རྡུལ་ཚོན་ཕྱེ་མ།

    དཀྱིལ་འཁོར་སོགས་ལ་སྤྱོད་པའི་ཐུན་མིན་བོད་བཟོ་རྡུལ་ཚོན་ཕྱེ་མ་ནི་རབ་རིན་པོ་ཆེའི་རིགས་ཀྱི་ཕྱེ་མ། འབྲིང་འབྲས་སོགས་འབྲུ་སྣའི་ཕྱེ་མ། ཐ་མ་མེ་ཏོག་གི་ཕྱེ་མ་དང་ཡང་ན་ཁམ་ས། བླ་མེད་ལ་དུར་ཁྲོད་ཀྱི་སོལ་བ་དང་རུས་ཕྱེ་སོགས་ལས་འབྲི་བར་བྱེད་དོ།། ལག་ལེན་གྱི་གོ་རིམ་རགས་པ་ནི། ཐོག་མར་ཅོང་ཞི་དང་མཉམ་དུ་སླ་ངར་བརྔོ། དེ་ནས་ཞིབ་བཏགས་བྱས་པ་རགས་ཞིབ་ཏུ་བཀར་ནས་ཞིབ་སྙིགས་དོར་བ་འབྲི་མོག་དང་བུལ་ཏོག ཡུང་བ་སོགས་དང་བསྡེབས་ཏེ་གང་མཁོའི་ཚོས་སྦྱོར་བར་བྱ། མཐར་ཉེར་སྤྱད་སྣེ་ཕྲ་བའི་སྦུ་གུ་ཝ་ཁ་འདྲ་བ་ལ་བརྟེན་ནས་སྤྱི་ཐིག་གི་ནང་ལྟར་རྒྱས་བསྡུས་གོ་རིམ་མ་ནོར་བར་བཞེངས་པ་ཞིག་ཡིན།

བོད་ཀྱི་རིག་གནས་སྒྱུ་རྩལ་ཀུན་འདུས་ཞལ་ཐང་ཆེན་མོ།