སྐབས་བདུན་པའི་གཏན་ཚིགས་རིག་པའི་ཞིབ་འཇུག་དང་གྲོས་བསྡུར་ཚོགས་འདུ་ལྷོ་ནུབ་མི་རིགས་སློབ་གླིང་དུ་ཚོགས།

         ཉེ་ལམ།  སྐབས་བདུན་པའི་གཏན་ཚིགས་རིག་པའི་ཞིབ་འཇུག་དང་གྲོས་བསྡུར་ཚོགས་འདུ་ལྷོ་ནུབ་མི་རིགས་སློབ་གླིང་དུ་ཚོགས་པ་དང་།   ཀྲུང་གོའི་མི་དམངས་སློབ་ཆེན་དང་ཀྲུང་དབྱང་མི་རིགས་སློབ་ཆེན། བོད་ལྗོངས་སློབ་ཆེན། མཚོ་སྔོན་སློབ་ཆེན། སི་ཁྲོན་མི་རིགས་སློབ་གླིང་ནས་ཕེབས་པའི་གཏན་ཚིགས་རིག་པའི་ཆེད་མཁས་པ་རྣམས་ཚོགས་འདུར་ཞུགས་ཡོད་པ་རེད། 
         ཞིབ་འཇུག་གྲོས་བསྡུར་ཚོགས་འདུ་ནི་ལྷོ་ནུབ་མི་རིགས་སློབ་ཆེན་གྱི་སློབ་གཙོ་གཞོན་པ་ཧྲ་མ་ལ་ཡིས་མདོ་འཛིན་གནང་ཞིང་། ཏང་ཨུ་ཧྲུའུ་ཅི་ནོར་བུ་རྒྱལ་མཚན་གྱིས་ལྷོ་ནུབ་མི་རིགས་སློབ་ཆེན་གྱིས་གཏན་ཚིགས་རིག་པ་སློབ་ཁྲིད་བྱས་པའི་གནས་ཚུལ་ངོ་སྤྲོད་བྱས། མཛད་སྒོའི་མཇུག་སྒྲིལ་རྗེས་ཆེད་མཁས་པ་རྣམས་ཀྱིས་གཏན་ཚིགས་རིག་པའི་གནས་བབ་དང་སློབ་ཆེན་སློབ་ཁྲིད་དུ་གཏན་ཚིགས་རིག་པའི་ཁྲིད་ཐབས་བཅས་ལ་གྲོས་བསྡུར་གནང་བ་རེད།