ནུབ་བྱང་མི་རིགས་སློབ་གྲྭ་ཆེན་མོ།

  ནུབ་བྱང་མི་རིགས་སློབ་གྲྭ་ཆེན་མོ་ནི་ཀྲུང་གོ་གསར་བ་དབུ་བརྙེས་ཚུན་གྱི་གྲངས་ཉུང་མི་རིགས་ཀྱི་སློབ་གྲྭ་ཆེན་མོ་ཐོག་མ་ཡིན། སྤྱི་ལོ་༡༩༤༩ལོའི་ཟླ་༧པར་ལས་དོན་གྱི་དགོས་མཁོ་དང་ཡང་སྒོས་ནུབ་བྱང་བོད་རིགས་ས་ཁུལ་དུ་ཆབ་སྲིད་ལས་བྱེད་གསོ་སྐྱོང་བྱ་བར་དམིགས་ཏེ་ཀྲུང་གོ་མི་དམངས་བཅིངས་འགྲོལ་དམག་རྐང་དམག་དམག་སྡེ་དང་པོ་དང་ཀན་སུའུ་ཞིང་ཆེན་དམག་དོན་དོ་དམ་ཚོགས་པ་ཟུང་ནས་ནུབ་བྱང་ས་ཁུལ་གྱི་གྲོང་ཁྱེར་གནད་པོ་ཆེ་ལན་གྲུར་བོད་རིགས་གནད་དོན་ཞིབ་འཇུག་འཛིན་གྲྭ་གཉེར་བ་སྟེ་ནུབ་བྱང་མི་རིགས་སློབ་ཆེན་གྱི་ས་བོན་ལྟ་བུ་ཡིན། ལོ་དེ་རང་གི་ཟླ་༡༡པར་དུས་བབ་ཀྱི་འགྲོས་བཞིན་དུ་འཛིན་གྲྭ་དེ་སློབ་གྲྭར་རྒྱ་བསྐྱེད་དེ་བོད་རིགས་སློབ་གྲྭ་མིང་འཕོས་ཤིང་མི་རིགས་ས་ཁུལ་གྱི་སློབ་མ་བསྡུ་འགོ་བརྩམས། སྤྱི་ལོ་༡༩༥༠ལོའི་ཟླ་དང་པོར་སློབ་གྲྭ་མིང་སླར་འཕོས་ཏེ་ནུབ་བྱང་མི་དམངས་གསར་བརྗེའི་སློབ་ཆེན་ལན་གྲུའི་ཡན་ལག་སློབ་གྲྭ་སྡེ་ཁག་གསུམ་པ་ཞེས་འབོད། སྤྱི་ལོ་༡༩༥༠ལོའི་ཟླ་དང་པོར་ནུབ་བྱང་མི་རིགས་སློབ་གྲྭ་ཆེན་མོ་དངོས་སུ་དབུ་བརྙེས།

　 སློབ་ཆེན་འདི་ཉིད་དབུ་བརྙེས་བ་ལས་ཏང་དང་སྲིད་གཞུང་གིས་མི་རིགས་ཀྱི་མཐོ་རིམ་སློབ་གྲྭར་བཅངས་བའི་གཟིགས་མཐོང་ཆེན་མོ་ལེགས་པར་མཚོན་ནུས། སྤྱི་ལོ་༡༩༥༡ལོར་འདི་གའི་སློབ་གླིང་དུ་སྐད་ཡིག་སྡེ་ཁག་དང་ཆབ་སྲིད་སྡེ་ཁག་གཉིས་བཙུགས། སྐདཡིག་སྡེ་ཁག་ཏུ་བོད་ཡིག་དང་སོག་ཡིག ཡུ་གུར་གྱི་ཡི་གེ་བཅས་ཆེད་ལས་གསུམ་ཡོད། སྤྱི་ལོ་༡༩༧༩ལོའི་ཟླ་༤བར་སྐད་ཡིག་སྡེ་ཁག་དེ་གྲངས་ཉུང་མི་རིགས་ཀྱི་སྐད་ཡིག་རྩོམ་རིག་སྡེ་ཁག་དང་རྒྱའི་སྐད་ཡིག་དང་རྩོམ་རྩལ་ཞིབ་འཇུག་ཁང་དང་བོད་ཀྱི་རྩོམ་རིག་ཞིབ་འཇུག་ཁང༌། བོད་བརྒྱུད་ནང་བསྟན་ཞིབ་འཇུག་ཁང༌། ཏུང་ཧོང་གཏེར་ཡིག་ཞིབ་འཇུག་ཁང་བཅས་ཡོད། མིག་སྔར་འདི་ག་སློབ་གླིང་དུ་བོད་ཀྱི་སྐད་ཡིག་དང་རྩོམ་རིག་གི་ཆེད་ལས་དང་བཟོ་ཚོང་དོ་དམ་ཆེད་ལས་（རྒྱ་བོད་སྐད་གཉིས་）གཉིས་ཡོད། ལས་བཟོ་བ༢༥དང་ཆེད་བསྐོས་དགེ་རྒན་༢༡ཡོད། དགེ་རྒན་ཆེན་མོ་༥ཡོད། དགེ་རྒན་ཆེན་མོ་གཞོན་པ་༨དང༌། འཆད་འཁྲིད་དགེ་རྒན་༨བཞུགས། ཀན་སུའུ་དང་མཚོ་སྔོན། སི་ཁྲོན། བོད་ལྗོངས་བཅས་ནས་ཡོང་བའི་སློབ་མ་༣༤༥ཡོད།

  བོད་ཀྱི་སྐད་ཡིག་དང་རྩོམ་རིག་གི་ཆེད་ལས་གཉེར་བ་ནས་བཟུང༌། ཏང་གི་མི་རིགས་སློབ་གསོའི་མཛད་ཕྱོགས་དང༌། མི་རིགས་ཀྱི་ཤེས་ལྡན་པ་གསོ་སྐྱོང༌། མི་རིགས་རིག་གནས་དར་སྤེལ་གྱི་རྩ་དོན་རྒྱུན་འཁྱོངས་བྱས་ཤིང༌། སློབ་གཉེར་གྱི་གཞི་ཁྱོན་རྒྱ་བསྐྱེད་དང་སློབ་གཉེར་གྱི་རིམ་པ་མཐོར་འདེགས་བྱས། སྤྱི་ལོ་༡༩༧༩ལོར་བོད་ཀྱི་སྐད་ཡིག་དང་རྩོམ་རིག་ཆེད་ལས་ཀྱི་ཧྲོའོ་ཧྲི་ཞིབ་འཇུག་སློབ་མ་བསྡུ་འགོ་བརྩམས། ལོ་རབས་དགུ་བཅུ་བའི་མགོ་ནས་བཟུང་བོད་ཁུལ་གྱི་ཤེས་ལྡན་པ་གསོ་སྐྱོང་གི་དགོས་མཁོར་དམིགས་ཏེ་བོད་ཀྱི་སྐད་ཡིག་དང་རྩོམ་རིག་ཆེད་ལས་ཀྱི་རང་སྦྱོང་ཆེད་ལས་གཉེར། ད་བར་དུ་རྒྱ་ཆེ་བའི་བོད་ཁུལ་དང་འབྲེལ་ཡོད་སྡེ་ཁག ཏང་སྲིད་ལས་ཁུངས་བཅས་ལ་ཞིབ་འཇུག་སློབ་མ་༡༠༠ལྷག་དང༌། དངོས་གཞི་དང་ཆེད་སྦྱོང་སློབ་མ་༢༢༠༠ལྷག རངསྦྱོང་ཆེད་ལས་ཀྱི་དངོས་གཞི་དང་ཆེད་སྦྱོང་སློབ་མ་༧༠༠ལྷག་གསོ་སྐྱོང་བྱས། སློབ་གླིང་འདི་ནས་མཐར་ཕྱིན་པའི་སློབ་མ་ཕལ་མོ་ཆེས་རང་རང་གི་ལས་གནས་སུ་བོད་ཀྱི་སྤྱི་ཚོགས་རང་ལུགས་དཔལ་ཡོན་འཛུགས་སྐྲུན་དང་ཆབ་སྲིད་བརྟན་ལྷིང༌། མི་རིགས་མཐུན་སྒྲིལ་གྱི་ཆེད་དུ་ལེགས་སྐྱེས་འཕུལ་དང་འབུལ་བཞིན་ཡོད། འདི་ག་སློབ་གླིང་ནས་ནམ་ཡང་བསླབ་གཞི་འབྲི་རྩོམ་ཐད་ལ་མཐོང་ཆེན་བྱས། སློབ་གླིང་འདིའི་ཆེད་ལས་བསླབ་གཞིའི་ཁྲོད་བརྒྱ་ཆའི་གོ་ལྔ་ནི་སློབ་གླིང་རང་གི་དགེ་རྒན་གྱིས་རྩོམ་སྒྲིག་བྱས། ཚོད་རྩིས་ལྟར་ན་སྔ་ཕྱི་བསྡོམས་པའི་ཆེད་ལས་བསླབ་གཞི་༣༠ལ་ཉེ་བ་བརྩམས། དེ་དག་གིས་རང་སློབ་གླིང་གི་སློབ་ཁྲིད་དགོས་མཁོ་བསྐངས་བ་མ་ཟད། བསླབ་གཞི་མང་པོ་ཞིག་སློབ་ཆེན་གཞན་པའི་བོད་ཡིག་ཆེད་ལས་ཀྱི་བསླབ་གཞི་བདམས་ཤིང་དགའ་བསུ་ཆེན་པོ་ཐོབ། སྤྱི་ལོ་༢༠༠༠ལོར་སློབ་གྲྭས་ཆོག་མཆན་བཀོད་པ་ལྟར་བཟོ་ཚོང་དོ་དམ་(རྒྱ་བོད་སྐད་གཉིས་)གྱི་དངོས་གཞིའི་ཆེད་ལས་བཙུགས་ཤིང་ལོ་དེར་སློབ་མ་བསྡུ་མགོ་བརྩམས། ཆེད་ལས་སློབ་ཁྲིད་ཚད་ལྡན་དུ་གཏོང་ཆེད་སློབ་ཆེན་གཞན་དག་དང་མཉམ་དུ་བསླབ་གཞི་༡༤སྒྱུར་སྒྲིག་བྱས་ཏེ་ད་ལྟ་པར་དུ་བསྐྲུན་ལ་ཉེ། སློབ་ཁྲིད་ལ་མཐོང་ཆེན་བྱས་བ་མ་ཟད་སློབ་ཁྲིད་ལ་བརྟེན་ནས་ཚན་རིག་ཞིབ་འཇུག་གི་སྒོ་འཕར་ཕྱེ་ཤིང་སླར་ཚན་རིག་ཞིབ་འཇུག་གི་གྲུབ་འབྲས་ལ་བརྟེན་ནས་སློབ་ཁྲིད་ལ་སྐུལ་འདེད་བྱ་རྒྱུ་མཐའ་འཁྱོངས་བྱེད་རྒྱུ་ཡོད། ལོ་རབས་༥༠བ་ནས་བཟུང་ཝང་ཡེ་ནོན་དང་ཚེ་ཏན་ཞབས་དྲུང༌། ཏོན་ཁེ་ཞིན། ཧུ་ཧྲེང་ཀྲེན། ཧོང་བན་ཧྲིང༌། ངག་དབང་ཆོས་དར། དཀོན་མཆོག་ཚེ་བརྟན་སོགས་མཁས་བ་རིམ་བྱོན་ལ་ཁོང་རྣམ་པའི་བརྩམས་ཆོས་གཙོ་བོ་《བྱ་ཁྱུང་གདན་རབས་》དང་《ཐོན་མིའི་ཞལ་ལུང་》《བོད་རྒྱ་ཚིག་མཛོད》《སྙན་ངག་སྤྱི་དོན》《སྐར་མའི་འཇིག་རྟེན