༄༅། །ཏུན་ཧོང་སྒྱུ་རྩལ་འགྲེམས་སྟོན་ཆེན་མོ་རྒྱལ་ས་པེ་ཅིང་ནས་བསྡུས།

        ཟླ8ཚེས30ཉིན། “ཤེས་དཔལ་གྱི་རྟགས་ཐམ་སྟེ་ཏུན་ཧོང་སྒྱུ་རྩལ་འགྲེམས་སྟོན་ཆེན་མོ”དེ་པེ་ཅིང་དམངས་འཚོའི་དེང་རབས་མཛེས་རྩལ་ཁང་དུ་གཉེར་བ་རེད། འགྲེམས་སྟོན་དེས“ཏུན་ཧོང་གི་དཔེ་མཚོན་སྒྱུ་རྩལ”དང་། “བཀའ་བསྟན་བྲག་ཕུག་གི་ཆེད་དོན་བརྗོད་གཞི།” “1940ལོ་ནས་བཟུང་ཏུན་ཧོང་སྒྱུ་རྩལ་གྱི་འབྲི་ཐབས་དང་སྙིང་སྟོབས”བཅས་བརྗོད་དོན་ཆེན་པོ་གསུམ་ནས་འགོ་བཙུགས་ཏེ་བྲག་ཕུག8འདྲ་བཟོ་བྱས་པ་སྟེ་འགྲེམས་སྟོན་བྱས་པ་དང་། རིག་དངོས་དང་འདྲ་དཔེ། དེང་རབས་སྒྱུ་རྩལ་མཁས་ཅན་གྱི་གསར་རྩོམ་སོགས་བརྩམས་ཆོས280ལྷག་ཙམ་ཡོད་ཅིང་། དེའི་ཐོག་ནས་བྲག་ཕུག་སྒྱུ་རྩལ་གྱི་ཉམས་འགྱུར་སླར་ཡང་མངོན་པ་མ་ཟད། ཏུན་ཧོང་རིག་པའི་ཤོང་ཡངས་རྒྱ་ཆེ་དང་ཏུན་ཧོང་སྒྱུ་རྩལ་གྱི་དེང་རབས་ཀྱི་གསོན་ཤུགས་བཅས་མངོན་པར་མཚོན་ཡོད།