མཚོ་ལྷོ་ཁུལ་གྱིས་ཟི་ལིང་དུ་རིམས་འགོག་དངོས་རྫས་བསྐྱལ།

        ཟླ4པའི་ཚེས18ཉིན། མཚོ་ལྷོ་ཁུལ་གྱིས་ཟི་ལིང་གྲོང་ཁྱེར་ལ་རིམས་འགོག་དངོས་ཟོག་གི་རོགས་སྐྱོར་བྱས་པ་དང་། རོགས་སྐྱོར་དངོས་ཟོག་ཁྲོད་གཙོ་བོ་སྐམ་ཤ་དང་ལུག་ཤ། འོ་མ། སྐོམ་ཆུ་དང་འཐུང་ཆུ། སྔོ་ཚལ་སོགས་ཁྱོན10500ཡོད་པ་དང་། སྤྱིའི་རིན་ཐང་སྒོར་འབུམ8དང་སྟོང1ཟིན། དངོས་ཟོག་འདི་དག་དེ་རིང་ཉིན་གུང་ཟི་ལིང་གྲོང་ཁྱེར་ལ་འབྱོར་རྒྱུ་རེད།

        ད་ཐེངས་ཀྱི་ཞལ་འདེབས་ནི་མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བློ་བརྟན་འགྱུར་མེད་ཀྱི་མགོ་ཁྲིད་དང་ཚན་རིག་དང་མཐུན་པའི་སྒྲིག་བཀོད་འོག མཚོ་ལྷོ་ཁུལ་གྱིས་རིམས་ནད་འགོག་བཅོས་ཀྱི་སྙིང་སྟོབས་དར་སྤེལ་གང་ལེགས་བཏང་ནས། ཕྱོགས་གཅིག་ལ་དཀའ་ངལ་ཡོད་ན་ཕྱོགས་བཞི་མཚམས་བརྒྱད་ནས་རོགས་སྐྱོར་བྱེད་པའི་བརྩེ་སེམས་དྲོན་མོ་མངོན་པར་བྱས་པ་མ་ཟད། ཟི་ལིང་གྲོང་ཁྱེར་གྱི་རིམས་འགོག་ཚོད་འཛིན་གྱི་འགག་སྒྲོལ་དམག་འཐབ་ལ་ཕན་ཚུན་ལྟ་རྟོག་དང་། ཕྱར་བ་གྲུ་འདེགས་བྱེད་པའི་ཞིབ་ཕྲའི་བྱ་སྤྱོད་ཅིག་ཀྱང་རེད། ཁུལ་ཏང་ཨུའི་ཧྲུའུ་ཅི་ལུའི་ཀང་གིས་རོགས་སྐྱོར་དངོས་ཟོག་དྲུད་པའི་རླངས་འཁོར་གཏོང་བའི་མཛད་སྒོའི་ཐོག་ཤིས་ཚིག་ཕུལ་བ་དང་འབྲེལ། མཚོ་ལྷོ་ཁུལ་གྱི་མི་རིགས་ཁག་གི་སྤུན་ཟླ་འབུམ4དང་ཁྲི4སྟོང7གྱིས་ཟི་ལིང་གྲོང་ཁྱེར་སྔ་མོ་ནས་ནད་ཡམས་ལས་རྣམ་པར་རྒྱལ་བར་སེམས་པ་འཕྲེང་བཞིན་ཡོད་ལ་རྒྱབ་སྐྱོར་བརྟན་པོ་གནང་སྲིད་ཅེས་བརྗོད།