༄༅།།བོད་ལྗོངས་ཀྱིས་ལོ་ངོ་དུ་མའི་རིང་ལ་ས་འོག་ཏུ་གཟིམ་པའི་ཆུ་མིག་བཏོན་པ་རེད།

   ཚེས་༢༩ཉིན་པེ་ཅིང་དུ་བོད་རང་སྐྱོང་ལྗོངས་ས་གཤིས་དང་གཏེར་ཁུངས་རྩད་ཞིབ་འདོན་སྤེལ་ཅུད་ཀྱི་ཅུད་ཀྲང་ངམ་ཀྲུང་གོའི་བཟོ་སྐྲུན་སློབ་གླིང་གི་འགོ་གཙོ་རྡོ་རྗེ་ཡིས་འདི་སྐད།  བོད་ལྗོངས་ཀྱི་ལྷ་སའི་ཉེ་འཁོར་དང་། མཚོ་བོད་ལྕགས་ལམ་གྱི་རྒྱུད་བཅས་སུ་མཐོང་དཀོན་པའི་འཁྱག་རོམ་གྱི་ཆུ་མིག་མང་པོ་ཞིག་ཡོད་ཅིང་།  བོད་ལྗོངས་ས་ཁུལ་ལ་མཚོན་ན་གཏེར་ཁ་ཕུན་སུམ་ཚོགས་པའི་རྐྱེན་གྱིས་ས་ཁུལ་དེའི་ཆུ་མིག་དག་གི་ནང་དུ་ཧ་ཅང་དཀོན་པའི་གྲུབ་རྫས་ཀྱི་རྒྱུ་འདུ་ཞིང་།   ཆུ་མིག་དེ་རྣམས་ནི་ད་ལྟ་འཛམ་གླིང་གི་ཆུ་མིག་གི་ནང་ནས་ཧ་ཅང་དཀོན་པའི་རིགས་ཤིག་ཡིན་ཅེས་འགྲེལ་བཤད་བརྒྱབ་པ་རེད།
  ཤེས་རྟོགས་བྱུང་བ་ལྟར་ན།  སྔོན་ཆད་ཚན་རྩལ་ལས་བྱེད་པས་གཉན་ཆེན་ཐང་ལྷ་ལའི་ལྷོ་ངོས་ཀྱི་ས་བབ་ཀྱི་མཐོ་ཚད་ལ་སྨི་༥༡༠༠ཡོད་པའི་སར་ལིས་དང་སི་ལ་སོགས་པའི་རྫས་འགྱུར་འདྲེས་སྦྱོར་ཅན་གྱི་འཁྱག་རོམ་གྱིས་བསྐྱེད་པའི་ཆུ་མིག་རྙེད་ནས་འཛམ་གླིང་གི་མཆོག་ཏུ་གྱུར་བའི་ཆུ་མིག་གི་འབྱུང་གནས་ཤིག་ཡིན་པའི་སྡོམ་ཚིག་བཞག་པ་རེད།  འདི་ནི་ད་ལྟའི་བར་ལྷ་སར་མཚོན་ན་ཚོང་འགུགས་པའི་རྣམ་གྲངས་ཧ་ཅང་ཆེན་པོ་ཞིག་ཡིན།