ཕོ་བྲང་པོ་ཏ་ལ་ཕྱི་ཕྱོགས་སུ་སྒོ་ཕྱེ།

       ཟླ12པའི་ཚེས6ཉིན་གྱི་དགོང་མོར། ལྷ་ས་གྲོང་ཁྱེར་གྱི་རིམས་ནད་ལས་དོན་ཁ་གཏད་མགོ་ཁྲིད་ཚན་ཆུང་གཞུང་ལས་ཁང་གིས་རིམས་ནད་འགོག་སྡོམ་ལེགས་སྒྲིག་བྱས་པའི་འབྲེལ་ཡོད་བྱེད་ཐབས་ཞིབ་ཕྲ་ཁྱབ་སྒྲོག་བྱས་ཏེ། མི་ཚོགས་འདུ་ས་རྒྱུན་ལྡན་ངང་ཕྱི་ཕྱོགས་སུ་སྒོ་འབྱེད་རྒྱུ་དང་། བོད་ལྗོངས་སུ་ཡོང་མཁན་དག་གིས་ཡར་ཞུ་བྱེད་མི་དགོས་ལ། བོད་ལྗོངས་སུ་ཁ་འབྲལ་དགོས་ན་ཆོག་མཆན་ཐོབ་མི་དགོས་པ་སོགས་ཀྱི་བྱེད་ཐབས14བཏོན་ཡོད་པར་མ་ཟད། གཞན་ཡང་སྤྱི་གླིང་དང་མཛེས་ལྗོངས་ཁུལ་བཅས་ཀྱི་མི་ཚོགས་འདུ་ས་རྒྱུན་ལྡན་ངང་ཕྱི་ཕྱོགས་སུ་སྒོ་ཕྱེ་ནས། ཟ་ཁང(ཇ་ཁང)བཅས་སུ་བདག་གཉེར་རང་བཞིན་གྱི་བྱ་འགུལ་སླར་གསོ་བྱས་ཤིང་། མི་ཚོགས་འདུ་སར་འགྲོ་སྐབས་ཨང་རིས་ལ་བལྟ་དགོས་པ་སོགས་ཀྱི་གཏན་འཁེལ་གསལ་པོར་བྱས་ཡོད།