མཚོ་བོད་ས་མཐོའི་ཡི་གེ་མ་བྱུང་གོང་གི་འཚོ་བ་ཇི་ལྟར་ཡིན་ནམ།

       བོད་ལྗོངས་གནའ་རྫས་རྟོག་ཞིབ་གྲུབ་འབྲས་ཡོངས་བསྒྲགས་ཚོགས་འདུའི་ཐོག་རིགས་གཅིག་མཁས་པས་ཚན་རྩལ་གྱི་རིག་ཚན་མང་པོ་སྣོལ་སྡེབ་ཐོག་ཞིབ་འཇུག་བྱེད་པའི་ལག་རྩལ་སྤྱད་དེ་མཚོ་བོད་ས་མཐོའི་ཡི་གེ་མ་བྱུང་གོང་གི་ལོ་རྒྱུས་ཐོག་མིའི་རིགས་འཚོ་སྡོད་བྱེད་མྱོང་བའི་གསོན་ཉམས་དོད་པའི་རྣམ་པ་མངོན་པར་བྱས་ཡོད།        ཧོ་པེ་དགེ་འོས་སློབ་ཆེན་ལོ་རྒྱུས་རིག་གནས་སློབ་གླིང་གི་དགེ་རྒན་ཆེ་མོ་བ་ཐང་ཧུའེ་ཧྲེང་གིས། རིག་གནས་འདི་ཁྱབ་སྤེལ་དང་སྤེལ་རེས་བྱས་པ་དེས་ས་མཐོའི་དར་གོས་ལམ་བུར་གསལ་འགྲེལ་བྱེད་པའི་ཐད་གནའ་རྫས་རྟོག་ཞིབ་རིག་པའི་དོན་དངོས་ཀྱི་དཔང་རྟགས་སྔར་ལས་མང་བ་མཁོ་འདོན་ཐུབ་ཡོད་ཅེས་གསུངས།        བོད་རང་སྐྱོང་ལྗོངས་རིག་དངོས་སྲུང་སྐྱོབ་ཞིབ་འཇུག་ཁང་གི་འགོ་འཛིན་ལི་ལིན་ཧུའེ་ཡིས། ང་ཚོ་ཀྲུང་ཧྭ་མི་རིགས་སྣེ་མང་གཞི་གཅིག་ཡིན་པའི་ངོས་ནས་བཤད་ན། ཐང་སུང་དང་བོད་བཙན་པོའི་དུས་སྐབས་ཀྱི་སྤྱི་ཚོགས། ཆབ་སྲིད། དཔལ་འབྱོར། རིག་གནས་སོགས་ཕྱོགས་གང་ས་ཅི་ཐད་ལ་རྒྱུས་ལོན་ཇི་ལྟར་བྱེད་དགོས་པ་དང་། ཀྲུང་དབྱང་སྲིད་གཞུང་གིས་བོད་ལྗོངས་ཇི་ལྟར་བཅོས་སྐྱོང་བྱེད་པ་སོགས་བརྗོད་གཞི་ཆེ་གྲས་ལྔར་དམིགས་ནས་ཁྱོན་ཚོགས་པ་བཅུ་གྲངས་ཁ་ཤས་དང་ད་དུང་ཚན་ཞིབ་ལས་ཁུངས་ནས་ཐུན་མོང་ཐོག་ བོད་ལྗོངས་ཀྱི་གནའ་རྫས་རྟོག་ཞིབ་རིག་པའི་འབྲེལ་ཡོད་ཞིབ་འཇུག་ལས་དོན་ནང་ཞུགས་ཡོད་ཅེས་གསུངས།