མཐེ་བོང་ཀེར་སྲོལ།

  བོད་མིས་དོན་གང་ཞིག་ལ་ཡག་སྡུག་གི་རྣམ་འགྱུར་མཚོན་དགོས་པ་དང་།  དོན་གང་ཞིག་ལ་འུ་ཐུག་གི་ཞུ་བ་འཐེན་དགོས་པ་བཅས་ལ་མཐེ་བོང་དང་མཛུབ་ཆུང་ཀེར་བའི་སྲོལ་ཞིག་ཡོད་པ་སྟེ།  དོན་གང་ཞིག་འགྲིག་འདུག་ཅེས་བསྔགས་བརྗོད་བྱ་དགོས་ན།  མཐེ་བོང་ཀེར་ནས་བསྔགས་བརྗོད་ཀྱི་རྣམ་འགྱུར་མཚོན་པར་བྱེད་ལ།  ཡང་དོན་གང་ཞིག་མ་འགྲིག་པ་དང་སྡུག་པ་ཞིག་ཡིན་ཕྱིན་མཛུབ་ཆུང་ཀེར་ནས་ཡག་པོ་མིན་པའི་རྣམ་འགྱུར་མཚོན་པར་བྱེད་ཅིང་།  འུ་ཐུག་ནས་ཞུ་འབོད་བྱེད་དགོས་པའི་དོན་ཞིག་ཡིན་ཕྱིན་མཐེ་བོང་གཉིས་ཀ་ཀེར་ཏེ་ཞུ་བ་འཐེན་པའི་རྣམ་འགྱུར་མཚོན་པར་བྱེད་ཀྱི་ཡོད།