བོད་ལྗོངས་ཁིར་གཏེར་དང་ཟངས་གཏེར་བསགས་ཚད་རྒྱལ་ཡོངས་ཨང་དང་པོ་ཡིན་པ།

　　གསར་འགོད་པས་བོད་རང་སྐྱོང་ལྗོངས་རྒྱལ་ཁབ་ཞིང་སའི་ཐོན་ཁུངས་ཐིང་ནས་ཤེས་གསལ་ལྟར་ན། ད་ལྟའི་བར་དུ་བོད་ལྗོངས་ཀྱིས་གཏེར་ཁུངས་དང་གཏེར་ས། གཏེར་འགྱུར་གནས༣༠༠༠རྙེད་པ་དང་། དེའི་ནང་དུ་གཏེར་རིགས་༡༠༢ཡོད། གཏེར་རྫས་ཐོན་ཁུངས་གསོག་འཇོག་བྱས་པའི་ནང་དུ་གཏེར་རྫས་རིགས་༡༢རྒྱལ་ཡོངས་ཀྱི་ཨང་ལྔ་པའི་གྲས་དང་། རིགས༡༨ཨང་བཅུ་པའི་གྲས་སུ་ཚུད་པ་མ་ཟད། དེའི་ནང་དུ་ཁིར་གཏེར་དང་ཟངས་གཏེར་རིགས་གསོག་འཇོག་བྱས་པ་སོ་སོར་རྒྱལ་ཡོངས་ཀྱི་ཨང་དང་པོ་ཡིན།
　　ཤེས་གསལ་ལྟར་ན། བོད་ལྗོངས་གཏེར་རྫས་ཐོན་ཁུངས་ཀྱི་མི་མངོན་པའི་རིན་ཐང་སྒོར་དུང་ཕྱུར༦༠༠༠ཡན་ཡོད། མིག་སྔར་བོད་ལྗོངས་ཀྱིས་བོད་ལྗོངས་ཀྱི་གཏེར་རྫས་ཐོན་ཁུངས་ལེགས་ཤོས་ཁྱབ་སྟངས་ཀྱི་ཆོས་ཉིད་གཞིར་བྱས་ཏེ། གཏེར་ལས་དཔལ་འབྱོར་འཕེལ་རྒྱས་ཁུལ་གཙོ་བོ༩ཙམ་དུ་ཐོག་མར་དབྱེ་བ་དང་། དེའི་ནང་དུ་གཡུ་ལུང་ཟངས་གཏེར་གཙོ་བྱས་པའི་བོད་ཤར་ཁུལ་གྱི་གཏེར་ལས་དཔལ་འབྱོར་འཕེལ་རྒྱས་ཁུལ་དང་། བོད་དབུས་ཁུལ་གྱི་མལ་གྲོ་གུང་དཀར་རྒྱུད་ཀྱི་རྒྱ་མ་དང་། ཆོས་ལུང་གཙོ་བྱས་པའི་ཟངས་དང་། ཞ། ཏི་ཚ་སོགས་ལྕགས་རིགས་གཏེར་ལས་ཀྱི་དཔལ་འབྱོར་འཕེལ་རྒྱས་ཁུལ། མཚོ་ཆེན་རྒྱུད་ཀྱི་ཉི་གཞུང་ལྕགས་གཏེར་གཙོ་བྱས་པའི་གཏེར་ལས་དཔལ་འབྱོར་འཕེལ་རྒྱས་ཁུལ་བཅས་ཚུད་ཡོད་པ་རེད།