“རྨ་གཡང་རྟགས་མའི”ལྷུག་རྩོམ་འགྲན་བསྡུར།

       ཞི་ཅིན་ཕིང་གི་ཁྲིམས་སྐྱོང་དགོངས་པར་སློབ་སྦྱོང་ནན་ཏན་དང་ལག་ལེན་མཐར་ཕྱིན་བྱེད་པ་དང་། བསྟུད་མར་འགྲིམ་འགྲུལ་ཁྲིམས་སྐྱོང་འཛུགས་སྐྲུན་ལེགས་པོར་སྤེལ་ཏེ། ཆུ་ཚད་མཐོ་བའི་ཁྲིམས་སྐྱོང་ཞབས་ཕྱིས་འགྲིམ་འགྲུལ་སྐྱེལ་འདྲེན་གྱི་སྤུས་ཚད་མཐོ་བའི་འཕེལ་རྒྱས་ལ་འགན་སྲུང་བྱེད་པ་རྒྱུན་འཁྱོངས་དང་། བདེ་འཇགས་མཚོ་སྔོན་འཛུགས་སྐྲུན་བྱ་ཆེད། ངེད་མཚོ་སྔོན་བོད་སྐད་རླུང་འཕྲིན་དང་མཚོ་སྔོན་བོད་ཡིག་ཁྲིམས་སྐྱོང་ཚགས་པར་གཉིས་ཀྱིས་གཙོ་སྒྲུབ་དང་། མགོ་ལོག་ཁུལ་རྨ་ཆེན་རྫོང་རྨ་གཡང་རླངས་འཁོར་ཁ་ལོ་བའི་སློབ་གྲྭས་རོགས་སྒྲུབ་བྱས་པའི“རྨ་གཡང་རྟགས་མའི”རྒྱལ་ཡོངས་བོད་ཀྱི་ལྷུག་རྩོམ་འགྲན་སྡུར་ཞིག་སྤེལ་འཆར་ཡོད་པས་ནང་དོན་དང་ཆ་རྐྱེན་གཤམ་གསལ་ལྟར།
       གཅིག ད་ལོ་ནི«འགྲིམ་འགྲུལ་བདེ་འཇགས་བཅའ་ཁྲིམས»ལག་བསྟར་བྱས་ནས་ལོ་ངོ་ཉི་ཤུ་འགོར་བའི་ལོ་ཡིན་པ་དང་། རྒྱ་ཆེའི་མི་དམངས་མང་ཚོགས་ཀྱི་གཞུང་ལམ་འགྲིམ་འགྲུལ་བདེ་འཇགས་ཀྱི་འདུ་ཤེས་མཐོར་འདེགས་དང་། བདེ་འཇགས་ཡར་སྐུལ་ཐད་ནུས་པ་འདོན་པ། འགྲིམ་འགྲུལ་དོན་རྐྱེན་འབྱུང་བར་སྔོན་འགོག་བྱེད་པར་མཐུན་རྐྱེན་བསྐྲུན་པར་དམིགས་ཏེ། ཐེངས་འདིའི་ལྷུག་རྩོམ་གྱི་བརྗོད་བྱ་ནི་འགྲིམ་འགྲུལ་བདེ་འཇགས་ཀྱི་ཕྱོགས་ཡིན་དགོས།
       གཉིས། བརྗོད་བྱ་འབུར་དུ་ཐོན་པ་དང་ནང་དོན་གྱི་ཐད་ནས་ཏང་གི་ལམ་ཕྱོགས་དང་སྲིད་ཇུས། བྱེད་ཕྱོགས་བཅས་དང་མཐུན་དགོས་ཤིང་། བརྗོད་བྱེད་གནད་ལ་འཁེལ་བ། ཚིག་སྦྱོར་བབ་ཆགས་ཤིང་། སྒྱུ་རྩལ་གྱི་ཁྱད་ཆོས་ལྡན་པ། འཚོ་བའི་མྱོངས་པ་ཟབ་མོ་དང་བསྟུན་ཏེ། དངོས་ཡོད་གཏམ་རྒྱུད་གཞིར་བཟུང་ནས་བྲི་དགོས་ཤིང་། ཡིག་འབྲུ800ལས་བརྒལ་མི་ཆོག
       གསུམ། འགྲན་སྡུར་གྱི་ཁ་གཏད་ཡུལ། སྤྱི་ཚོགས་ལས་རིགས་སོ་སོའི་རྩོམ་རིག་ལ་མོས་པ་ཡོད་པའི་རྩོམ་པ་པོ།
       བཞི། བྱེད་སྒོ་སྤེལ་བའི་དུས་ཚོད། 2024ལོའི་ཟླ6པའི་ཚེས1ཉིན་ནས་བཟུང་། 2024ལོའི་ཟླ12པའི་ཚེས2ཉིན་གྱི་བར་དུ་ཡིན།
       ལྔ། བྱ་དགའི་རྣམ་གྲངས།
       ཨང་དང་པོ་གཅིག གཟི་བརྗིད་དཔང་ཡིག་དང་སྒོར3000ཡིན།
       ཨང་གཉིས་པ་གཉིས། གཟི་བརྗིད་དཔང་ཡིག་དང་སྒོར2000རེ་ཡིན།
       ཨང་གསུམ་པ་གསུམ། གཟི་བརྗིད་དཔང་ཡིག་དང་སྒོར1000རེ་ཡིན།
       ཕུལ་བྱུང་བརྩམས་ཆོས་ལྔ་ཡོད། བྱ་དགའ་ལ་གཟི་བརྗིད་དཔང་ཡིག་རེ་ཡོད།
       དྲུག ཐོག་མའི་བདམས་ཐོན་བྱུང་བའི་ཕུལ་བྱུང་བརྩམས་ཆོས་དག་མཚོ་སྔོན་བོད་སྐད་རླུང་འཕྲིན་གྱི«འགྲུལ་བཞུད་ལམ་སྟོན»གྱི་གཟའ་འཁོར་རེའི་གཟའ་སྤེན་པའི་ཉིན་མོའི་ལེ་ཚན་དུ་གྱེར་ཀློག་བྱེད་པ་དང«མཚོ་སྔོན་བོད་ཡིག་ཁྲིམས་སྐྱོང་ཚགས་པར»སྟེང་དུ་གཟའ་འཁོར་རེའི་གཟའ་པ་སངས་ཉིན་དགོད་རྒྱུ་ཡིན། དེ་མིན་ལས་ཁུངས་གཉིས་ཀྱི་སྐད་འཕྲིན་སྤྱི་སྟེགས་སྟེང་དུའང་དགོད་རྒྱུ་ཡིན།
       བདུན། བརྩམས་ཆོས་སྐུར་ཡུལ། རྩོམ་སྒྲིག་པའི་སྐད་འཕྲིན་སྦྲེལ་ནས་རྩོམ་ཡིག་བསྐུར་དགོས། བརྩམས་ཆོས་ཀྱི་མཇུག་ཏུ་རུས་མིང་དང་། འབྲེལ་གཏུགས་ཨང་གྲངས། ལས་ཁུངས་སོགས་ཀྱི་མིང་གསལ་པོར་དགོད་དགོས།
འབྲེལ་གཏུག་བྱ་ཡུལ།
       སྟོབས་ལྡན་རྒྱལ། 18797366383 
       སྐད་འཕྲིན། 610117993
       ནམ་མཁའ་ཚེ་རིང་། 18897143623
       སྐད་འཕྲིན། 18897143623