ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་དུས་ཆེན་དང་སེ་ལྡན་བོད་ལུག་ནོར་ནག་འོས་སྦྱོར་ཚོགས་འདུ་བསྡུས།

ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་སྒྱུ་རྩལ་དུས་ཆེན་དང་སྐབས་ཐོག་མའི་སེ་ལྡན་བོད་ལུག་ནོར་ནག་འོས་སྦྱོར་ཚོགས་འདུ།

     ཟླ8པའི་ཐེམ་ཆེན་རྩྭ་ཐང་ནི་སྔོ་ལྗང་གི་ཞིང་ཁམས་སུ་སྣང་ལ། རི་མོ་མཁན་གྱི་པིར་རྩལ་ལས་འཁྲུངས་པ་ལྟ་བུའི་ཡུལ་ལྗོངས་ཀྱི་དུས་ཚིགས་འདིར། རིགས་སོ་སོའི་སྤུན་ཟླ་རྣམས་པག་ཆུ་འགྲམ་ངོགས་སུ་ལྷན་འཛོམས་བྱུང་ཞིང་། ཐེམ་ཆེན་རྩྭ་ཐང་དུ་དུས་སྟོན་ལ་རོལ་ཏེ། མཉམ་དུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བཙུགས་ནས་ལོ་འཁོར་བདུན་ཅུ་འཁོར་བ་དང་མཚོ་སྔོན་བཅིངས་འགྲོལ་བྱས་ནས་ལོ་འཁོར་བདུན་ཅུ་ལོན་པར་རྟེན་འབྲེལ་ཞུ་བ་བསྡོངས་ནས། ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་སྒྱུ་རྩལ་དུས་ཆེན་དང་སྐབས་ཐོག་མའི་སེ་ལྡན་བོད་ལུག་ནོར་ནག་འོས་སྦྱོར་ཚོགས་འདུ། ཐེམ་ཆེན་རི་ཁུལ་བྱེས་བགྲོད་འགྲན་བསྡུར་བྱ་འགུལ་གྱི་འགོ་རྩོམ་མཛད་སྒོ་གཟབ་རྒྱས་ངང་སྤེལ།  མཛད་སྒོའི་སྟེང་མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཧྲིན་ཡོན་ཚེ་དང་ཁུལ་སྲིད་གྲོས་ཀྲུའུ་ཞི་གཞོན་པ་ཀྲང་ཡཱ་པང་། ཞིང་ཆེན་ཞིང་ཕྱུགས་ཚན་རྩལ་གླིང་གི་གླིང་གཙོ་གཞོན་པ་ལིག་ཧྲུའུ་ཅའེ། ཐེམ་ཆེན་རྫོང་ཨུའི་ཧྲུའུ་ཅི་ཨུ་མ་ཞོས་ཐའེ་སོགས་འགོ་ཁྲིད་བློ་མཐུན་རྣམས་འགོ་རྩོམ་མཛད་སྒོར་ཞུགས། 

ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་དུས་ཆེན་དང་སེ་ལྡན་བོད་ལུག་ནོར་ནག་འོས་སྦྱོར་ཚོགས་འདུ་བསྡུས།

བྲོ་འཁྲབ་པ།

     སྤྱི་ཟླ8པའི་ཚེས6ཉིན་གྱི་སྔ་དྲོར། ཐེམ་ཆེན་རྫོང་གི་རིག་གནས་གནས་སྐོར་དུས་ཆེན་གྱི་འགོ་རྩོམ་མཛད་སྒོ་རྔམ་བརྗིད་ལྡན་པའི་རྒྱལ་གླུའི་ཁྲོད་འགོ་བརྩམས་ཤིང་། གཟི་བརྗིད་ཀྱི་རྒྱལ་གླུའི་ཁྲོད་ཚོགས་རའི་ཡུལ་དངོས་ཧྲིལ་པོ་གུས་འདུད་ཀྱི་མིག་ཟུང་གིས་བརྩེ་ཞིང་། ལྷབ་ལྷུབ་ཏུ་གཡོ་བའི་རྒྱལ་དར་ནི་སྔོ་ལྗང་གི་རྩྭ་ཐང་མཁའ་དབྱིངས་སུ་ལྷེམ་མེར་གཡོ། རྒྱུས་ལོན་པ་ལྟར་ན། ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་སྒྱུ་རྩལ་དུས་ཆེན་ནི་བཟང་ཤན་ཆེས་ལེགས་པའི་རིག་གནས་གནས་སྐོར་དུས་ཆེན་མིང་གྲགས་ཅན་ཞིག་དང་མང་ཚོགས་འཚོ་བའི་ཁྲོད་སྒྱུ་རྩལ་གྱི་གསོལ་སྟོན་ཆེན་མོ་ཞིག་ཡིན། ཐེངས་འདིའི་རིག་གནས་སྒྱུ་རྩལ་དུས་ཆེན་གྱིས་སྲིད་གཞུང་གིས་སྣེ་ཁྲིད་གཙོ་བོ་བྱེད་པ་དང་། སྤྱི་ཚོགས་ཡོངས་ནང་དུ་ཞུགས་པ། རྫོང་ཡོངས་མཉམ་འབྲེལ་བྱེད་པ། མང་ཚོགས་ལ་ཕན་ཁེ་བསྐྲུན་པའི་རྩ་དོན་གཞིར་བཟུང་ནས། ཐེམ་ཆེན་རྫོང་གི་རིག་གནས་ལོ་རྒྱུས་ཀྱི་འཕར་རྩ་ཕྱོགས་ཡོངས་ནས་འགྲེམ་སྤེལ་བྱེད་པ་དང་། མཐོ་སྒང་གི་སྐྱེ་ཁམས་གནས་སྐོར་ཀྱི་འགུག་ཤུགས་མངོན་པ། བོད་ཀྱི་དམངས་ཁྲོད་རིག་གནས་དར་སྤེལ་དང་མང་ཚོགས་ཀྱི་སྣ་མང་རིག་གནས་བྱ་འགུལ་ལ་གསོན་ཤུགས་བསྣོན་རྒྱུ་དམིགས་འབེན་དུ་བཟུང་ཡོད།

འཁྲབ་སྟོན་པ།

     ཉེ་བའི་ལོ་འགའི་ཚུན་ལ། ཐེམ་ཆེན་རྫོང་གིས་དུས་དང་རྣམ་པ་ཀུན་དུ་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་བསམ་བློའི་དགོངས་པ་མཛུབ་སྟོན་དུ་བཟུང་ནས། ནན་ཏན་སྒོས་འཕེལ་རྒྱས་གསར་བའི་འདུ་ཤེས་ལག་ལེན་དུ་བཏབ་པ་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ལྔ་བཞིའི་འཐབ་ཇུས་དང་། སྔོན་འགྲོ་གཅིག་དང་སྤུས་ལེགས་གཉིས་ཀྱི་འཐབ་ཇུས་བཀོད་སྒྲིག་ལྟར། མཚོ་ནུབ་ཁུལ་ཨུ་དང་ཁུལ་སྲིད་གཞུང་གིས་མངའ་ཁོངས་ཡོངས་ཀྱི་གནས་སྐོར་དང་མཚོ་ནུབ་གནས་སྐོར་གྱི་འཐབ་ཇུས་དངོས་འབེབས་དོན་འཁྱོལ་བྱས་ཤིང་། རིག་གནས་གནས་སྐོར་གྱི་ཐོན་ལས་འཕེལ་རྒྱས་སུ་གཏོང་བ་ནི་རྫོང་ཡོངས་ཀྱི་དཔལ་འབྱོར་འཕར་སྣོན་བྱེད་ས་གསར་བ་རུ་བཞག་ཏེ། ཅི་ནུས་ཀྱིས་མཐོ་སྒང་གི་རང་བྱུང་ལྗོང་རྣམ་དང་རི་འཛེགས་གནས་སྐོར། བོད་བརྒྱུད་ནང་བསྟན་རིག་གནས་གནས་སྐོར། དམངས་སྲོལ་ཡུལ་སྲོལ་ཉམས་རོལ་གནས་སྐོར་སོགས་ཀྱི་ཁྱད་ལྡན་གནས་སྐོར་སྙན་གྲགས་བཞེངས་བསྐྲུན་བྱས་པར། རིག་གནས་གནས་སྐོར་ཐོན་ལས་ཕྱོགས་ནས་འཕེལ་རྒྱས་ཀྱི་གནས་བབ་ལེགས་པོ་མངོན།

     མཛད་སྒོའི་སྟེང་། ཐེམ་ཆེན་རྫོང་གི་གྲོང་རྡལ་གསུམ་དང་ཞང་བདུན་གྱི་འབྲོག་པ་མང་ཚོགས་ཀྱི་འཐུས་མིས་གྲུབ་པའི་རྟ་རྒྱུག་རུ་ཁག་གིས་འབད་འཐབ་ཀྱི་ལོ་ངོ་བདུན་ཅུ། མཚར་སྡུག་གི་དུས་རབས་གསར་བ་ཞེས་པའི་ཡོལ་བྱང་མཐོ་རུ་བསྒྲེངས་ནས། དུས་རབས་གསར་བའི་རྩྭ་ཐང་འབྲོག་དམངས་ཀྱི་བསམ་བློའི་སྙིང་སྟོབས་མངོན་པར་བྱས་ལ། རྩྭ་ཐང་གི་བུ་བུ་མོས་བདེ་སྐྱིད་འཚོ་བར་བརྩོན་པའི་ཡར་སེམས་དང་མ་འོངས་ཕུགས་འདུན་ལ་བཅངས་པའི་སྙིང་སྟོབས་མངོན་པར་མཚོན། ཐེངས་འདིའི་རིག་གནས་སྒྱུ་རྩལ་དུས་ཆེན་གྱི་དུས་ཡུན་ནི་ཉིན་གསུམ་ཡིན་ལ། དུས་ཆེན་སྐབས་སུ་བོད་ཀྱི་དམངས་ཁྲོད་བྱ་འགུལ་རབ་དང་རིམ་པ་ལས་ལ་གཞས་དང་མདའ་རྩེད། ས་འགྱོགས། ཐག་འཐེན། རྟ་རྒྱུག་འགྲན་སྡུར། སྐོར་བྲོ་འགྲན་སྡུར་སོགས་ཡོད་ཅིང་། གཞན་ད་དུང་རི་ཁུལ་བྱེ་བགྲོད་འགྲན་སྡུར་དང་། ཟས་མཆོག་གཡོས་སྦྱོར་འགྲན་སྡུར་སོགས་ཀྱི་འོས་སྦྱོར་སྟེགས་བུ་མང་པོ་བསྐྲུན་ཡོད། 

     འགོ་རྩོམ་མཛད་སྒོ་དེ་བདེ་སྐྱིད་ཀྱི་ཁྱིམ་གཞིས་ཞེས་པའི་གླུ་བྲོ་ཁྲོད་འགོ་བརྩམས། ཐེམ་ཆེན་རྫོང་ལྷ་མཚོའི་འབྱུང་ཡུལ་གླུ་གར་ཚོགས་པ་དང་ས་གནས་སོ་སོ་ནས་ཕེབས་པའི་གླུ་བ་གླུ་མ་རྣམས་ཀྱི་མི་རིགས་ཀྱི་ཁྱད་ཆོས་ལྡན་པའི་སྒྱུ་རྩལ་བརྩམས་ཆོས་ཀྱིས་ལས་བྱེད་མང་ཚོགས་ལ་མིག་དབང་གི་གསོལ་སྟོན་གྱ་ནོམ་པ་སྦྱིན།