོའི་སློབ་མ་གཉིས་ཀྱང་ད་ལོར་ཀྲུང་དབྱང་མི་རིགས་སློབ་གྲྭ་ཆེན་མོར་རྒྱུགས་འཕྲོད་ཡོད་དེ། འདི་ནི་དཔའ་རིས་མི་རིགས་སློབ་འབྲིང་གིས་ཐེངས28པའི་དགེ་རྒན་གྱི་དུས་ཆེན་ལ་རྟེན་འབྲེལ་ཞུ་བའི་དུམ་ཚན་དུ་སྣང་།
        སློབ་གྲྭ་འདིས་སློབ་གྲྭའི་དོ་དམ་མི་ཆོས་ཅན་དང་།  རྒྱབ་འདེགས་དོ་དམ་སྤྱི་ཚོགས་ཅན།  བཅའ་སྡོད་དོ་དམ་ཚད་ལྡན་ཅན། སྒྱུ་རྩལ་སློབ་གསོ་ཁྱད་འཕགས་ཅན།  སློབ་གསོའི་བྱ་ཐབས་ཆ་འཕྲིན་ཅན་བཅས་ཅན་བཞིའི་འཛུགས་སྐྲུན་དམིགས་ཡུལ་དུ་བཟུང་སྟེ། རང་སྟེང་ནས་བརྩོན་པ་གང་ལེགས་ཀྱིས་སྤྱི་ཚོགས་ལས་རིགས་སོ་སོའི་རྒྱབ་སྐྱོར་ལ་བརྟེན་ནས་མུ་མཐུད་དུ་གསར་གཏོད་ཀྱི་ལམ་བུར་སྙེག་ཅིང་ཞིང་ཆེན་ཡོངས་སུ་ཆེས་ཕུལ་དུ་བྱུང་བའི་མི་རིགས་བཅའ་སྡོད་སློབ་གྲྭ་ཞིག་ཏུ་བསྒྱུར་བར་བརྩོན་པ་རེད།