ཞིབ་འཇུག་སློབ་མའི་རྒྱུཊ་གཞིར་གདགས་གཤིས་ཅན་གྱི་རྒྱུཊ་ར་འཛུཊ་རྒྱུ།

       ཉེ་ཆར། སློབ་གསོ་པུའུ་དང་། རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན། རྒྱལ་ཁབ་ནད་ཡམས་ཚོད་འཛིན་ཅུའུ་བཅས་ཀྱིས2023ལོའི་རྒྱལ་ཡོངས་ཀྱི་ཞིབ་འཇུག་སློབ་མའི་སློབ་བསྡུའི་ཡིག་རྒྱུགས་ཚོ་ཆུང་གི་ཡིག་རྒྱུགས་དང་རིམས་འགོག་བྱ་བར་ཆེད་དོན་བཀོད་སྒྲིག་བྱས་པ་མ་ཟད་ད་དུང་འབྲེལ་ཡོད་གནད་དོན་ལ་དམིགས་ནས་གསར་འགོད་པའི་དྲི་བར་ལན་བཏབ་པ་རེད།
       དྲིས་ལན། རྒྱུགས་རའི་བཀོད་སྒྲིག་ཐད་རྒྱ་ཆེའི་རྒྱུགས་སྤྲོད་སློབ་མ་དང་ཡིག་རྒྱུགས་ལས་བྱེད་མི་སྣའི་ལུས་ཕུང་བདེ་ཐང་དང་ཚེ་སྲོག་བདེ་འཇགས་འགན་སྲུང་ཏན་ཏིག་བྱས་ནས་རིགས་སོ་སོའི་རྒྱུགས་སྤྲོད་སློབ་མའི་ཚོགས་སྤྱི་བདེ་བླག་ངང་ཡིག་རྒྱུགས་ནང་ཞུགས་རྒྱུ་འགན་སྲུང་བྱེད་དགོས་ཞེས་ངོ་སྤྲོད་བྱས། ས་གནས་སོ་སོས་ཚན་རིག་དང་མཐུན་ཞིང་གནད་ལ་འཁེལ་བའི་ངང་རྒྱུགས་སྤྲོད་སློབ་མའི་ཚོགས་སྤྱི་ལ་རིགས་དབྱེ་ནས། “རིགས་གཅིག་ལ་སྲིད་ཇུས་གཅིག”གི་རྒྱུགས་ལེན་བྱེད་སྟངས་ཀྱི་རིམས་འགོག་བླང་བྱ་གཞིར་བཟུང་སྟེ། ཚན་རིག་དང་མཐུན་པའི་སྒོ་ནས་རྒྱུགས་ལེན་ཁུལ་དང་ཆེད་སྤྱོད་བགྲོད་ལམ་གཏན་འཁེལ་བྱེད་པ་དང་། དོན་དངོས་དང་ཟུང་འབྲེལ་བྱས་ཏེ་དམིགས་འབེན་ཡོད་པའི་སྒོ་ནས་ཉིང་སྐྱུར་གདགས་གཤིས་ཀྱི་རྒྱུགས་ར་བཀོད་སྒྲིག་བྱེད་པ་དང་། ཉིང་སྐྱུར་གདགས་གཤིས་ཀྱི་རྒྱུགས་ར་དང་དེ་བཞིན་ལུས་པོའི་དྲོད་ཚད་རྒྱུན་གཏན་མིན་པ་སོགས་གློ་བུར་བྱུང་བའི་རྒྱུན་ལྡན་མིན་པའི་གནས་ཚུལ་གྱི་འཕྲལ་སྡོམ་ཐག་གཅོད་རྒྱུགས་ར་སོགས་བཀོད་སྒྲིག་བྱེད་དགོས། ཞིབ་ཕྲའི་ཇུས་གཞི་དེ་ཁོངས་གཏོགས་ཀྱི་དོན་དངོས་དང་ཟུང་འབྲེལ་བྱས་ནས་བཟོ་དགོས།
       2023ལོའི་རྒྱལ་ཡོངས་ཀྱི་ཞིབ་འཇུག་སློབ་མའི་སློབ་བསྡུའི་ཡིག་རྒྱུགས་དེ2022ལོའི་ཟླ12པའི་ཚེས24ནས་ཚེས26ཉིན་བར་ལེན་རྒྱུ་རེད།