གུས་ཞབས་དང་འབྲེལ་བའི་འཛེམ་བྱ།

  བོད་མིར་རྒན་པར་བརྩི་བཀུར་དང་གཞོན་པར་གཅེས་སྐྱོང་བྱེད་པའི་གོམས་སྲོལ་བཟང་བོ་ཞིག་ཡོད།  དཔེར་ན་རང་ལས་རྒན་པའི་མིར་སྐད་ཆ་ཤོད་སྐབས་ངེས་པར་དུ་ཞེ་ས་ཞུ་དགོས་ཤིང་།  རྒན་པའི་མཚན་ནས་འབོད་སྐབས་དེ་ཡི་རྗེས་སུ“ལགས”ཞེས་པའི་སྐད་ཆ་ཐོས་པ་ཞིག་བསྣན་ནས་བརྩི་བཀུར་དང་གུས་ཞབས་མཚོན་པར་བྱེད་པ་ལས།  གང་གི་མཚན་ཐད་ཀར་འབོད་སྲོལ་མེད་ལ།  ལམ་ལ་ཞུགས་སྐབས་མི་གཞན་གྱི་སྔོན་ལ་ཧབ་ཐོབ་བརྒྱབ་ནས་འགྲོ་སྐྱོད་བྱེད་པ་དང་།  མི་ཚང་གཞན་གྱི་ཁྱིམ་ནང་གདན་ཐོག་ལ་བཞུགས་སྐབས་དཀྱིལ་མ་ཀྲུང་བཅས་པར་རྐང་བརྐྱངས་ལག་བརྐྱངས་སུ་འདུག་པ།  མི་མང་འཛོམས་སར་རྟུག་དྲི་གཏོང་བ།  གད་རྒྱག་སྐབས་འཕྱག་མ་ལག་སྤྲོད་བྱེད་པ།  འགྲུལ་པ་ཐོན་མ་ཐག་གད་ཕྱིས་བྱེད་པ།  མི་གཞན་གྱི་རྒྱབ་ཏུ་ཐུ་ལུད་རྒྱག་པ།  བུད་མེད་ཀྱིས་སྤང་གདན་རྡབ་པ་སོགས་ཀྱི་བྱ་སྤྱོད་ནི་མི་གཞན་ལ་འཕྱ་སྨོད་ཆེ་ཤོས་དང་ངན་ལྟས་ཆེ་ཤོས་ལ་བརྩི་བས།  དེ་རིགས་ནི་རྒྱུན་ལྡན་གྱི་འཛེམ་བྱ་ཡིན།  གཞན་ཡང་རྒན་ཁོག་དང་།  དབང་པོ་སྐྱོན་ཅན།  བསོད་སྙོམས་སློང་མཁན་སོགས་ལ་རོགས་རམ་དང་དགེ་སྦྱོར་སྦྱིན་གཏོང་བྱེད་པ་ལས།  མཐོང་ཆུང་དང་གཤེ་གཤེ་གཏོང་པའི་རིགས་ནི་མ་རབ་ཐ་ཤལ་གྱི་སྤྱོད་ངན་ལ་བརྩིས་ནས་རྒྱུན་དུ་ཀུན་གྱིས་འཛེམ་པར་བྱ་བའི་ཡུལ་ཡིན།