རླུང་རྟ་འཕེལ་ཞིང་བགེགས་བར་བཟློགས་པའི་མཚོན་རྟགས.དར་ལྕོག

    ང་ཚོའི་འཚོ་བའི་ནང་རྟག་ཏུ་མཐོང་རྒྱུ་ཡོད་པའི་བྱ་བ་དང་དངོས་པོའི་རིགས་ལ་འདྲིས་དྲགས་པའི་སྟབས་ཀྱིས་ང་ཚོས་སྣང་འཇོག་ཆེན་པོ་ཡོང་མི་སྲིད། གལ་ཏེ་དམངས་སྲོལ་རིག་པའི་ལྟ་བའི་ཐོག་ནས་དེ་རིགས་དམངས་སྲོལ་རིག་གནས་ཤིག་ཏུ་བརྩིས་ཏེ་རྟོགས་ཞིབ་བྱས་ཚེ་ཞིབ་འཇུག་གི་འབྲས་བུ་ངོ་མཚར་ལྡན་པ་ཐོབ་རྒྱུ་ཡིན་པར་གོར་མི་ཆག

    ང་ཚོས་དར་ལྕོག་ལ་ཕྱིའི་རྣམ་པའི་ཐོག་ནས་དབྱེ་ན་རིགས་གསུམ་དུ་དབྱེ་ཆོག་པ་འདུག  རིགས་དང་པོ་ནི་སངས་རྒྱས་ཀྱི་གསུང་དང་འདབ་ཆགས་གཅན་གཟན་གྱི་གཟུགས་རིས་ཚོན་མདོག་སྔོ་སེར་དཀར་དམར་ལྗང་ཁུ་བཅས་ལྔ་ལྡན་ཡོད་པའི་དར་རས་གྲུ་བཞིའི་སྟེང་དུ་དཔར་བཏབ་སྟེ་དེ་གཅིག་ལ་གཅིག་འབྲེལ་བྱས་ཏེ་ཐག་པའི་ཐོག་བཙེམས་ནས་ཁྲོམས་བསྒྲགས་འཕྲེད་འགེལ་སྦྱར་རས་བཞིན་ལ་རྩེའི་ཐོག་དཔྱང་འཁྲུལ་དུ་འདོགས་ཀྱི་ཡོད།  དར་ལྕོག་དེ་རིགས་ཕལ་ཆེ་བ་མཐོ་བའི་ལ་རྩེར་མཐོང་རྒྱུ་ཡོད། རིགས་གཉིས་པ་ནི་དར་ཆེན་ཞེས་རིང་ཚད་རྨི་གསུམ་མམ་ལྔ་ཙམ་ཡིན་པའི་དར་ཤིང་སྟེང་དུ་རས་ནར་མོ་ཡུག་གཅིག་གི་གཞོགས་གཅིག་དར་ཤིང་ཐོག་བཙེམས་ཤིང་ཚོན་མདོག་དམར་པོའམ་དཀར་པོ་ཡིན་པའི་དར་རས་ནར་མོའི་སྟེང་དུ་གདོན་བགེགས་གནོད་འཚེ་ཞི་འིང༌། རླུང་རྟ་དར་བའི་སངས་རྒྱས་ཀྱི་གསུང་རབ་དཔར་བཏབ་སྟེ་ཁང་ཁྱིམ་གྱི་མདུན་དུ་སློང་སྲོལ་ཡོད། དར་ཆེན་དེ་རིགས་ཀོང་པོ་ལ་སོགས་པའི་རོང་ཡུལ་དུ་མཐོང་རྒྱུ་མང༌།  ལྷ་ལྡན་གཙུག་ལག་ཁང་གིས་གཙོས་དགོན་སྡེ་ཁག་གི་སྒོ་འཕྱོར་མདུན་གྱི་དོ་རའི་དཀྱིལ་དུ་བཙུགས་པའི་དར་ཆེན་དེ་ཚོ་བཟོ་རྩལ་མཛེས་པ་མ་གཏོགས་གའི་རྐང་དེའི་ཁོངས་སུ་གཏོགས་པར་བསམ། རིགས་གསུམ་པ་ནི་སྔོ་སེར་དཀར་དམར་ལྗང་ཁུ་བཅས་ཚོན་མདོག་ལྔ་ལྡན་གྱི་དར་ཧྲུག་ཡིག་མེད་དང༌། མཐའ་ལ་འགྲིལ་བཏང་བའི་བ་དན་དར་རས་ཚོན་གཅིག་མ་ཞིག་གི་སྟེང་དུ་སངས་རྒྱས་ཀྱི་གསུང་དང་འདབ་ཆགས་གཅན་གཟན་གྱི་གཟུགས་ཀྱིས་དཔར་བཏབ་ཅིང༌།  དར་ཧྲུག་ཚོན་སྣ་ལྔ་ལྡན་དེ་དག་གོ་རིམ་མ་འཁྲུགས་པར་དར་ཤིང་གི་ཡལ་གའི་རྩེར་བཏགས་ནས་ཁང་པའི་ཡང་སྟེང་གི་ཟུར་དུ་འཛུགས་ཀྱི་ཡོད། དར་ལྕོག་དེ་རིགས་ཡུལ་མིའི་སྡོད་ཁང་གི་ཡང་ཐོག་ཏུ་མཐོང་རྒྱུ་ཡོདརྫིར་ལྕོག་ནི་རླུང་རྟ་འཕེལ་བའི་མཚོན་རྟགསཤིག་ཡིན་པ་དང་ལོ་ལྟར་རྙིང་འབུད་གསར་འཛུགས་བྱེད་དགོས་གཤིས།  དེའང་རང་འདོད་ལྟར་བྱས་ན་མི་འགྲིག་པར་སྐར་རྩིས་ལས་ཅི་བབས་གཞིར་བཟུང་སྟེ་ལོ་གསར་ཚེས་གཅིག་རྗེས་ཀྱི་ཚེས་ཆ་བཟང་བའི་ཉིན་ཞིག་ཁང་པའི་ཡང་ཐོག་སྟེང་དར་ལྕོག་གསར་སློང་བྱེད་ཀྱི་ཡོད། དེ་ཉིན་ཞོགས་པ་སྒོ་ར་ཡོངས་ཀྱི་མི་རྣམས་ལུས་ལ་རྒྱན་གོས་གཟབ་མཆོར་བཀླུབས་ཏེ་ཐོག་ཁའི་སྟེང་མཉམ་དུ་འཛོམས་ནས་དགའ་སྤྲོའི་ངང་ལྷ་གསོལ་ལམ་ཐོག་གསོལ་གྱི་བྱེད་སྒོ་གཟབ་རྒྱས་ཤིག་སྤེལ་བ་དང་སྦྲགས་དར་ལྕོག་གསར་པ་བཙུགས་ཀྱི་ཡོད། བཀྲ་ཤིས་པའི་ཉིན་དེར་ས་གཞི་ཆེན་པོར་ཞོགས་པའི་ཉི་གཞོན་ལྷང་ལྷང་འཕྲོས་མ་ཐག་ཐོག་ཁང་སོ་སོའི་བསངས་ཁུང་ལས་དྲི་བསུང་རབ་ཏུ་འཐུལ་བའི་ལྷ་བསངས་ཀྱི་དུ་བ་མཁའ་ལ་སྔོ་ལོང་ལོང་དུ་འཕྱུར་ཞིང༌། ཡང་སྟེང་ཐོག་ལ་ལས་གདན་ལྕོག་དབོར་བ་དང་ལ་ལས་ལག་ཏུ་ཕྱེ་མར་དང་ཇ་ཆང༌། འལ་ཏོག་སོགས་ཟ་རིགས་སྣ་ཚོགས་འཁྱེར་ནས་བྲེལ་འཚུབ་ངང་སྒྲིག་གཤོམས་བྱེད་པ་དང༌། གྲ་སྒྲིག་ཡོངས་སུ་ཚར་རྗེས་གྲོང་པ་ཁྱིམ་མཚེས་རྣམ་ལྷན་འཛོམས་ཐོག་ཕོ་མོ་རྒན་གཞོན་གོ་རིམ་ལྡན་པའི་ངང་བཞུགས་གྲལ་གྱི་གདན་ལ་འཁོད་ཐོག་ཧ་ལམ་ཞོགས་པ་ཆུ་ཚོད་བཅུ་པའི་ཡས་མས་སུ་ཐོག་གསོལ་གྱི་བྱེད་སྒོ་དངོས་སུ་འགོ་ཚུགས་ཀྱི་ཡོད།  དགའ་སྤྲོའི་རྣམ་པའི་ཁྲོད་དུ་དགེ་འདུན་པའམ་ཡང་ན་རྒན་རབས་ཞིག་གིས“ལྷ་བསངས་རྣམ་དག་ཆོས་སྐུ”སོགས་དཔེ་ཆ་འདོན་ཀློག་བྱས་ཏེ་ཐོག་གསོལ་འགོ་བཙུགས་པ་དང་དེ་གྲུབ་པའི་རྗེས་སུ་ཚང་མ་ཡར་ལངས་ནས་དུ་བ་སྔོ་ལོང་ལོང་དུ་འཕྱུར་བའི་བསངས་ཁུང་ལ་ཁ་ཕྱོགས། མགྲིན་དབྱངས་བཟང་བ་ཞིག་གིས་རྣམ་ཐར་བཏང༌།  དེ་ནས་རྩམ་སྦར་མོ་གང་བསླངས་ནས་མགྲིན་གཅིག་ཏུ་སྐད་གསང་མཐོན་པོས་གསོལ་ལོ། གསོལ་ལོ། ཞེས་ལན་གསུམ་བརྗོད་རྗེས“ཀི་ཀི་སོ་སོ།  ལྷ་རྒྱལ་ལོ”ཞེས་སྦར་མོའི་ནང་གི་རྩམ་པ་གནམ་ལ་གཏོར་ནས་ཕྱོགས་བཅུའི་ལྷ་ཀླུ་གཞི་བདག་རྣམ་ལ་ལོ་གསར་པ་དེའི་ནང་འགྲོ་བ་རིགས་དྲུག་སེམས་ཅན་ཐམས་ཅད་ལས་ངན་བགེགས་བར་ཆད་མི་ཡོང་བ་དང་བྱ་བ་ལམ་ལྷོང་ཡོང་བའི་གསོལ་བ་སྨོན་འདེབས་བྱེད་ཀྱི་ཡོད། བསང་གསོལ་མཇུག་སྒྲིལ་རྗེས་ཕོ་གཞོན་ཚོས་དར་ལྕོག་རྙིང་པ་མར་ཕབ་ནས་དར་ལྕོག་གསར་པ་བཙུགས་པ་དེ་ཡང་དུས་ཚོད་དང་ཕྱོགས་གཙང་སྨན་རྩིས་ཁང་གི་ལོ་ཐོར་གང་གསལ་གཞིར་བཞག་ལས་རང་སྣང་གང་ཤར་བྱེད་ཀྱི་མེད།  དེའི་ཐོག་ནས་ཐོག་གསོལ་བྱེད་སྒོ་ནི་རླུང་རྟ་འཕེལ་ཞིང་བྱ་བ་ལམ་ལྷོང་གི་རེ་སྨོན་མཚོན་པའི་ཆོས་ལུགས་དང་དམངས་སྲོལ་གོམས་གཤིས་གཉིས་ཀ་ཟུང་དུ་འབྲེལ་བའི་བྱེད་སྒོ་ཞིག་ཡ