བྱིས་པར་གཅར་རྡུང་མི་བྱེད་པའི་སློབ་གསོ་གཏོང་སྟངས་བཟང་པོ།

    གཅིག  བྱིས་པར་རྒྱུས་ལོན་ཅི་ཐུབ་བྱེད་པ།

    ཁྱིམ་ལས་ཙག་ཙིག་ལ་བྲེལ་བའི་དུས་མཚུངས་སུ། ཁྱིམ་བདག་གིས་ཁོམ་པ་བཙལ་ཏེ་བྱིས་པར་རྒྱུས་ལོན་བྱེད་པ་དང༌།  བྱིས་པ་དང་མ་མ།  བྱིས་པའི་དགེ་རྒན་བཅས་ལ་འབྲེལ་འདྲིས་མང་པོ་བྱས་ནས་བུ་བཅོལ་ཁང་དང་ཁྱིམ་ཚང་དུ་བྱིས་པའི་རྣམ་འགྱུར་ལ་ཕྱོགས་ཡོངས་ནས་རྒྱུས་ལོན་ཅི་ཐུབ་བྱེད་དགོས། བྱིས་པར་རྒྱུས་ལོན་མང་པོ་བྱས་ནས་གོ་ལོག་ཉུང་ཙམ་ཐེབས་པ་བྱེད་དགོས།

    གཉིས།  སློབ་གསོ་གཏོང་བའི་ཤེས་བྱ་བསྡུ་ལེན་བྱེད་པ།

    སྤྱི་ཚོགས་འཕོ་འགྱུར་འབྱུང་བཞིན་ཡོད་པའི་སྐབས་འདིར་བྱིས་པ་འཚར་ལོངས་འབྱུང་སའི་ཁོར་ཡུག་ཀྱང་འཕོ་འགྱུར་འབྱུང་བཞིན་འདུག་པས།  ང་ཚོས་སློབ་གསོའི་བྱེད་སྟངས་ཀྱང་རྒྱུན་ཆད་མེད་པར་དེ་དང་བསྟུན་ནས་ཇེ་ལེགས་སུ་གཏོང་དགོས།  ཁྱིམ་བདག་ཞིག་ཡིན་པའི་ཆ་ནས་རང་འགན་གཞན་ལ་མི་བཅོལ་བར་རང་འགུལ་གྱི་སྒོ་ནས་སློབ་གསོ་གཏོང་བའི་ཤེས་བྱ་གསར་བ་བསྡུ་ལེན་བྱེད་དགོས་པ་བཤད་ཅི།  སྲོལ་རྒྱུན་གྱི་སློབ་གསོ་གཏོང་བའི་བྱེད་སྟངས་ནི་ཕ་མ་མང་ཆེ་ཤས་ཀྱིས་དབང་ཤུགས་བེད་སྤྱད་ནས་བྱིས་པར་སློབ་གསོ་གཏོང་བ་དང༌།  བྱིས་པར་གཅར་རྡུང་བྱེད་པ་ནི་དབང་ཤུགས་སྤྱད་ནས་སློབ་གསོ་གཏོང་བའི་བྱེད་ཐབས་གཙོ་བོ་ཞིག་ཏུ་བརྩི་བཞིན་ཡོད། ཤེས་བྱ་གསར་བ་བསྡུ་ལེན་བྱས་ན་རང་ཉིད་འཚར་ལོངས་འབྱུང་བའི་ཉམས་མྱོང་ལས་ཐར་ཏེ་དུས་ལྟར་རང་གི་སློབ་གསོ་གཏོང་བའི་ལྟ་ཚུལ་དེ་ཇེ་ལེགས་སུ་གཏོང་བར་ཕན་པ་ཡོད།

    གསུམ།  བྱིས་པའི་སྐད་ཆ་ལ་སུན་སྣང་མེད་པར་ཉན་པ།

    གལ་ཏེ་ཁོང་ཁྲོ་ལངས་སླ་བའི་ཁྱིམ་བདག་ཅིག་ཡིན་ན་ཁ་ཏ་སློབ་གསོར་མི་ཉན་པའི་བྱིས་པ་ཞིག་འཕྲད་ཚེ་སློབ་གསོ་གཏོང་སྟངས་ནི་ཐད་ཀར་ཁ་རྡུང་གཏོང་བ་དེ་ཡིན་མོད། འོན་ཀྱང་སློབ་གསོ་གཏོང་སྟངས་བཟང་པོ་ནི་སྔོན་ལ་ཁྱིམ་བདག་རང་ཉིད་ཀྱི་སེམས་ལྷོད་ལ་འབབ་པ་དང་སེམས་རྣལ་ལ་ཕབ་ནས་བྱིས་པར་འདི་ལྟར་སྒྲུབ་པའི་རྒྱུ་མཚན་སོགས་གསལ་བོར་འདྲི་དགོས།  ཁྱིམ་བདག་གིས་བྱིས་པའི་བསམ་ཚུལ་རྒྱུས་ལོན་བྱེད་པ་དང་བྱེད་ཐབས་གང་མང་སྤྱད་ནས་གནད་དོན་ཐག་གཅོད་ཐབས་བྱས་ན། བྱིས་པས་དེ་ལྟར་སྒྲུབ་པ་ཁག་མེད་པ་ཤེས་ཐུབ་ལ་ལྡོག་ཕྱོགས་ཀྱི་བློ་དོགས་ཀྱང་སངས་ཐུབ་ངེས་ཡིན།

    བཞི།  རྫིག་ཉམས་མི་སྟོན་པ།

    ཁྱིམ་བདག་ཁ་ཤས་ཀྱིས་བྱིས་པའི་མདུན་དུ་རྫིག་ཉམས་བསྟན་ནས་བྱིས་པར་སློབ་གསོ་གཏོང་རྒྱུར་དགའ།  དོན་དངོས་སུ་བཤད་ན་ཁྱིམ་བདག་གིས་དེ་འདྲའི་རྣམ་འགྱུར་མི་འཛིན་པར་བྱིས་པ་ལ་སེམས་ནས་གཅེས་དགོས་པ་ལས་བཙན་ཤེད་ཀྱི་སྐད་ཆ་མི་བཤད་པ་དང༌།  བྱིས་པར་ལོ་ན་སོན་པའི་མི་ཞིག་ཏུ་བརྩིས་ནས་བརྩི་འཇོག་བྱས་ན་བཟང༌།

    ལྔ།  བྱིས་པར་གནས་ལུགས་བཤད་པ།

    རྒྱུན་དུ་བསླབ་བྱ་གནང་བ་ལས་གཞན་ཁྱིམ་བདག་གིས་ད་དུང་གནས་ཚུལ་ངོ་མ་སྤྱད་ནས་བྱིས་པར་གནས་ལུགས་བཤད་དེ། བྱིས་པ་ལ་མི་གཞན་ཞིག་གི་ལྟ་ཕྱོགས་ནས་རང་ཉིད་ཀྱི་བྱ་སྤྱོད་དེས་མི་གཞན་ལ་ཤུགས་རྐྱེན་ཇི་འདྲ་ཞིག་ཐེབས་པ་ཤེས་སུ་འཇུག་དགོས།

    དྲུག  བྱིས་པར་མྱོང་ཚོར་ལེན་དུ་འཇུག་པ།

    གལ་ཏེ་བྱིས་པས་རྒྱུན་དུ་མི་རྒན་པའི་སྐད་ཆར་མི་ཉན་ན་ཉེན་ཁ་མེད་པ་དང་མཇུག་འབྲས་ངན་པ་མི་འབྱུང་བའི་གནས་ཚུལ་འོག་ནས།  ཁྱིམ་བདག་གིས་ཀྱང་བྱིས་པར“རང་སྡུག་རང་ཉོ”ཡི་མྱོང་ཚོར་ལེན་དུ་འཇུག་ཆོག  རང་ཉིད་ཀྱི་མྱོང་ཚོར་དངོས་བརྒྱུད་ཚེ་ཕ་མའི་སློབ་སྟོན་དེ་ཡང་དག་པ་དང་གལ་ཆེན་ཞིག་ཡིན་པའི་ཤེས་རྟོགས་ཐོབ་ཏུ་འཇུག་ཐུབ།

    བདུན།  བྱིས་པ་དང་གྲོལ་མོལ་བྱེད་པ།

    རྒྱུན་དུ་བྱིས་པར་མི་རྒན་པའི་འདོད་བློ་ལྟར་བྱ་བ་བསྒྲུབ་ཏུ་འཇུག་མི་རུང༌།  གལ་ཏེ་དེ་ལྟར་བྱས་ན་བྱིས་པ་ལ་སྡུག་བསྔལ་ཡོད་པ་མ་ཟད་ཕ་མ་རང་ཉིད་ལའང་སྡུག་བསྔལ་ཆེ།  བྱིས་པའི་ལོ་ན་ཆུང་ནའང་ཁོ་ཚོར་རང་གི་འདོད་པ་ལྟར་སྒྲུབ་པའི་དོན་དག་ཡོད་པས།  བྱིས་པ་དང་གྲོས་བྱས་ནས་རང་སོ་སོའི་ལྟ་ཚུལ་བརྗོད་པ་ནི་ཐབས་ལམ་བཟང་པོ་ཞིག་ཡིན་ཤོས་ཆེ།

    བརྒྱད།  སྤོ་ཆེ་བའི་སྐབས་སུ་བྱིས་པར་སློབ་གསོ་མི་གཏོང་བ།

    སྤོ་ཆེན་པོ་ལངས་སྐབས་ཁྱིམ་བདག་གིས་རང་ཚོད་མི་ཟིན་པར་སློབ་གསོ་གཏོང་སྲིད་པས། ཁྱིམ་བདག་གིས་རང་སེམས་ལྷོད་དུ་གཏོང་མི་ཐུབ་པའི་སྐབས་རང་ཉིད་ལས་ཡུལ་དངོས་དང་ཁ་བྲལ་ནས། རང་སེམས་ལྷོད་